ਚੱਕਰਵਾਤੀ ਤੂਫ਼ਾਨ ਦਾਨਾ : ਤੂਫ਼ਾਨ ਨੇ ਉੜੀਸਾ ਵਿੱਚ ਤਬਾਹੀ ਮਚਾਈ
By : BikramjeetSingh Gill
ਓਡੀਸ਼ਾ : ਬੰਗਾਲ ਦੀ ਖਾੜੀ ਵਿੱਚ ਪੈਦਾ ਹੋਇਆ ਚੱਕਰਵਾਤੀ ਤੂਫ਼ਾਨ ਸਵੇਰੇ 12 ਵਜੇ ਤੋਂ 2 ਵਜੇ ਦਰਮਿਆਨ ਓਡੀਸ਼ਾ ਦੇ ਪੁਰੀ ਦੇ ਤੱਟ ਨਾਲ ਟਕਰਾ ਗਿਆ। ਭਾਰਤੀ ਮੌਸਮ ਵਿਭਾਗ (ਆਈਐਮਡੀ) ਦੇ ਅਨੁਸਾਰ, ਤੂਫ਼ਾਨ ਭੀਤਰਕਨਿਕਾ ਨੈਸ਼ਨਲ ਪਾਰਕ ਅਤੇ ਧਮਰਾ ਦੇ ਵਿਚਕਾਰ ਤੱਟਵਰਤੀ ਖੇਤਰ 'ਤੇ ਪਹੁੰਚ ਗਿਆ। ਉਦੋਂ ਤੋਂ ਸਮੁੰਦਰ ਵਿੱਚ ਉੱਠ ਰਹੀਆਂ 1.5 ਤੋਂ 2 ਮੀਟਰ ਉੱਚੀਆਂ ਲਹਿਰਾਂ ਭਦਰਕ ਅਤੇ ਕੇਂਦਰਪਾੜਾ ਜ਼ਿਲ੍ਹਿਆਂ ਦੇ ਤੱਟਾਂ ਨਾਲ ਟਕਰਾ ਰਹੀਆਂ ਹਨ।
100 ਤੋਂ 120 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ ਨਾਲ ਤੂਫਾਨੀ ਹਵਾਵਾਂ ਚੱਲ ਰਹੀਆਂ ਹਨ। ਨਾਲ ਹੀ ਭਾਰੀ ਮੀਂਹ ਪੈ ਰਿਹਾ ਹੈ। ਆਈਐਮਡੀ ਭੁਵਨੇਸ਼ਵਰ ਦੇ ਖੇਤਰੀ ਨਿਰਦੇਸ਼ਕ ਮਨੋਰਮਾ ਮੋਹੰਤੀ ਨੇ ਚੇਤਾਵਨੀ ਦਿੱਤੀ ਹੈ ਕਿ ਅੱਜ ਦਿਨ ਭਰ ਉੜੀਸਾ ਵਿੱਚ ਭਾਰੀ ਮੀਂਹ ਪਵੇਗਾ। ਚੱਕਰਵਾਤ ਰਾਤ ਨੂੰ ਕਮਜ਼ੋਰ ਹੋ ਜਾਵੇਗਾ ਅਤੇ ਫਿਰ ਕੇਓਂਝਾਰ ਦੀ ਬਜਾਏ ਢੇਨਕਨਾਲ ਅਤੇ ਅੰਗੁਲ ਜ਼ਿਲ੍ਹਿਆਂ ਵੱਲ ਮੁੜ ਜਾਵੇਗਾ।
ਜਿਵੇਂ ਹੀ ਅਲਰਟ ਮਿਲਿਆ ਕਿ ਚੱਕਰਵਾਤੀ ਤੂਫਾਨ ਦਾਨਾ ਓਡੀਸ਼ਾ ਦੇ ਤੱਟ ਨਾਲ ਟਕਰਾਏਗਾ, ਰੇਲਵੇ ਨੇ 500 ਤੋਂ ਵੱਧ ਟਰੇਨਾਂ ਨੂੰ ਰੱਦ ਕਰ ਦਿੱਤਾ ਸੀ। ਦੱਖਣ ਪੂਰਬੀ ਰੇਲਵੇ ਦੀਆਂ 150, ਈਸਟ ਕੋਸਟ ਰੇਲਵੇ ਦੀਆਂ 198, ਪੂਰਬੀ ਰੇਲਵੇ ਦੀਆਂ 190 ਅਤੇ ਦੱਖਣ ਪੂਰਬੀ ਮੱਧ ਰੇਲਵੇ ਦੀਆਂ 14 ਟਰੇਨਾਂ ਰੱਦ ਕਰ ਦਿੱਤੀਆਂ ਗਈਆਂ ਹਨ।