BCCI ਐਵਾਰਡਜ਼ : ਕਿਸ ਖਿਡਾਰੀ ਨੂੰ ਮਿਲਿਆ ਕਿਹੜਾ ਐਵਾਰਡ ? ਪੂਰੀ ਸੂਚੀ ਵੇਖੋ

ਨਵੀਂ ਦਿੱਲੀ : BCCI ਨੇ 2019 ਤੋਂ ਬਾਅਦ ਪਹਿਲੀ ਵਾਰ ਸਾਲਾਨਾ ਪੁਰਸਕਾਰ ਦਾ ਐਲਾਨ ਕੀਤਾ ਹੈ। ਸਾਬਕਾ ਭਾਰਤੀ ਆਲਰਾਊਂਡਰ ਅਤੇ ਮੁੱਖ ਕੋਚ ਰਵੀ ਸ਼ਾਸਤਰੀ ਨੂੰ ਭਾਰਤੀ ਕ੍ਰਿਕਟ ਬੋਰਡ ਵੱਲੋਂ 'ਲਾਈਫਟਾਈਮ ਅਚੀਵਮੈਂਟ ਐਵਾਰਡ' ਨਾਲ ਸਨਮਾਨਿਤ ਕੀਤਾ ਗਿਆ। ਬੀਸੀਸੀਆਈ ਨੇ ਇੱਥੇ ਇੱਕ ਸਮਾਰੋਹ ਵਿੱਚ 2019-20 ਸੀਜ਼ਨ ਲਈ ਚੋਟੀ ਦੇ ਪੁਰਸ਼ ਅਤੇ ਮਹਿਲਾ ਖਿਡਾਰੀਆਂ ਨੂੰ ਸਨਮਾਨਿਤ ਕੀਤਾ। ਸਾਬਕਾ ਭਾਰਤੀ ਵਿਕਟਕੀਪਰ ਫਾਰੂਕ ਇੰਜੀਨੀਅਰ ਨੂੰ ਵੀ ‘ਲਾਈਫਟਾਈਮ ਅਚੀਵਮੈਂਟ’ ਐਵਾਰਡ ਨਾਲ ਸਨਮਾਨਿਤ ਕੀਤਾ ਗਿਆ। 61 ਸਾਲਾ ਰਵੀ ਸ਼ਾਸਤਰੀ ਨੇ ਭਾਰਤ ਲਈ 80 ਟੈਸਟ ਅਤੇ 150 ਵਨਡੇ ਮੈਚ ਖੇਡੇ ਹਨ।

ਇਹ ਵੀ ਪੜ੍ਹੋ :ਵੈਨੇਜ਼ੁਏਲਾ ਦੇ ਰਾਸ਼ਟਰਪਤੀ ਨਿਕੋਲਸ ਮਾਦੁਰੋ ਦੀ ਹੱਤਿਆ ਦੀ ਸਾਜ਼ਿਸ਼ ਨਾਕਾਮ, 32 ਲੋਕ ਗ੍ਰਿਫਤਾਰ

ਇਹ ਵੀ ਪੜ੍ਹੋ :ਲੁਧਿਆਣਾ ਜੇਲ੍ਹ ਦੇ 2 ਡਿਪਟੀ ਸੁਪਰਡੈਂਟ ਗ੍ਰਿਫ਼ਤਾਰ

ਰਿਟਾਇਰਮੈਂਟ ਤੋਂ ਬਾਅਦ, ਉਸਨੇ ਕੁਮੈਂਟੇਟਰ ਵਜੋਂ ਆਪਣੀ ਪਛਾਣ ਬਣਾਈ। ਸ਼ਾਸਤਰੀ ਦੋ ਵਾਰ ਰਾਸ਼ਟਰੀ ਟੀਮ ਦੇ ਕੋਚ ਰਹਿ ਚੁੱਕੇ ਹਨ। ਉਹ 2014 ਤੋਂ 2016 ਤੱਕ ਟੀਮ ਡਾਇਰੈਕਟਰ ਦੇ ਤੌਰ 'ਤੇ ਰਾਸ਼ਟਰੀ ਟੀਮ ਵਿੱਚ ਸ਼ਾਮਲ ਹੋਏ। ਉਹ ਟੀਮ ਇੰਡੀਆ ਦੇ ਕੋਚ ਵੀ ਸਨ।

