ਬਣਾਉਂਦੇ ਸਮੇਂ ਫਟਿਆ ਬੰਬ, 3 ਦੀ ਮੌਤ

ਮੁਰਸ਼ਿਦਾਬਾਦ : ਜਿੱਥੇ ਦਿੱਲੀ ਦੇ ਸਕੂਲਾਂ ਨੂੰ ਬੰਬ ਦੀ ਧਮਕੀ ਮਿਲੀ ਹੈ, ਉੱਥੇ ਹੀ ਪੱਛਮੀ ਬੰਗਾਲ ਦੇ ਮੁਰਸ਼ਿਦਾਬਾਦ ਵਿੱਚ ਬੰਬ ਧਮਾਕਾ ਹੋਇਆ ਹੈ। ਇਸ ਹਾਦਸੇ 'ਚ 3 ਲੋਕਾਂ ਦੀ ਮੌਤ ਹੋ ਗਈ ਹੈ। ਇਹ ਬੰਬ ਧਮਾਕਾ ਸਾਗਰਪਾੜਾ ਥਾਣੇ ਦੇ ਖਯਾਰਤਲਾ ਇਲਾਕੇ ਵਿੱਚ ਹੋਇਆ। ਮਾਮੂਨ ਮੁੱਲਾ ਦੇ ਘਰ ਬੰਬ ਬਣਾਏ ਜਾ ਰਹੇ ਸਨ। ਮ੍ਰਿਤਕਾਂ ਦੀ ਪਛਾਣ ਮਾਮੂਨ ਮੁੱਲਾ, ਸਾਕਿਰੁਲ ਸਰਕਾਰ ਅਤੇ ਮੁਸਤਕੀਨ ਸੇਖ ਵਜੋਂ ਹੋਈ ਹੈ। ਮੁਸਤਕੀਨ ਸੇਖ ਮਹਿਤਾਬ ਕਲੋਨੀ ਅਤੇ ਸਾਕੀਰੁਲ ਸਰਕਾਰ ਖੈਰਤਲਾ ਇਲਾਕੇ ਦਾ ਰਹਿਣ ਵਾਲਾ ਹੈ।

ਇਹ ਤਿੰਨੇ ਨੌਜਵਾਨ ਰਾਤ ਦੇ ਹਨੇਰੇ ਵਿੱਚ ਛੁਪਾ ਕੇ ਬੰਬ ਬਣਾ ਰਹੇ ਸਨ ਜਦੋਂ ਹਾਦਸਾ ਵਾਪਰਿਆ। ਧਮਾਕਾ ਇੰਨਾ ਜ਼ਬਰਦਸਤ ਸੀ ਕਿ ਮਾਮੂਨ ਦੇ ਘਰ ਦੀ ਛੱਤ ਡਿੱਗ ਗਈ ਅਤੇ ਮਲਬੇ ਵਿੱਚ ਬਦਲ ਗਈ। ਆਸ-ਪਾਸ ਰਹਿਣ ਵਾਲੇ ਲੋਕਾਂ ਵਿੱਚ ਦਹਿਸ਼ਤ ਫੈਲ ਗਈ। ਉਹ ਘਰੋਂ ਬਾਹਰ ਨਿਕਲੇ ਅਤੇ ਮਾਮੂਨ ਦੇ ਘਰ ਨੂੰ ਅੱਗ ਲੱਗੀ ਦੇਖ ਕੇ ਪੁਲਸ ਨੂੰ ਫੋਨ ਕੀਤਾ। ਪੁਲਸ ਨੇ ਮੌਕੇ 'ਤੇ ਪਹੁੰਚ ਕੇ ਜਾਂਚ ਕੀਤੀ ਅਤੇ ਲਾਸ਼ਾਂ ਨੂੰ ਕਬਜ਼ੇ 'ਚ ਲੈ ਲਿਆ। ਹੁਣ ਇਲਾਕੇ 'ਚ ਭਾਰੀ ਪੁਲਸ ਫੋਰਸ ਤਾਇਨਾਤ ਹੈ ਅਤੇ ਪੁਲਸ ਇਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ ਕਿ ਬੰਬ ਕਿਉਂ ਬਣਾਇਆ ਜਾ ਰਿਹਾ ਸੀ?