ਹਰਿਦੁਆਰ-ਦੇਹਰਾਦੂਨ ਰੇਲਵੇ ਟ੍ਰੈਕ 'ਤੇ ਰੱਖਿਆ ਡੇਟੋਨੇਟਰ

ਹਰਿਦੁਆਰ : ਉੱਤਰਾਖੰਡ 'ਚ ਹਰਿਦੁਆਰ-ਦੇਹਰਾਦੂਨ ਰੇਲਵੇ ਟਰੈਕ ਨੂੰ ਬੰਬ ਨਾਲ ਉਡਾਉਣ ਦੀ ਸਾਜ਼ਿਸ਼ ਰਚੀ ਗਈ ਹੈ ਪਰ ਪੁਲਸ ਨੇ ਇਸ ਸਾਜ਼ਿਸ਼ ਨੂੰ ਨਾਕਾਮ ਕਰ ਦਿੱਤਾ ਹੈ ਅਤੇ ਇਕ ਵਿਅਕਤੀ ਨੂੰ ਗ੍ਰਿਫਤਾਰ ਕਰ ਲਿਆ ਹੈ।

ਉਸ 'ਤੇ ਰੇਲਵੇ ਟਰੈਕ 'ਤੇ ਡੈਟੋਨੇਟਰ ਰੱਖਣ ਦਾ ਦੋਸ਼ ਹੈ। ਹਰਿਦੁਆਰ ਸਰਕਾਰੀ ਰੇਲਵੇ ਪੁਲਿਸ (ਜੀਆਰਪੀ) ਨੂੰ ਰਾਤ ਨੂੰ ਮੁਰਾਦਾਬਾਦ ਰੇਲਵੇ ਡਵੀਜ਼ਨ ਦੇ ਕੰਟਰੋਲ ਰੂਮ ਤੋਂ ਸੂਚਨਾ ਮਿਲੀ ਕਿ ਮੋਤੀਚੁਰ ਰੇਲਵੇ ਸਟੇਸ਼ਨ ਨੇੜੇ ਰੇਲਵੇ ਟ੍ਰੈਕ 'ਤੇ ਡੇਟੋਨੇਟਰ ਪਏ ਹਨ। ਪੁਲੀਸ ਨੇ ਮੌਕੇ ’ਤੇ ਪਹੁੰਚ ਕੇ ਡੈਟੋਨੇਟਰ ਬਰਾਮਦ ਕਰ ਲਿਆ। ਪੁਲੀਸ ਨੇ ਜਦੋਂ ਸਟੇਸ਼ਨ ’ਤੇ ਲੱਗੇ ਸੀਸੀਟੀਵੀ ਕੈਮਰੇ ਚੈੱਕ ਕੀਤੇ ਤਾਂ ਮੁਲਜ਼ਮ ਨਜ਼ਰ ਆਇਆ। ਉਸ ਦੀ ਪਛਾਣ ਅਸ਼ੋਕ ਵਾਸੀ ਰਾਮਪੁਰ, ਉੱਤਰ ਪ੍ਰਦੇਸ਼ ਵਜੋਂ ਹੋਈ ਹੈ, ਜਿਸ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ।