ED ਨੇ ਸਹਾਰਾ ਇੰਡੀਆ ਵਿਰੁੱਧ ਕੀਤੀ ਵੱਡੀ ਕਾਰਵਾਈ
ਸੁਬਰੋਤੋ ਰਾਏ ਦੀ ਪਤਨੀ ਸਪਨਾ ਰਾਏ, ਉਨ੍ਹਾਂ ਦਾ ਪੁੱਤਰ ਸੁਸ਼ਾਂਤੋ ਰਾਏ, ਅਤੇ ਕੰਪਨੀ ਦੇ ਅਧਿਕਾਰੀ ਜੇਪੀ ਵਰਮਾ ਅਤੇ ਅਨਿਲ ਅਬਰਾਹਮ ਸਮੇਤ ਕਈ ਹੋਰਾਂ ਨੂੰ ਦੋਸ਼ੀ ਬਣਾਇਆ ਗਿਆ ਹੈ।
By : Gill
₹1.74 ਲੱਖ ਕਰੋੜ ਦੇ ਘੁਟਾਲੇ ਵਿੱਚ ਚਾਰਜਸ਼ੀਟ ਦਾਇਰ ਕੀਤੀ
ਨਵੀਂ ਦਿੱਲੀ, 6 ਸਤੰਬਰ 2025 – ਇਨਫੋਰਸਮੈਂਟ ਡਾਇਰੈਕਟੋਰੇਟ (ED) ਨੇ ਸਹਾਰਾ ਇੰਡੀਆ ਸਮੂਹ ਦੇ ਖ਼ਿਲਾਫ਼ ਆਪਣੀ ਜਾਂਚ ਤੇਜ਼ ਕਰਦੇ ਹੋਏ ਇੱਕ ਵੱਡੀ ਚਾਰਜਸ਼ੀਟ ਦਾਇਰ ਕੀਤੀ ਹੈ। ਇਹ ਚਾਰਜਸ਼ੀਟ ਕੋਲਕਾਤਾ ਦੀ ਪੀਐਮਐਲਏ (Prevention of Money Laundering Act) ਅਦਾਲਤ ਵਿੱਚ ਦਾਖਲ ਕੀਤੀ ਗਈ ਹੈ। ਇਸ ਵਿੱਚ ਕਰੀਬ ₹1.74 ਲੱਖ ਕਰੋੜ ਦੇ ਘੁਟਾਲੇ ਦਾ ਦੋਸ਼ ਲਗਾਇਆ ਗਿਆ ਹੈ।
ਚਾਰਜਸ਼ੀਟ ਵਿੱਚ ਕਿਹੜੇ ਦੋਸ਼ ਹਨ?
ਈਡੀ ਅਨੁਸਾਰ, ਸਹਾਰਾ ਸਮੂਹ ਨੇ ਲੋਕਾਂ ਨੂੰ ਉੱਚ ਰਿਟਰਨ ਦੇਣ ਦਾ ਲਾਲਚ ਦੇ ਕੇ ਕਰੋੜਾਂ ਰੁਪਏ ਇਕੱਠੇ ਕੀਤੇ, ਪਰ ਬਾਅਦ ਵਿੱਚ ਉਹ ਪੈਸਾ ਵਾਪਸ ਨਹੀਂ ਕੀਤਾ ਗਿਆ। ਇਹ ਚਾਰਜਸ਼ੀਟ ਸਿਰਫ਼ ਸਹਾਰਾ ਇੰਡੀਆ ਖ਼ਿਲਾਫ਼ ਹੀ ਨਹੀਂ, ਸਗੋਂ ਇਸਦੇ ਸਾਬਕਾ ਮੁਖੀ ਸੁਬਰੋਤੋ ਰਾਏ ਦੇ ਪਰਿਵਾਰ ਅਤੇ ਕੰਪਨੀ ਦੇ ਸੀਨੀਅਰ ਅਧਿਕਾਰੀਆਂ ਖ਼ਿਲਾਫ਼ ਵੀ ਦਾਇਰ ਕੀਤੀ ਗਈ ਹੈ।
