ਮਿਆਂਮਾਰ ਅਤੇ ਭਾਰਤ ਦੇ ਉੱਤਰੀ-ਪੂਰਬੀ ਹਿੱਸਿਆਂ 'ਚ ਫਿਰ ਭੂਚਾਲ

ਲੋਕਾਂ ਵਿੱਚ ਡਰ ਦਾ ਮਾਹੌਲ

ਨਵੀਂ ਦਿੱਲੀ / ਮਿਆਂਮਾਰ – ਧਰਤੀ ਇਕ ਵਾਰ ਫਿਰ ਕੰਬੀ ਜਦ ਮਿਆਂਮਾਰ ਅਤੇ ਭਾਰਤ ਦੇ ਮੇਘਾਲਿਆ ਰਾਜ ਵਿੱਚ ਅੱਜ ਸਵੇਰੇ ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ। ਇਹ ਘਟਨਾ 29 ਮਾਰਚ ਨੂੰ ਆਏ ਭਿਆਨਕ ਭੂਚਾਲ ਤੋਂ ਬਾਅਦ ਹੋਈ ਹੈ, ਜਿਸ ਤੋਂ ਬਾਅਦ ਇਲਾਕੇ ਵਿੱਚ ਲਗਾਤਾਰ ਭੂਚਾਲ ਆ ਰਹੇ ਹਨ।

ਮਿਆਂਮਾਰ 'ਚ 3.9 ਦੀ ਤੀਬਰਤਾ ਨਾਲ ਭੂਚਾਲ

ਸਵੇਰੇ ਲਗਭਗ 3 ਵਜੇ ਮਿਆਂਮਾਰ ਵਿੱਚ 3.9 ਮੈਗਨੀਟਿਊਡ ਵਾਲਾ ਭੂਚਾਲ ਆਇਆ। ਭੂਚਾਲ ਦਾ ਕੇਂਦਰ ਜ਼ਮੀਨ ਤੋਂ 10 ਕਿਲੋਮੀਟਰ ਦੀ ਡੂੰਘਾਈ ਵਿੱਚ ਸੀ। ਹਾਲਾਂਕਿ ਇਸ ਭੂਚਾਲ ਕਾਰਨ ਕਿਸੇ ਜਾਨੀ ਜਾਂ ਵੱਡੇ ਮਾਲੀ ਨੁਕਸਾਨ ਦੀ ਸੂਚਨਾ ਨਹੀਂ ਮਿਲੀ, ਪਰ ਲਗਾਤਾਰ ਆ ਰਹੇ ਝਟਕਿਆਂ ਕਾਰਨ ਲੋਕ ਚਿੰਤਤ ਹਨ।

ਮੇਘਾਲਿਆ ਦੇ ਪੂਰਬੀ ਗਾਰੋ ਪਹਾੜੀਆਂ ਵਿੱਚ ਵੀ ਝਟਕੇ

ਮਿਆਂਮਾਰ ਤੋਂ ਪਹਿਲਾਂ ਭਾਰਤ ਦੇ ਮੇਘਾਲਿਆ ਰਾਜ ਵਿੱਚ ਵੀ ਜ਼ਮੀਨ ਕੰਬੀ। ਨੈਸ਼ਨਲ ਸੈਂਟਰ ਫਾਰ ਸੀਸਮੋਲੋਜੀ (NCS) ਮੁਤਾਬਕ, ਮੇਘਾਲਿਆ ਦੇ ਪੂਰਬੀ ਗਾਰੋ ਹਿੱਲਜ਼ ਖੇਤਰ ਵਿੱਚ ਰਿਕਟਰ ਪੈਮਾਨੇ 'ਤੇ 2.7 ਦੀ ਤੀਬਰਤਾ ਵਾਲਾ ਭੂਚਾਲ ਆਇਆ। ਭੂਚਾਲ ਦਾ ਕੇਂਦਰ ਇੱਥੇ ਵੀ 10 ਕਿਲੋਮੀਟਰ ਦੀ ਡੂੰਘਾਈ 'ਤੇ ਸੀ।

ਸੂਤਰਾਂ ਦੇ ਅਨੁਸਾਰ, ਕੱਲ੍ਹ ਵੀ ਮੇਘਾਲਿਆ ਵਿੱਚ 3.1 ਮੈਗਨੀਟਿਊਡ ਵਾਲਾ ਭੂਚਾਲ ਆਇਆ ਸੀ। ਇਨ੍ਹਾਂ ਝਟਕਿਆਂ ਕਾਰਨ ਲੋਕ ਦਹਿਸ਼ਤ ਵਿੱਚ ਆਪਣੇ ਘਰਾਂ ਤੋਂ ਬਾਹਰ ਨਿਕਲ ਆਏ, ਹਾਲਾਂਕਿ ਕਿਸੇ ਤਰ੍ਹਾਂ ਦੇ ਨੁਕਸਾਨ ਦੀ ਪੁਸ਼ਟੀ ਨਹੀਂ ਹੋਈ।

EQ of M: 3.9, On: 18/04/2025 02:57:43 IST, Lat: 22.51 N, Long: 96.07 E, Depth: 10 Km, Location: Myanmar.
For more information Download the BhooKamp App https://t.co/5gCOtjcVGs @DrJitendraSingh @OfficeOfDrJS @Ravi_MoES @Dr_Mishra1966 @ndmaindia pic.twitter.com/u8i6uw888S

— National Center for Seismology (@NCS_Earthquake) April 17, 2025