Film Dhurandhar 2 ਦਾ Worldwide ਬਾਕਸ ਆਫਿਸ ਰਿਕਾਰਡ- 5 ਦਿਨਾਂ 'ਚ ₹750 ਕਰੋੜ ਕਮਾ ਕੇ ਰਚਿਆ ਨਵਾਂ ਇਤਿਹਾਸ

ਮੁੰਬਈ, 24 ਮਾਰਚ, 2026 :

ਭਾਰਤੀ ਸਿਨੇਮਾ ਦੇ ਇਤਿਹਾਸ ਵਿੱਚ ਇਨ੍ਹੀਂ ਦਿਨੀਂ ਬਾਕਸ ਆਫਿਸ 'ਤੇ ਸਿਰਫ਼ ਇੱਕ ਹੀ ਫਿਲਮ ਦਾ ਦਬਦਬਾ ਦੇਖਣ ਨੂੰ ਮਿਲ ਰਿਹਾ ਹੈ ਅਤੇ ਉਹ ਹੈ 'ਧੁਰੰਧਰ 2'। ਇਸ Spy-Thriller ਅਤੇ Action ਨਾਲ ਭਰਪੂਰ ਫਿਲਮ ਨੇ ਕਮਾਈ ਦੇ ਸਾਰੇ ਪੁਰਾਣੇ ਰਿਕਾਰਡ ਤੋੜ ਕੇ ਰੱਖ ਦਿੱਤੇ ਹਨ। Aditya Dhar ਦੇ ਡਾਇਰੈਕਸ਼ਨ ਹੇਠ ਬਣੀ ਇਸ ਫਿਲਮ ਨੇ ਸਾਬਤ ਕਰ ਦਿੱਤਾ ਹੈ ਕਿ ਜੇਕਰ ਫਿਲਮ ਦਾ Content ਮਜ਼ਬੂਤ ਹੋਵੇ ਤਾਂ Audience ਸਿਨੇਮਾਘਰਾਂ ਵਿੱਚ ਜ਼ਰੂਰ ਆਉਂਦੀ ਹੈ। ਰਣਵੀਰ ਸਿੰਘ ਸਟਾਰਰ ਇਸ ਫਿਲਮ ਨੇ ਸਿਰਫ਼ 5 ਦਿਨਾਂ ਦੇ ਅੰਦਰ ਹੀ ₹750 ਕਰੋੜ ਤੋਂ ਵੱਧ ਦਾ Worldwide ਕਲੈਕਸ਼ਨ ਕਰਕੇ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ।

ਫਿਲਮ ਦੀ ਕਮਾਈ ਦੇ ਗਣਿਤ 'ਤੇ ਨਜ਼ਰ ਮਾਰੀਏ ਤਾਂ ਇਸ ਨੇ ਪਹਿਲੇ ਦਿਨ ₹102 ਕਰੋੜ ਦੀ ਇਤਿਹਾਸਕ Opening ਕਰਕੇ ਆਪਣੇ ਇਰਾਦੇ ਸਾਫ਼ ਕਰ ਦਿੱਤੇ ਸਨ। Trade Reports ਮੁਤਾਬਕ ਫਿਲਮ ਦਾ Net India Collection ਸਿਰਫ਼ ਪੰਜ ਦਿਨਾਂ ਵਿੱਚ ਹੀ ₹500 ਕਰੋੜ ਦਾ ਅੰਕੜਾ ਪਾਰ ਕਰ ਗਿਆ ਹੈ। ਫਿਲਮ ਨੇ ਦੂਜੇ ਦਿਨ ₹80 ਕਰੋੜ, ਤੀਜੇ ਦਿਨ ₹113 ਕਰੋੜ, ਚੌਥੇ ਦਿਨ ₹114.85 ਕਰੋੜ ਅਤੇ ਪੰਜਵੇਂ ਦਿਨ Working Day ਹੋਣ ਦੇ ਬਾਵਜੂਦ ₹65 ਕਰੋੜ ਦੀ ਸ਼ਾਨਦਾਰ ਕਮਾਈ ਕੀਤੀ ਹੈ। ਇਸ ਤੋਂ ਇਲਾਵਾ Paid Previews ਰਾਹੀਂ ਵੀ ਫਿਲਮ ਨੇ ₹43 ਕਰੋੜ ਬਟੋਰੇ ਹਨ। ਰਣਵੀਰ ਸਿੰਘ ਦਾ ਜਾਦੂ ਸਿਰਫ਼ ਇੰਡੀਆ ਵਿੱਚ ਹੀ ਨਹੀਂ, ਸਗੋਂ USA, UK ਅਤੇ Gulf Countries ਵਿੱਚ ਵੀ ਸਿਰ ਚੜ੍ਹ ਕੇ ਬੋਲ ਰਿਹਾ ਹੈ।

ਫਿਲਮ ਦੀ ਕਹਾਣੀ ਇੱਕ ਭਾਰਤੀ Super Spy ਦੇ ਆਲੇ-ਦੁਆਲੇ ਘੁੰਮਦੀ ਹੈ ਜੋ ਪਾਕਿਸਤਾਨ ਵਿੱਚ ਇੱਕ ਖ਼ਤਰਨਾਕ ਮਿਸ਼ਨ ਦੌਰਾਨ ਦੇਸ਼ ਲਈ ਅਹਿਮ ਜਾਣਕਾਰੀ ਇਕੱਠੀ ਕਰਦਾ ਹੈ। ਰਣਵੀਰ ਸਿੰਘ ਦੇ ਕਰੀਅਰ ਦੀ ਇਹ ਸਭ ਤੋਂ ਬਿਹਤਰੀਨ Performance ਮੰਨੀ ਜਾ ਰਹੀ ਹੈ। ਫਿਲਮ ਦੀ Star Cast ਵਿੱਚ ਸੰਜੇ ਦੱਤ, ਅਰਜੁਨ ਰਾਮਪਾਲ, ਆਰ ਮਾਧਵਨ ਅਤੇ ਰਾਕੇਸ਼ ਬੇਦੀ ਵਰਗੇ ਦਿੱਗਜ ਕਲਾਕਾਰਾਂ ਨੇ ਵੀ ਆਪਣੀ ਅਦਾਕਾਰੀ ਨਾਲ ਜਾਨ ਪਾ ਦਿੱਤੀ ਹੈ। ਟਰੇਡ ਐਕਸਪਰਟਸ ਦਾ ਮੰਨਣਾ ਹੈ ਕਿ ਇਹ ਫਿਲਮ ਬਹੁਤ ਜਲਦ ₹1000 ਕਰੋੜ ਦੇ ਕਲੱਬ ਵਿੱਚ ਸ਼ਾਮਲ ਹੋ ਜਾਵੇਗੀ ਅਤੇ ਆਪਣੀ ਪਿਛਲੀ ਫਿਲਮ 'ਧੁਰੰਧਰ' ਦੇ ₹1300 ਕਰੋੜ ਦੇ ਰਿਕਾਰਡ ਨੂੰ ਵੀ ਚੁਣੌਤੀ ਦੇਵੇਗੀ।