ਹਿਮਾਚਲ ਪ੍ਰਦੇਸ਼ ਦੇ ਉਪ ਮੁਖ ਮੰਤਰੀ ਦੀ ਮਸਾ ਬਚੀ ਜਾਣ

ਜਹਾਜ਼ ਦੇ ਬ੍ਰੇਕ ਫੇਲ੍ਹ, ਉਪ ਮੁੱਖ ਮੰਤਰੀ ਸਮੇਤ 44 ਜਾਨਾਂ ਬਚੀਆਂ – ਹਿਮਾਚਲ 'ਚ ਵੱਡਾ ਹਾਦਸਾ ਟਲਿਆ

ਸ਼ਿਮਲਾ, 24 ਮਾਰਚ: ਹਿਮਾਚਲ ਪ੍ਰਦੇਸ਼ ਤੋਂ ਇੱਕ ਵੱਡੀ ਖ਼ਬਰ ਸਾਹਮਣੇ ਆਈ ਹੈ, ਜਿੱਥੇ ਉਪ ਮੁੱਖ ਮੰਤਰੀ ਮੁਕੇਸ਼ ਅਗਨੀਹੋਤਰੀ ਸਮੇਤ 44 ਯਾਤਰੀਆਂ ਦੀ ਜਾਨ ਬਲੈਕੇ ਤੋਂ ਬਚ ਗਈ। ਦਿੱਲੀ ਤੋਂ ਸ਼ਿਮਲਾ ਆ ਰਹੇ ਇੱਕ ਜਹਾਜ਼ ਦੇ ਬ੍ਰੇਕ ਫੇਲ੍ਹ ਹੋਣ ਕਾਰਨ ਐਮਰਜੈਂਸੀ ਲੈਂਡਿੰਗ ਕਰਨੀ ਪਈ। ਜਹਾਜ਼ ਵਿੱਚ ਉਪ ਮੁੱਖ ਮੰਤਰੀ ਦੇ ਨਾਲ ਹਿਮਾਚਲ ਦੇ ਡੀਜੀਪੀ ਅਤੁਲ ਵਰਮਾ ਵੀ ਮੌਜੂਦ ਸਨ।

ਲੈਂਡਿੰਗ ਦੌਰਾਨ ਵੱਡਾ ਹਾਦਸਾ ਟਲਿਆ

ਅਲਾਇੰਸ ਏਅਰ ਦੀ ਉਡਾਣ ਨੰਬਰ 91821 ਅੱਜ ਸਵੇਰੇ ਦਿੱਲੀ ਤੋਂ ਸ਼ਿਮਲਾ ਲਈ ਰਵਾਨਾ ਹੋਈ। ਸ਼ਿਮਲਾ ਹਵਾਈ ਅੱਡੇ 'ਤੇ ਲੈਂਡਿੰਗ ਦੌਰਾਨ ਜਹਾਜ਼ ਦੇ ਬ੍ਰੇਕ ਫੇਲ੍ਹ ਹੋਣ ਕਾਰਨ ਹਾਲਾਤ ਵਿਗੜ ਗਏ। ਰਨਵੇਅ ਖਤਮ ਹੋਣ ਤੋਂ ਬਾਅਦ ਵੀ ਜਹਾਜ਼ ਨਹੀਂ ਰੁਕਿਆ, ਜਿਸ ਕਰਕੇ ਯਾਤਰੀਆਂ ਵਿੱਚ ਭਾਰੀ ਘਬਰਾਹਟ ਫੈਲ ਗਈ। ਪਾਇਲਟ ਦੀ ਸਮਝਦਾਰੀ ਅਤੇ ਤਜਰਬੇਕਾਰ ਹੋਣ ਕਾਰਨ ਜਹਾਜ਼ ਨੂੰ ਸੁਰੱਖਿਅਤ ਢੰਗ ਨਾਲ ਉਤਾਰ ਲਿਆ ਗਿਆ।

ਉਪ ਮੁੱਖ ਮੰਤਰੀ ਨੇ ਦੱਸਿਆ ਅਨੁਭਵ

ਡਿਪਟੀ ਸੀਐਮ ਮੁਕੇਸ਼ ਅਗਨੀਹੋਤਰੀ ਨੇ ਦੱਸਿਆ ਕਿ "ਮੈਨੂੰ ਤਕਨੀਕੀ ਮਾਮਲਿਆਂ ਬਾਰੇ ਬਹੁਤ ਵਧੀਆ ਨਹੀਂ ਪਤਾ, ਪਰ ਜਦ ਜਹਾਜ਼ ਲੈਂਡ ਕਰ ਰਿਹਾ ਸੀ, ਉਹ ਜ਼ਮੀਨ 'ਤੇ ਠੀਕ ਤਰੀਕੇ ਨਾਲ ਨਹੀਂ ਆਇਆ। ਰਨਵੇਅ ਖਤਮ ਹੋਣ ਦੇ ਬਾਵਜੂਦ ਵੀ ਜਹਾਜ਼ ਨਹੀਂ ਰੁਕਿਆ, ਜਿਸ ਨਾਲ ਸਭ ਲੋਕ ਡਰੇ ਹੋਏ ਸਨ। ਇੱਕ ਅਚਾਨਕ ਝਟਕੇ ਨਾਲ ਜਹਾਜ਼ ਰੁਕਿਆ ਅਤੇ ਅਸੀਂ 20-25 ਮਿੰਟ ਤਕ ਜਹਾਜ਼ ਵਿੱਚ ਹੀ ਬੈਠੇ ਰਹੇ।"

ਇਹ ਹਾਦਸਾ ਬੇਹੱਦ ਸੰਵੇਦਨਸ਼ੀਲ ਸੀ, ਪਰ ਖੁਸ਼ਕਿਸਮਤੀ ਨਾਲ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ। ਹਵਾਈ ਅਧਿਕਾਰੀਆਂ ਵਲੋਂ ਘਟਨਾ ਦੀ ਜਾਂਚ ਜਾਰੀ ਹੈ।