ਲੁਧਿਆਣਾ ਵਿੱਚ Congress leader murder Case : ਵਾਰਦਾਤ ਤੋਂ ਤੁਰੰਤ ਬਾਅਦ ਆਈ ‘ਇੰਟਰਨੈਸ਼ਨਲ ਕਾਲ’ ਨੇ ਉਡਾਏ ਸਭ ਦੇ ਹੋਸ਼

ਲੁਧਿਆਣਾ : ਲੁਧਿਆਣਾ ਵਿੱਚ ਕਾਂਗਰਸ ਦੇ ਬਲਾਕ ਪ੍ਰਧਾਨ ਪਰਮਿੰਦਰ ਤਿਵਾੜੀ ਦੇ ਬੇਰਹਿਮੀ ਨਾਲ ਕੀਤੇ ਗਏ ਕਤਲ ਨੇ ਪੂਰੇ ਇਲਾਕੇ ਵਿੱਚ ਸਨਸਨੀ ਫੈਲਾ ਦਿੱਤੀ ਹੈ। ਇਸ ਵਾਰਦਾਤ ਦੀ ਜੋ ਤਸਵੀਰ ਸਾਹਮਣੇ ਆਈ ਹੈ, ਉਹ ਕਿਸੇ ਫਿਲਮੀ ਸਕ੍ਰਿਪਟ ਤੋਂ ਘੱਟ ਨਹੀਂ ਹੈ। ਚਸ਼ਮਦੀਦਾਂ ਮੁਤਾਬਕ ਕਾਤਲਾਂ ਦੇ ਹੌਸਲੇ ਇੰਨੇ ਬੁਲੰਦ ਸਨ ਕਿ ਉਨ੍ਹਾਂ ਨੇ ਤਿਵਾੜੀ 'ਤੇ ਹਮਲਾ ਕਰਨ ਤੋਂ ਪਹਿਲਾਂ ਬੜੇ ਆਰਾਮ ਨਾਲ ਉਨ੍ਹਾਂ ਨੂੰ ਨਮਸਕਾਰ ਕੀਤਾ ਅਤੇ ਫਿਰ ਪਲਾਂ ਵਿੱਚ ਹੀ ਕੁਹਾੜੀ ਨਾਲ ਉਨ੍ਹਾਂ ਦੇ ਸਿਰ 'ਤੇ ਘਾਤਕ ਵਾਰ ਕਰ ਦਿੱਤੇ। ਇਸ ਖੂਨੀ ਖੇਡ ਵਿੱਚ ਸਭ ਤੋਂ ਵੱਡਾ ਸਸਪੈਂਸ ਉਦੋਂ ਪੈਦਾ ਹੋਇਆ ਜਦੋਂ ਕਤਲ ਦੇ ਮਹਿਜ਼ ਪੰਜ ਮਿੰਟ ਬਾਅਦ ਤਿਵਾੜੀ ਦੇ ਮੋਬਾਈਲ 'ਤੇ ਇੱਕ International Call ਆਈ, ਜਿਸ ਵਿੱਚ ਫੋਨ ਕਰਨ ਵਾਲੇ ਨੇ ਪੁੱਛਿਆ ਕਿ ‘ਤਿਵਾੜੀ ਕਿਵੇਂ ਹੈ?’ ਇਸ ਕਾਲ ਨੇ ਹੁਣ ਇਸ ਮਾਮਲੇ ਵਿੱਚ Contract Killing ਦੇ ਸ਼ੱਕ ਨੂੰ ਹੋਰ ਗਹਿਰਾ ਕਰ ਦਿੱਤਾ ਹੈ।

ਘਟਨਾ ਵਾਲੇ ਦਿਨ ਪਰਮਿੰਦਰ ਤਿਵਾੜੀ ਰੋਜ਼ਾਨਾ ਦੀ ਤਰ੍ਹਾਂ ਸ਼ਾਮ 6 ਵਜੇ ਆਪਣੀ ਕਾਰ ਰਾਹੀਂ ਤੱਖਰਾਂ ਪਿੰਡ ਵਿੱਚ ਆਪਣੇ ਬਣਾਏ ਕੁਆਰਟਰਾਂ ਦਾ ਨਿਰੀਖਣ ਕਰਨ ਪਹੁੰਚੇ ਸਨ। ਉੱਥੇ ਦੁਕਾਨ ਚਲਾਉਣ ਵਾਲੀ ਸੰਗੀਤਾ ਨਾਮਕ ਮਹਿਲਾ ਨੇ ਦੱਸਿਆ ਕਿ ਸਰ ਨੇ ਉਸ ਤੋਂ ਕੁਰਸੀ ਮੰਗੀ ਅਤੇ ਇੱਕ ਕੋਨੇ ਵਿੱਚ ਬੈਠ ਗਏ। ਸੰਗੀਤਾ ਉਨ੍ਹਾਂ ਨਾਲ ਆਪਣੇ ਬੱਚੇ ਦੇ Admission ਬਾਰੇ ਗੱਲ ਕਰ ਰਹੀ ਸੀ। ਇਸੇ ਦੌਰਾਨ ਦੋ ਨੌਜਵਾਨ, ਜਿਨ੍ਹਾਂ ਨੇ ਆਪਣੇ ਮੂੰਹ ਢੱਕੇ ਹੋਏ ਸਨ, ਉੱਥੇ ਆਏ। ਉਨ੍ਹਾਂ ਨੇ ਪਹਿਲਾਂ ਤਿਵਾੜੀ ਨੂੰ ਸਤਿਕਾਰ ਨਾਲ ਸਲਾਮ ਕੀਤਾ। ਜਦੋਂ ਸੰਗੀਤਾ ਚਾਹ ਬਣਾਉਣ ਲਈ ਅੰਦਰ ਗਈ, ਤਾਂ ਅਚਾਨਕ ਕੁਹਾੜੀ ਨਾਲ ਹਮਲਾ ਕਰ ਦਿੱਤਾ ਗਿਆ। ਵਾਰ ਇੰਨਾ ਜ਼ਬਰਦਸਤ ਸੀ ਕਿ ਤਿਵਾੜੀ ਨੂੰ ਚੀਕਣ ਤੱਕ ਦਾ ਮੌਕਾ ਨਹੀਂ ਮਿਲਿਆ। ਜਦੋਂ ਮਹਿਲਾ ਬਾਹਰ ਆਈ ਤਾਂ ਤਿਵਾੜੀ ਖੂਨ ਨਾਲ ਲੱਥਪੱਥ ਹੇਠਾਂ ਪਏ ਸਨ।