ਦੋਸ਼ੀ: ਚਾਰਜਸ਼ੀਟ ਵਿੱਚ ਸੁਬਰੋਤੋ ਰਾਏ ਦੀ ਪਤਨੀ ਸਪਨਾ ਰਾਏ, ਉਨ੍ਹਾਂ ਦਾ ਪੁੱਤਰ ਸੁਸ਼ਾਂਤੋ ਰਾਏ, ਅਤੇ ਕੰਪਨੀ ਦੇ ਅਧਿਕਾਰੀ ਜੇਪੀ ਵਰਮਾ ਅਤੇ ਅਨਿਲ ਅਬਰਾਹਮ ਸਮੇਤ ਕਈ ਹੋਰਾਂ ਨੂੰ ਦੋਸ਼ੀ ਬਣਾਇਆ ਗਿਆ ਹੈ।
ਭਗੌੜਾ ਪੁੱਤਰ: ਈਡੀ ਨੇ ਦੱਸਿਆ ਕਿ ਸੁਬਰੋਤੋ ਰਾਏ ਦਾ ਪੁੱਤਰ ਸੁਸ਼ਾਂਤੋ ਰਾਏ ਜਾਂਚ ਵਿੱਚ ਸ਼ਾਮਲ ਨਹੀਂ ਹੋਇਆ ਹੈ ਅਤੇ ਉਹ ਭਗੌੜਾ ਹੈ। ਈਡੀ ਉਸ ਖ਼ਿਲਾਫ਼ ਗੈਰ-ਜ਼ਮਾਨਤੀ ਵਾਰੰਟ ਜਾਰੀ ਕਰਵਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ।
ਪਿਛਲੇ ਮਹੀਨੇ ਹੋਏ ਸਨ ਛਾਪੇ
ਇਸ ਚਾਰਜਸ਼ੀਟ ਤੋਂ ਪਹਿਲਾਂ, ਪਿਛਲੇ ਮਹੀਨੇ ਈਡੀ ਨੇ ਮਨੀ ਲਾਂਡਰਿੰਗ ਜਾਂਚ ਦੇ ਸਬੰਧ ਵਿੱਚ ਸਹਾਰਾ ਸਮੂਹ ਨਾਲ ਜੁੜੇ ਕਈ ਟਿਕਾਣਿਆਂ 'ਤੇ ਛਾਪੇਮਾਰੀ ਕੀਤੀ ਸੀ। ਇਹ ਛਾਪੇਮਾਰੀ ਉੱਤਰ ਪ੍ਰਦੇਸ਼ ਦੇ ਗਾਜ਼ੀਆਬਾਦ ਅਤੇ ਲਖਨਊ, ਰਾਜਸਥਾਨ ਦੇ ਸ਼੍ਰੀਗੰਗਾਨਗਰ, ਅਤੇ ਮੁੰਬਈ ਵਿੱਚ ਹੋਏ ਸਨ। ਜਾਂਚ ਏਜੰਸੀ ਨੇ ਕਿਹਾ ਸੀ ਕਿ ਇਹ ਛਾਪੇ ਸਹਾਰਾ ਸਮੂਹ ਦੀਆਂ ਸੰਸਥਾਵਾਂ ਦੇ ਜ਼ਮੀਨ ਅਤੇ ਸ਼ੇਅਰ ਲੈਣ-ਦੇਣ ਨਾਲ ਸਬੰਧਤ ਸਨ।
ਜ਼ਿਕਰਯੋਗ ਹੈ ਕਿ ਸਹਾਰਾ ਸਮੂਹ ਦੇ ਸੰਸਥਾਪਕ ਸੁਬਰੋਤੋ ਰਾਏ ਦਾ 2023 ਵਿੱਚ 75 ਸਾਲ ਦੀ ਉਮਰ ਵਿੱਚ ਦੇਹਾਂਤ ਹੋ ਗਿਆ ਸੀ।
