ਡੋਨਾਲਡ ਟਰੰਪ ਵੱਲੋਂ ਭਾਰਤ ਸਮੇਤ 16 ਦੇਸ਼ਾਂ ਨੂੰ ਟੈਰਿਫ ਵਿੱਚ ਰਾਹਤ

ਡੋਨਾਲਡ ਟਰੰਪ ਵੱਲੋਂ ਭਾਰਤ ਸਮੇਤ 16 ਦੇਸ਼ਾਂ ਨੂੰ ਟੈਰਿਫ ਵਿੱਚ ਰਾਹਤ, ਚੀਨ ਨੂੰ ਛੋਟ ਨਹੀਂ

ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ 57 ਦੇਸ਼ਾਂ 'ਤੇ ਨਵੇਂ ਟੈਰਿਫ ਲਗਾਉਣ ਦਾ ਐਲਾਨ ਕੀਤਾ ਹੈ। ਹਾਲਾਂਕਿ, 16 ਦੇਸ਼ਾਂ ਨੂੰ ਰਾਹਤ ਮਿਲੀ ਹੈ, ਜਿਸ ਵਿੱਚ ਭਾਰਤ ਵੀ ਸ਼ਾਮਲ ਹੈ, ਪਰ ਚੀਨ ਨੂੰ ਕੋਈ ਛੋਟ ਨਹੀਂ ਦਿੱਤੀ ਗਈ।

ਭਾਰਤ ਲਈ ਟੈਰਿਫ 'ਚ ਛੋਟ:ਸ਼ੁਰੂਆਤ ਵਿੱਚ ਭਾਰਤ 'ਤੇ 27% ਟੈਰਿਫ ਲਾਗੂ ਕੀਤਾ ਗਿਆ ਸੀ, ਪਰ ਬਾਅਦ ਵਿੱਚ ਇਸ ਨੂੰ 26% ਕਰ ਦਿੱਤਾ ਗਿਆ। ਵ੍ਹਾਈਟ ਹਾਊਸ ਦੇ ਦਸਤਾਵੇਜ਼ਾਂ ਵਿੱਚ ਪਹਿਲਾਂ ਭਾਰਤ 'ਤੇ 27% ਟੈਰਿਫ ਦੱਸਿਆ ਗਿਆ ਸੀ, ਪਰ ਹੁਣ ਟਰੰਪ ਨੇ ਇਸ ਵਿੱਚ ਘਟੌਂਤੀ ਕਰ ਦਿੱਤੀ ਹੈ।

ਕਿਹੜੇ-ਕਿਹੜੇ ਦੇਸ਼ਾਂ ਨੂੰ ਮਿਲੀ ਛੋਟ?ਭਾਰਤ ਤੋਂ ਇਲਾਵਾ ਬੋਸਨੀਆ, ਬੋਤਸਵਾਨਾ, ਕੈਮਰੂਨ, ਫਾਕਲੈਂਡ ਟਾਪੂ, ਮਲਾਵੀ, ਮਿਆਂਮਾਰ, ਨਿਕਾਰਾਗੁਆ, ਨਾਰਵੇ, ਪਾਕਿਸਤਾਨ, ਫਿਲੀਪੀਨਜ਼, ਸਰਬੀਆ, ਦੱਖਣੀ ਅਫਰੀਕਾ, ਦੱਖਣੀ ਕੋਰੀਆ, ਸਵਿਟਜ਼ਰਲੈਂਡ, ਥਾਈਲੈਂਡ ਅਤੇ ਵਾਨੂਆਟੂ ਨੂੰ ਇੱਕ-ਇੱਕ ਫੀਸ ਦੀ ਛੋਟ ਦਿੱਤੀ ਗਈ।

ਚੀਨ 'ਤੇ ਵੱਡਾ ਟੈਰਿਫ:ਅਮਰੀਕਾ ਨੇ ਚੀਨ ਤੋਂ ਆਉਣ ਵਾਲੇ ਸਮਾਨ 'ਤੇ 34% ਟੈਰਿਫ ਲਗਾਇਆ ਹੈ। ਇਸੇ ਤਰ੍ਹਾਂ, ਕੰਬੋਡੀਆ 'ਤੇ 49% ਦੀ ਵਾਧੂ ਟੈਰਿਫ ਲਾਗੂ ਕੀਤੀ ਗਈ ਹੈ।

ਟਰੰਪ ਦਾ ਬਿਆਨ:ਡੋਨਾਲਡ ਟਰੰਪ ਨੇ ਕਿਹਾ ਕਿ ਪਿਛਲੇ 50 ਸਾਲਾਂ ਤੋਂ ਵਿਦੇਸ਼ੀ ਦੇਸ਼ ਅਮਰੀਕਾ ਦਾ ਗਲਤ ਫਾਇਦਾ ਉਠਾ ਰਹੇ ਹਨ, ਪਰ ਹੁਣ ਇਹ ਚੱਲਦਾ ਨਹੀਂ ਰਹੇਗਾ। ਉਨ੍ਹਾਂ ਭਾਰਤ ਬਾਰੇ ਕਿਹਾ ਕਿ ਉਨ੍ਹਾਂ ਦੇ ਪ੍ਰਧਾਨ ਮੰਤਰੀ ਨਾਲ ਚੰਗੇ ਸੰਬੰਧ ਹਨ, ਪਰ ਟ੍ਰੇਡ ਬੈਲੈਂਸ ਸਹੀ ਨਹੀਂ। ਉਨ੍ਹਾਂ ਇਹ ਵੀ ਦੱਸਿਆ ਕਿ ਵਿਦੇਸ਼ੀ ਆਯਾਤੀ ਵਾਹਨਾਂ 'ਤੇ 25% ਟੈਰਿਫ ਲਗਾਇਆ ਜਾਵੇਗਾ, ਜੋ 3 ਮਈ 2025 ਤੋਂ ਲਾਗੂ ਹੋ ਸਕਦਾ ਹੈ।