ਤਿਵਾੜੀ ਦੇ ਕਰੀਬੀ ਦੋਸਤ ਨੰਦ ਕਿਸ਼ੋਰ ਕੌਸ਼ਲ ਨੇ ਦਾਅਵਾ ਕੀਤਾ ਹੈ ਕਿ ਮੁਲਜ਼ਮਾਂ ਨੇ ਵਾਰਦਾਤ ਤੋਂ ਪਹਿਲਾਂ ਇਲਾਕੇ ਦੀ Reece ਕੀਤੀ ਸੀ। ਉਹ ਦੁਪਹਿਰ ਤੋਂ ਹੀ ਸ਼ਰਾਬ ਪੀ ਕੇ ਕੁਹਾੜੀਆਂ ਸਮੇਤ ਘੁੰਮ ਰਹੇ ਸਨ। ਪਰਿਵਾਰ ਦਾ ਕਹਿਣਾ ਹੈ ਕਿ ਇਹ ਕੋਈ ਮਾਮੂਲੀ Property Dispute ਨਹੀਂ ਹੈ, ਸਗੋਂ ਸੋਚੀ-ਸਮਝੀ ਸਾਜ਼ਿਸ਼ ਤਹਿਤ ਕੀਤਾ ਗਿਆ ਕਤਲ ਹੈ। ਹਾਲਾਂਕਿ ਪੁਲਿਸ ਇਸ ਮਾਮਲੇ ਨੂੰ ਇੱਕ ਪੁਰਾਣੇ ਜ਼ਮੀਨੀ ਵਿਵਾਦ ਨਾਲ ਜੋੜ ਕੇ ਦੇਖ ਰਹੀ ਹੈ, ਜਿਸ ਵਿੱਚ ਦੋਸ਼ੀ ਵਿਜੇ ਕੁਮਾਰ ਵੱਲੋਂ ਪੰਚਾਇਤੀ ਜ਼ਮੀਨ 'ਤੇ ਕੀਤੇ ਕਬਜ਼ੇ ਦਾ ਤਿਵਾੜੀ ਨੇ ਵਿਰੋਧ ਕੀਤਾ ਸੀ।

ਫਿਲਹਾਲ ਪਰਿਵਾਰ ਨੇ ਪੁਲਿਸ ਦੀ ਥਿਊਰੀ ਨੂੰ ਨਕਾਰਦਿਆਂ Post-mortem ਕਰਵਾਉਣ ਅਤੇ ਅੰਤਿਮ ਸੰਸਕਾਰ ਕਰਨ ਤੋਂ ਮਨ੍ਹਾ ਕਰ ਦਿੱਤਾ ਹੈ। ਉਨ੍ਹਾਂ ਦੀ ਮੰਗ ਹੈ ਕਿ ਜਦੋਂ ਤੱਕ ਮੁੱਖ ਕਾਤਲਾਂ ਦੀ ਗ੍ਰਿਫ਼ਤਾਰੀ ਨਹੀਂ ਹੁੰਦੀ, ਉਹ ਲਾਸ਼ ਨਹੀਂ ਚੁੱਕਣਗੇ। ਦੂਜੇ ਪਾਸੇ ਏਡੀਸੀਪੀ ਜਸ਼ਨਦੀਪ ਸਿੰਘ ਦਾ ਕਹਿਣਾ ਹੈ ਕਿ ਪੁਲਿਸ ਨੇ ਦੋਸ਼ੀਆਂ ਦੀ ਪਛਾਣ ਕਰ ਲਈ ਹੈ ਅਤੇ ਕਈ ਥਾਵਾਂ 'ਤੇ Raids ਕੀਤੀਆਂ ਜਾ ਰਹੀਆਂ ਹਨ। ਹੁਣ ਦੇਖਣਾ ਇਹ ਹੋਵੇਗਾ ਕਿ ਉਸ ਰਹੱਸਮਈ ਅੰਤਰਰਾਸ਼ਟਰੀ ਕਾਲ ਦੇ ਪਿੱਛੇ ਦਾ ਸੱਚ ਕੀ ਹੈ ਅਤੇ ਕੌਣ ਹੈ ਇਸ ਕਤਲਕਾਂਡ ਦਾ ਅਸਲੀ ਮਾਸਟਰਮਾਈਂਡ।