ਉੱਤਰ ਪ੍ਰਦੇਸ਼ 'ਚ ਫਿਰ ਤੋਂ ਟਰੇਨ ਪਲਟਾਉਣ ਦੀ ਸਾਜ਼ਿਸ਼

ਲਖਨਊ : ਉੱਤਰ ਪ੍ਰਦੇਸ਼ ਦੀ ਰਾਜਧਾਨੀ ਲਖਨਊ ਵਿੱਚ ਟਰੇਨ ਨੂੰ ਪਟੜੀ ਤੋਂ ਉਤਾਰਨ ਦੀ ਸਾਜ਼ਿਸ਼ ਰਚੀ ਗਈ। ਟਰੈਕ 'ਤੇ ਲੱਕੜ ਦੀਆਂ ਵੱਡੀਆਂ ਟਾਹਣੀਆਂ ਅਤੇ ਛੋਟੇ ਪੱਥਰ ਰੱਖੇ ਹੋਏ ਸਨ। ਇਹ ਘਟਨਾ 24 ਅਕਤੂਬਰ ਦੀ ਰਾਤ ਦੀ ਹੈ।

ਬਰੇਲੀ ਤੋਂ ਵਾਰਾਣਸੀ ਜਾ ਰਹੀ ਟਰੇਨ ਹਾਦਸੇ ਤੋਂ ਬੱਚ ਗਈ। ਰੇਲ ਗੱਡੀ ਨੰਬਰ 14236 ਬਰੇਲੀ ਐਕਸਪ੍ਰੈਸ ਦੇ ਇੰਜਣ ਦੇ ਅਗਲੇ ਹਿੱਸੇ ਵਿੱਚ ਦਰੱਖਤ ਦੀ ਇੱਕ ਵੱਡੀ ਟਾਹਣੀ ਫਸ ਗਈ। ਇਹ ਘਟਨਾ ਨੇੜਲੇ ਪਿੰਡ ਮਲੀਹਾਬਾਦ ਵਿੱਚ ਵਾਪਰੀ। ਸੂਚਨਾ ਮਿਲਦੇ ਹੀ ਰੇਲਵੇ ਅਧਿਕਾਰੀ ਅਤੇ ਪੁਲਸ ਮੌਕੇ 'ਤੇ ਪਹੁੰਚ ਗਈ। ਸੀਨੀਅਰ ਸੈਕਸ਼ਨ ਇੰਜੀਨੀਅਰ ਰੇਲਵੇ ਮਾਰਗ ਮਲੀਹਾਬਾਦ ਅਜੈ ਕੁਮਾਰ ਨੇ ਪੁਲਿਸ ਕੋਲ ਸ਼ਿਕਾਇਤ ਦਰਜ ਕਰਵਾਈ ਹੈ।

ਪੁਲਿਸ ਨੇ ਸ਼ਿਕਾਇਤ ਦੇ ਆਧਾਰ 'ਤੇ ਮਾਮਲਾ ਦਰਜ ਕਰ ਲਿਆ ਹੈ। ਓਮਵੀਰ ਸਿੰਘ, ਡੀਸੀਪੀ ਪੱਛਮੀ, ਲਖਨਊ ਨੇ ਮਾਮਲੇ ਦੀ ਪੁਸ਼ਟੀ ਕੀਤੀ ਹੈ।