ਕੇਜਰੀਵਾਲ ਵਿਰੁਧ ਇੱਕ ਹੋਰ ਪਰਚਾ ਦਰਜ, ਜਾਣੋ ਕੀ ਹੈ ਮਾਮਲਾ ?

ਹੁਣ ਤੱਕ ਕੇਜਰੀਵਾਲ ਖਿਲਾਫ 11 ਕੇਸ ਦਰਜ ਹੋ ਚੁੱਕੇ ਹਨ

ਆਮ ਆਦਮੀ ਪਾਰਟੀ ਦੇ ਕੌਮੀ ਕਨਵੀਨਰ ਅਰਵਿੰਦ ਕੇਜਰੀਵਾਲ ਉੱਤੇ ਬਿਹਾਰ ਅਤੇ ਯੂਪੀ ਦੇ ਲੋਕਾਂ ਨੂੰ "ਫਰਜ਼ੀ" ਕਹਿਣ ਦੇ ਦੋਸ਼ ਲਗੇ ਹਨ। ਪਟਨਾ ਸਿਵਲ ਕੋਰਟ ਵਿੱਚ ਉਨ੍ਹਾਂ ਵਿਰੁੱਧ ਮਾਮਲਾ ਦਰਜ ਹੋਇਆ, ਜਿਸ ਦੀ ਅਗਲੀ ਸੁਣਵਾਈ ਮੰਗਲਵਾਰ ਨੂੰ ਹੋਣੀ ਨਿਰਧਾਰਤ ਹੈ। ਐਡਵੋਕੇਟ ਬੀਕੇ ਕਤਿਆਲ ਨੇ ਕੇਜਰੀਵਾਲ ਵਿਰੁੱਧ ਸ਼ਿਕਾਇਤ ਕੀਤੀ।

ਕੇਸ ਦੀ ਹਾਲਤ : ਅਦਾਲਤ 'ਚ ਭਾਰਤੀ ਦੰਡ ਸੰਹਿਤਾ (BNS) ਦੀ ਧਾਰਾ 356 ਤਹਿਤ ਕੇਸ ਦਰਜ ਕੀਤਾ ਗਿਆ ਹੈ। ਹੁਣ ਤੱਕ ਕੇਜਰੀਵਾਲ ਖਿਲਾਫ 11 ਕੇਸ ਦਰਜ ਹੋ ਚੁੱਕੇ ਹਨ। ਮੁਦਈ ਪੱਖ ਨੇ ਮਾਫੀ ਮੰਗਣ ਦੀ ਮੰਗ ਕੀਤੀ ਹੈ।

ਕੇਜਰੀਵਾਲ ਦਾ ਵਿਵਾਦਿਤ ਬਿਆਨ : 9 ਜਨਵਰੀ ਨੂੰ, ਕੇਜਰੀਵਾਲ ਨੇ ਭਾਜਪਾ 'ਤੇ ਨਿਸ਼ਾਨਾ ਸਾਧਦੇ ਹੋਏ ਕਿਹਾ ਕਿ "ਬਿਹਾਰ ਅਤੇ ਯੂਪੀ ਦੇ ਲੋਕਾਂ ਨੂੰ ਫਰਜ਼ੀ ਵੋਟਰ ਬਣਾਇਆ ਜਾ ਰਿਹਾ ਹੈ।" ਉਨ੍ਹਾਂ ਦਾਅਵਾ ਕੀਤਾ ਕਿ ਦਿੱਲੀ ਵਿੱਚ 15 ਦਿਨਾਂ ਵਿੱਚ 13,000 ਨਵੇਂ ਵੋਟਰ, ਜਿਨ੍ਹਾਂ 'ਚੋਂ ਬਹੁਤੇ ਯੂਪੀ ਅਤੇ ਬਿਹਾਰ ਦੇ ਹਨ, ਸ਼ਾਮਲ ਕੀਤੇ ਗਏ।

