ਬੋਇੰਗ-737 ਜਹਾਜ਼ ਹਾਦਸੇ ਤੋਂ ਵਾਲ-ਵਾਲ ਬਚਿਆ

ਲੈਂਡਿੰਗ ਦੌਰਾਨ ਰਨਵੇਅ 'ਤੇ ਹਿੱਲਿਆ ਜਹਾਜ਼ — ਵੀਡੀਓ ਵਾਇਰਲ

ਇੰਡੋਨੇਸ਼ੀਆ ਦੇ ਟੈਂਗੇਰੰਗ ਸੂਬੇ ਦੇ ਸੋਏਕਾਰਨੋ ਹੱਟਾ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਬਾਟਿਕ ਏਅਰਲਾਈਨਜ਼ ਦੇ ਬੋਇੰਗ-737 ਜਹਾਜ਼ ਨਾਲ ਇੱਕ ਵੱਡਾ ਹਾਦਸਾ ਹੋਣ ਤੋਂ ਬਚ ਗਿਆ। ਜਦੋਂ ਜਹਾਜ਼ ਲੈਂਡਿੰਗ ਕਰ ਰਿਹਾ ਸੀ, ਭਾਰੀ ਮੀਂਹ ਅਤੇ ਤੇਜ਼ ਹਵਾਵਾਂ ਕਾਰਨ ਜਹਾਜ਼ ਰਨਵੇਅ 'ਤੇ ਹਿੱਲਣ ਲੱਗ ਪਿਆ। ਕੁਝ ਸਕਿੰਟਾਂ ਲਈ ਜਹਾਜ਼ ਆਪਣੇ ਸੱਜੇ ਪਾਸੇ ਝੁਕ ਗਿਆ ਅਤੇ ਇਸ ਦੀ ਇਕ ਵਿੰਗ ਲਗਭਗ ਰਨਵੇਅ ਨਾਲ ਟਕਰਾ ਗਈ। ਇਸ ਦੌਰਾਨ, ਪਾਇਲਟ ਨੇ ਸਮੇਂ ਸਿਰ ਜਹਾਜ਼ 'ਤੇ ਕੰਟਰੋਲ ਹਾਸਲ ਕਰ ਲਿਆ ਅਤੇ ਜਹਾਜ਼ ਸੁਰੱਖਿਅਤ ਉਤਾਰਿਆ ਗਿਆ।

🚨⚡ Soekarno-Hatta International Airport in Indonesia narrowly escaped d¡saster during severe weather.

The pilots of a Batik Air plane briefly lost control of the aircraft during landing but were able to avert an accident at the last second.#Indonesia #Batikair #planecrash pic.twitter.com/uktWKh36ld

— OsintWorld 🍁 (@OsiOsint1) June 29, 2025

ਇਹ ਦ੍ਰਿਸ਼ ਹਵਾਈ ਅੱਡੇ 'ਤੇ ਮੌਜੂਦ ਲੋਕਾਂ ਨੇ ਵੀਡੀਓ ਵਿੱਚ ਕੈਦ ਕਰ ਲਿਆ, ਜੋ ਹੁਣ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਚੁੱਕਾ ਹੈ। ਵੀਡੀਓ ਵਿੱਚ ਸਾਫ਼ ਦਿਖਾਈ ਦਿੰਦਾ ਹੈ ਕਿ ਜਹਾਜ਼ ਰਨਵੇਅ ਦੇ ਨੇੜੇ ਆਉਂਦੇ ਹੀ ਕਈ ਸਕਿੰਟਾਂ ਲਈ ਹੇਠਾਂ ਵੱਲ ਝੁਕ ਜਾਂਦਾ ਹੈ, ਪਰ ਆਖ਼ਰਕਾਰ ਪਾਇਲਟ ਦੀ ਸਮਝਦਾਰੀ ਨਾਲ ਹਾਦਸਾ ਟਲ ਗਿਆ।

ਬਾਟਿਕ ਏਅਰਲਾਈਨਜ਼ ਦੇ ਅਧਿਕਾਰੀਆਂ ਨੇ ਪੁਸ਼ਟੀ ਕੀਤੀ ਕਿ ਜਹਾਜ਼ ਨੂੰ ਕੋਈ ਨੁਕਸਾਨ ਨਹੀਂ ਹੋਇਆ ਅਤੇ ਇੰਜੀਨੀਅਰਾਂ ਦੀ ਜਾਂਚ ਤੋਂ ਬਾਅਦ ਜਹਾਜ਼ ਨੂੰ ਉਡਾਣ ਲਈ ਫਿਰ ਵਰਤਿਆ ਜਾ ਸਕਦਾ ਹੈ। ਏਅਰਲਾਈਨ ਨੇ ਯਾਤਰੀਆਂ ਦੀ ਸੁਰੱਖਿਆ ਨੂੰ ਆਪਣੀ ਪਹਿਲੀ ਤਰਜੀਹ ਦੱਸਿਆ।

ਇਸ ਘਟਨਾ ਨੇ ਸੋਸ਼ਲ ਮੀਡੀਆ 'ਤੇ ਚਰਚਾ ਛੇੜ ਦਿੱਤੀ ਹੈ, ਕਿਉਂਕਿ ਹਾਲੀਆਂ ਮਹੀਨਿਆਂ ਵਿੱਚ ਬੋਇੰਗ ਜਹਾਜ਼ਾਂ ਨਾਲ ਜੁੜੀਆਂ ਘਟਨਾਵਾਂ ਨੇ ਲੋਕਾਂ ਵਿੱਚ ਚਿੰਤਾ ਵਧਾ ਦਿੱਤੀ ਹੈ।