ਬਾਬਾ ਸਿੱਦੀਕ ਦਾ ਬੇਟਾ ਜੀਸ਼ਾਨ ਸਿੱਦੀਕੀ ਅਜੀਤ ਪਵਾਰ ਦੀ NCP 'ਚ ਸ਼ਾਮਲ, ਮਿਲ ਗਈ ਟਿਕਟ ਵੀ
By : BikramjeetSingh Gill
ਮਹਾਰਾਸ਼ਟਰ : ਬਾਬਾ ਸਿੱਦੀਕੀ ਦਾ ਪੁੱਤਰ ਜੀਸ਼ਾਨ ਸਿੱਦੀਕੀ ਅੱਜ ਐਨਸੀਪੀ ਅਜੀਤ ਧੜੇ ਵਿੱਚ ਸ਼ਾਮਲ ਹੋ ਗਿਆ ਹੈ। ਐਨਸੀਪੀ ਨੇ ਬਾਂਦਰਾ ਈਸਟ ਸੀਟ ਤੋਂ ਜੀਸ਼ਾਨ ਸਿੱਦੀਕੀ ਨੂੰ ਪਾਰਟੀ ਉਮੀਦਵਾਰ ਐਲਾਨ ਦਿੱਤਾ ਹੈ। ਜ਼ੀਸ਼ਾਨ ਨੇ ਐਨਸੀਪੀ ਮੁਖੀ ਅਜੀਤ ਪਵਾਰ ਅਤੇ ਸੁਨੀਤ ਤਤਕਰੇ ਦੀ ਮੌਜੂਦਗੀ ਵਿੱਚ ਪਾਰਟੀ ਦੀ ਮੈਂਬਰਸ਼ਿਪ ਲੈ ਲਈ। ਤੁਹਾਨੂੰ ਦੱਸ ਦੇਈਏ ਕਿ ਵਿਧਾਨ ਪ੍ਰੀਸ਼ਦ ਦੀਆਂ ਚੋਣਾਂ 'ਚ ਕਰਾਸ ਵੋਟਿੰਗ ਦੇ ਦੋਸ਼ 'ਚ ਕਾਂਗਰਸ ਨੇ ਉਨ੍ਹਾਂ ਨੂੰ ਪਾਰਟੀ 'ਚੋਂ ਕੱਢ ਦਿੱਤਾ ਸੀ।
ਅਜੀਤ ਪਵਾਰ ਨੇ ਮਹਾਰਾਸ਼ਟਰ ਵਿਧਾਨ ਸਭਾ ਚੋਣ 2024 ਲਈ 7 ਉਮੀਦਵਾਰਾਂ ਦੀ ਦੂਜੀ ਸੂਚੀ ਜਾਰੀ ਕੀਤੀ ਹੈ। ਸੂਚੀ ਮੁਤਾਬਕ ਨਿਸ਼ੀਕਾਂਤ ਪਾਟਿਲ ਇਸਲਾਮਪੁਰ ਤੋਂ, ਸੰਜੇ ਕਾਕਾ ਪਾਟਿਲ ਤਾਸਗਾਂਵ ਅਤੇ ਜੀਸ਼ਾਨ ਸਿੱਦੀਕੀ ਬਾਂਦਰਾ ਈਸਟ ਤੋਂ ਚੋਣ ਲੜਨਗੇ। ਜਦਕਿ ਸ਼ਿਵ ਸੈਨਾ ਨੇ ਸ਼ਿੰਦੇ ਧੜੇ ਨੇ ਵਰੁਣ ਦੇਸਾਈ ਨੂੰ ਉਮੀਦਵਾਰ ਬਣਾਇਆ ਹੈ। ਇਸ ਤੋਂ ਇਲਾਵਾ ਅਨੂ ਸ਼ਕਤੀ ਨਗਰ ਤੋਂ ਸਨਾ ਮਲਿਕ, ਵਡਗਾਓਂ ਸ਼ੇਰੀ ਤੋਂ ਸੁਨੀਲ ਟਿੰਗਰੇ, ਤਿਰੂਰ ਤੋਂ ਗਿਆਨੇਸ਼ਵਰ ਕਟਕੇ ਅਤੇ ਲੋਹਾ ਤੋਂ ਪ੍ਰਤਾਪ ਪਾਟਿਲ ਨੂੰ ਟਿਕਟਾਂ ਦਿੱਤੀਆਂ ਗਈਆਂ ਹਨ।
ਇਸ ਤੋਂ ਪਹਿਲਾਂ ਐਨਸੀਪੀ ਨੇ 38 ਉਮੀਦਵਾਰਾਂ ਦੀ ਪਹਿਲੀ ਸੂਚੀ ਜਾਰੀ ਕੀਤੀ ਸੀ। ਖਬਰ ਸੀ ਕਿ ਅਜੀਤ ਪਵਾਰ ਮਹਾਯੁਤੀ 'ਚ ਸੀਟਾਂ ਦੀ ਵੰਡ ਤੋਂ ਖੁਸ਼ ਨਹੀਂ ਹਨ। ਭਾਜਪਾ, ਸ਼ਿਵ ਸੈਨਾ ਸ਼ਿੰਦੇ ਅਤੇ ਅਜੀਤ ਪਵਾਰ ਨੇ ਹੁਣ ਤੱਕ 189 ਸੀਟਾਂ 'ਤੇ ਉਮੀਦਵਾਰ ਖੜ੍ਹੇ ਕੀਤੇ ਹਨ। ਅਜੀਤ ਪਵਾਰ ਬਾਕੀ ਸੀਟਾਂ 'ਤੇ ਵੱਧ ਤੋਂ ਵੱਧ ਹਿੱਸਾ ਚਾਹੁੰਦੇ ਸਨ। ਅਜਿਹੇ 'ਚ ਕੱਲ੍ਹ ਦਿੱਲੀ 'ਚ ਅਮਿਤ ਸ਼ਾਹ ਦੀ ਰਿਹਾਇਸ਼ 'ਤੇ ਤਿੰਨੋਂ ਪਾਰਟੀਆਂ ਦੀ ਬੈਠਕ ਹੋਈ। ਬੈਠਕ 'ਚ 10 ਸੀਟਾਂ ਨੂੰ ਛੱਡ ਕੇ ਬਾਕੀ 278 ਸੀਟਾਂ 'ਤੇ ਸਹਿਮਤੀ ਬਣ ਗਈ ਹੈ।