ਮੁਕੱਦਮੇ ਦੀ ਮਹੱਤਤਾ : ਇਹ ਮਾਮਲਾ ਕੇਜਰੀਵਾਲ ਲਈ ਨਵੀਆਂ ਸਿਆਸੀ ਮੁਸੀਬਤਾਂ ਲਿਆਉਂਦਾ ਹੋਇਆ ਦਿਖ ਰਿਹਾ ਹੈ। ਬਿਹਾਰ ਅਤੇ ਯੂਪੀ ਦੇ ਲੋਕਾਂ ਨੇ ਉਨ੍ਹਾਂ ਦੀ ਭਾਸ਼ਾ ਨੂੰ ਅਸ਼ਲੀਲ ਅਤੇ ਆਪਮਾਨਜਨਕ ਦੱਸਿਆ। ਵਕੀਲ ਹਰਸ਼ੀਕੇਸ਼ ਨਰਾਇਣ ਸਿੰਘ ਨੇ ਕਿਹਾ ਕਿ ਬਿਹਾਰੀ ਅਤੇ ਯੂਪੀ ਦੇ ਲੋਕ ਮਿਹਨਤੀ ਅਤੇ ਇਜ਼ਤਦਾਰ ਹਨ, ਅਤੇ ਕੇਜਰੀਵਾਲ ਨੂੰ ਜਨਤਾ ਤੋਂ ਮੁਆਫੀ ਮੰਗਣੀ ਚਾਹੀਦੀ ਹੈ।

ਭਾਜਪਾ ਅਤੇ ਹੋਰ ਵਿਰੋਧੀ ਪਾਰਟੀਆਂ ਨੇ ਇਸ ਮਾਮਲੇ ਨੂੰ ਮੁੱਦਾ ਬਣਾਉਣ ਦੀ ਤਿਆਰੀ ਕਰ ਲਈ ਹੈ।

ਪਟਨਾ ਸਿਵਲ ਕੋਰਟ ਦੇ ਵਕੀਲ ਹਰਸ਼ੀਕੇਸ਼ ਨਰਾਇਣ ਸਿੰਘ ਨੇ ਕਿਹਾ ਕਿ ਦਿੱਲੀ ਦੇ ਸਾਬਕਾ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਵਿਵਾਦਿਤ ਬਿਆਨ ਦੇ ਕੇ ਬਿਹਾਰ ਅਤੇ ਉੱਤਰ ਪ੍ਰਦੇਸ਼ ਦੇ ਲੋਕਾਂ ਦਾ ਅਪਮਾਨ ਕੀਤਾ ਹੈ। ਬਿਹਾਰ ਦੇ ਲੋਕ ਬਹੁਤ ਮਿਹਨਤੀ ਹਨ। ਕੇਜਰੀਵਾਲ ਨੂੰ ਮੁੱਖ ਮੰਤਰੀ ਬਣਾਉਣ ਵਿੱਚ ਬਿਹਾਰ ਅਤੇ ਯੂਪੀ ਦੇ ਲੋਕਾਂ ਦੀ ਅਹਿਮ ਭੂਮਿਕਾ ਹੈ। ਇਨ੍ਹਾਂ ਲੋਕਾਂ ਨੇ ਹੀ ਉਸ ਦੀ ਸਰਕਾਰ ਨੂੰ ਵੋਟਾਂ ਪਾਈਆਂ ਸਨ। ਅਸੀਂ ਮਿਹਨਤੀ ਲੋਕ ਹਾਂ ਅਤੇ ਦੂਜਿਆਂ ਦਾ ਸਤਿਕਾਰ ਕਰਦੇ ਹਾਂ। ਕੇਜਰੀਵਾਲ ਵੱਲੋਂ ਵਰਤੀ ਗਈ ਭਾਸ਼ਾ ਅਸ਼ਲੀਲ ਹੈ। ਇਸ ਦੇ ਲਈ ਉਸ ਨੂੰ ਦੇਸ਼ ਅਤੇ ਖਾਸ ਕਰਕੇ ਬਿਹਾਰ ਅਤੇ ਯੂਪੀ ਦੇ ਲੋਕਾਂ ਦੇ ਪੈਰ ਛੂਹ ਕੇ ਮੁਆਫੀ ਮੰਗਣੀ ਚਾਹੀਦੀ ਹੈ।