ਹਿਮਾਚਲ ਪ੍ਰਦੇਸ਼ ਵਿੱਚ ਬੱਦਲ ਫਟਣ ਨਾਲ ਫਿਰ ਤਬਾਹੀ, ਸਕੂਲ-ਕਾਲਜ ਬੰਦ

ਹਿਮਾਚਲ ਪ੍ਰਦੇਸ਼ ਵਿੱਚ ਬੱਦਲ ਫਟਣ ਦੀਆਂ ਘਟਨਾਵਾਂ ਕਾਰਨ ਭਾਰੀ ਤਬਾਹੀ ਹੋਈ ਹੈ। ਕੁਲੂ ਜ਼ਿਲ੍ਹੇ ਦੇ ਤੀਰਥਨ ਘਾਟੀ (ਬੰਜਾਰ ਖੇਤਰ) ਅਤੇ ਰਾਮਪੁਰ ਉਪਮੰਡਲ ਦੇ ਨੰਤੀ ਖੱਡ ਵਿੱਚ ਆਏ ਅਚਾਨਕ ਹੜ੍ਹ ਨੇ ਕਈ ਪਿੰਡਾਂ ਨੂੰ ਪ੍ਰਭਾਵਿਤ ਕੀਤਾ ਹੈ।

Himachal Pradesh: Cloudburst in Kullu's Lag valley. Shops, land, crops damaged.

Heavy rains continue to lash parts of Himachal Pradesh triggering landslides at several places in the hill state where 389 roads, including two national highways, are closed and power and water… pic.twitter.com/BVOg7L6eqR

— Press Trust of India (@PTI_News) August 19, 2025

ਤਬਾਹੀ ਦਾ ਵੇਰਵਾ

ਰਾਮਪੁਰ: ਨੰਤੀ ਖੱਡ ਵਿੱਚ ਬੱਦਲ ਫਟਣ ਕਾਰਨ ਚਾਰ ਪੁਲ, ਦੋ ਘਰ, ਪੰਜ ਦੁਕਾਨਾਂ, ਸੱਤ ਸ਼ੈੱਡ ਅਤੇ ਸੇਬ ਦੇ ਬਾਗਾਂ ਨੂੰ ਨੁਕਸਾਨ ਪਹੁੰਚਿਆ ਹੈ। ਕਈ ਪੰਚਾਇਤਾਂ ਦਾ ਆਪਸੀ ਸੰਪਰਕ ਟੁੱਟ ਗਿਆ ਹੈ, ਅਤੇ ਬਿਜਲੀ ਸਪਲਾਈ ਵੀ ਪ੍ਰਭਾਵਿਤ ਹੋਈ ਹੈ।

ਕੁੱਲੂ: ਲੱਗਘਾਟੀ ਦੇ ਬੂਬੂ ਨਾਲੇ ਵਿੱਚ ਬੱਦਲ ਫਟਣ ਕਾਰਨ ਕਾਫ਼ੀ ਨੁਕਸਾਨ ਹੋਇਆ। ਤੀਰਥਨ ਘਾਟੀ ਵਿੱਚ ਹੜ੍ਹ ਕਾਰਨ ਦੋ ਪੁਲ, ਚਾਰ ਕਾਟੇਜ ਅਤੇ ਪੰਜ ਗੱਡੀਆਂ ਪਾਣੀ ਦੇ ਤੇਜ਼ ਵਹਾਅ ਵਿੱਚ ਵਹਿ ਗਈਆਂ। ਖੁਸ਼ਕਿਸਮਤੀ ਨਾਲ ਇਸ ਦੌਰਾਨ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ।

ਆਵਾਜਾਈ ਅਤੇ ਸਿੱਖਿਆ 'ਤੇ ਅਸਰ

ਭਾਰੀ ਮੀਂਹ ਕਾਰਨ ਰਾਜ ਵਿੱਚ ਦੋ ਰਾਸ਼ਟਰੀ ਰਾਜਮਾਰਗਾਂ ਸਮੇਤ ਲਗਭਗ 325 ਸੜਕਾਂ ਬੰਦ ਹੋ ਗਈਆਂ ਹਨ। ਚੰਡੀਗੜ੍ਹ-ਮਨਾਲੀ ਹਾਈਵੇ ਪਿਛਲੇ ਕੱਲ੍ਹ ਤੋਂ ਬੰਦ ਹੈ, ਜਿਸ ਕਾਰਨ ਸੈਂਕੜੇ ਗੱਡੀਆਂ ਫਸੀਆਂ ਹੋਈਆਂ ਹਨ। ਹੜ੍ਹ ਦੇ ਖ਼ਤਰੇ ਨੂੰ ਦੇਖਦੇ ਹੋਏ ਪ੍ਰਸ਼ਾਸਨ ਨੇ ਅੱਜ ਸ਼ਿਮਲਾ ਜ਼ਿਲ੍ਹੇ ਦੇ ਜੁਬਲ ਅਤੇ ਕੁੱਲੂ ਜ਼ਿਲ੍ਹੇ ਦੇ ਬੰਜਾਰ ਅਤੇ ਕੁੱਲੂ ਉਪਮੰਡਲਾਂ ਵਿੱਚ ਸਾਰੇ ਸਕੂਲਾਂ ਅਤੇ ਕਾਲਜਾਂ ਨੂੰ ਬੰਦ ਰੱਖਣ ਦਾ ਹੁਕਮ ਦਿੱਤਾ ਹੈ।

ਮੌਸਮ ਦੀ ਚੇਤਾਵਨੀ

ਮੌਸਮ ਵਿਭਾਗ ਨੇ ਚੰਬਾ, ਕਾਂਗੜਾ ਅਤੇ ਮੰਡੀ ਜ਼ਿਲ੍ਹਿਆਂ ਲਈ 'ਆਰੇਂਜ ਅਲਰਟ' ਜਾਰੀ ਕੀਤਾ ਹੈ, ਜਦੋਂਕਿ ਕਈ ਹੋਰ ਜ਼ਿਲ੍ਹਿਆਂ ਵਿੱਚ ਵੀ ਅਗਲੇ ਦਿਨਾਂ ਲਈ 'ਯੈਲੋ ਅਲਰਟ' ਜਾਰੀ ਹੈ। ਲੋਕਾਂ ਨੂੰ ਸੁਰੱਖਿਅਤ ਥਾਵਾਂ 'ਤੇ ਰਹਿਣ ਦੀ ਸਲਾਹ ਦਿੱਤੀ ਗਈ ਹੈ।