ਵਾਰਾਣਸੀ ਤੋਂ ਆਗਰਾ ਜਾ ਰਹੀ ਵੰਦੇ ਭਾਰਤ ਟਰੇਨ ਨਾਲ ਹਾਦਸਾ

ਪਹੀਏ ਰੁਕੇ, ਦਹਿਸ਼ਤ ਦਾ ਮਾਹੌਲ

ਆਗਰਾ : ਉੱਤਰ ਪ੍ਰਦੇਸ਼ ਦੇ ਆਗਰਾ ਵਿੱਚ ਬੀਤੀ ਰਾਤ ਵੰਦੇ ਭਾਰਤ ਟਰੇਨ ਹਾਦਸੇ ਦਾ ਸ਼ਿਕਾਰ ਹੋ ਗਈ। ਇਹ ਹਾਦਸਾ ਉਸ ਸਮੇਂ ਵਾਪਰਿਆ ਜਦੋਂ ਇੱਕ ਜਾਨਵਰ ਚੱਲਦੀ ਟਰੇਨ ਦੇ ਸਾਹਮਣੇ ਆ ਗਿਆ ਅਤੇ ਟਰੇਨ ਉਸ ਨਾਲ ਟਕਰਾ ਗਈ।

ਟੱਕਰ ਹੁੰਦੇ ਹੀ ਲੋਕੋ ਪਾਇਲਟ ਨੇ ਐਮਰਜੈਂਸੀ ਬ੍ਰੇਕ ਲਗਾ ਦਿੱਤੀ, ਜਿਸ ਨਾਲ ਰੇਲ ਯਾਤਰੀਆਂ 'ਚ ਦਹਿਸ਼ਤ ਫੈਲ ਗਈ। ਇਹ ਹਾਦਸਾ ਛਲੇਸਰ ਅਤੇ ਇਤਮਾਦਪੁਰ ਵਿਚਕਾਰ ਵਾਪਰਿਆ ਅਤੇ ਹਾਈਟੈਕ ਟਰੇਨ ਦੇ ਪਹੀਏ ਕਾਫੀ ਦੇਰ ਤੱਕ ਰੁਕੇ ਰਹੇ। ਟਰੇਨ ਵਾਰਾਣਸੀ ਤੋਂ ਆਗਰਾ ਆ ਰਹੀ ਸੀ। ਖੁਸ਼ਕਿਸਮਤੀ ਰਹੀ ਕਿ ਇਸ ਹਾਦਸੇ ਵਿੱਚ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ ਪਰ ਯਾਤਰੀਆਂ ਵਿੱਚ ਦਹਿਸ਼ਤ ਜ਼ਰੂਰ ਸੀ।

ਪਸ਼ੂ ਨਾਲ ਟਕਰਾਉਣ ਨਾਲ ਟਰੇਨ ਦਾ ਅਗਲਾ ਹਿੱਸਾ ਬੁਰੀ ਤਰ੍ਹਾਂ ਨਾਲ ਨੁਕਸਾਨਿਆ ਗਿਆ ਹੈ। ਰੇਲਵੇ ਇੰਜਨੀਅਰਾਂ ਨੇ ਮੌਕੇ ’ਤੇ ਆ ਕੇ ਟਰੇਨ ਦੀ ਜਾਂਚ ਕੀਤੀ। ਪੁਲਸ ਟੀਮ ਨੇ ਆ ਕੇ ਹਾਦਸੇ ਦੀ ਜਾਂਚ ਕੀਤੀ।