ਪੁਰਸਕਾਰ ਪ੍ਰਾਪਤ ਕਰਨ ਮੌਕੇ ਇਹ ਗੱਲ ਕਹੀ

ਉਸ ਨੇ ਕਿਹਾ ਕਿ ਇਹ ਯਕੀਨੀ ਤੌਰ 'ਤੇ ਇੱਕ ਭਾਵਨਾਤਮਕ ਪਲ ਹੈ। ਇੱਥੇ ਆਉਣ ਲਈ ਤੁਹਾਡਾ ਸਾਰਿਆਂ ਦਾ ਧੰਨਵਾਦ। ਮੈਨੂੰ ਇਹ ਸਨਮਾਨ ਦੇਣ ਲਈ ਮੈਂ BCCI ਦਾ ਧੰਨਵਾਦ ਕਰਦਾ ਹਾਂ। ਖੇਡ ਵਿੱਚ ਚਾਰ ਦਹਾਕੇ ਹੋ ਗਏ ਹਨ ਅਤੇ ਤੁਸੀਂ ਅਜੇ ਵੀ ਭਾਰਤੀ ਕ੍ਰਿਕਟ ਨਾਲ ਜੁੜੇ ਹੋਏ ਹੋ। ਮੈਂ ਆਪਣੀ ਕ੍ਰਿਕਟ ਦੀ ਸ਼ੁਰੂਆਤ 17 ਸਾਲ ਦੀ ਉਮਰ ਵਿੱਚ ਕੀਤੀ ਸੀ ਅਤੇ ਇਸਨੂੰ 31 ਸਾਲ ਦੀ ਉਮਰ ਵਿੱਚ ਇੱਕ ਖਿਡਾਰੀ ਦੇ ਰੂਪ ਵਿੱਚ ਪੂਰਾ ਕੀਤਾ ਸੀ। ਇਸ ਦੌਰਾਨ ਬੀਸੀਸੀਆਈ ਮੇਰਾ ਸਰਪ੍ਰਸਤ ਰਿਹਾ। ਜਿਵੇਂ ਕਿ ਫਾਰੂਕ ਨੇ ਹੁਣੇ ਦੱਸਿਆ ਹੈ, ਉਸ ਸਮੇਂ ਖੇਡ ਵਿੱਚ ਬਹੁਤ ਪੈਸਾ ਨਹੀਂ ਸੀ ਪਰ ਆਪਣੇ ਦੇਸ਼ ਲਈ ਖੇਡਣ ਵਿੱਚ ਮਾਣ ਸੀ।

ਸ਼ੁਭਮਨ ਗਿੱਲ ਸਾਲ ਦਾ ਸਰਵੋਤਮ ਖਿਡਾਰੀ ਬਣਿਆ

ਸਲਾਮੀ ਬੱਲੇਬਾਜ਼ ਸ਼ੁਭਮਨ ਗਿੱਲ ਨੂੰ ਪਿਛਲੇ 12 ਮਹੀਨਿਆਂ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਲਈ ਸਾਲ ਦੇ ਸਰਵੋਤਮ ਪੁਰਸ਼ ਕ੍ਰਿਕਟਰ ਲਈ ਪੋਲੀ ਉਮਰੀਗਰ ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ ਗਿਆ। ਇਨ੍ਹਾਂ 12 ਮਹੀਨਿਆਂ ਦੌਰਾਨ, ਉਹ ਵਨਡੇ ਵਿੱਚ ਸਭ ਤੋਂ ਤੇਜ਼ ਦੋ ਹਜ਼ਾਰ ਦੌੜਾਂ ਬਣਾਉਣ ਵਾਲਾ ਖਿਡਾਰੀ ਬਣ ਗਿਆ ਅਤੇ ਇਸ ਫਾਰਮੈਟ ਵਿੱਚ ਪੰਜ ਸੈਂਕੜੇ ਲਗਾਏ। ਇਸ ਦੌਰਾਨ ਉਸ ਨੇ 29 ਮੈਚਾਂ ਵਿੱਚ 63.36 ਦੀ ਔਸਤ ਨਾਲ 1584 ਦੌੜਾਂ ਬਣਾਈਆਂ। ਨੌਜਵਾਨ ਬੱਲੇਬਾਜ਼ ਯਸ਼ਸਵੀ ਜੈਸਵਾਲ ਨੇ ਪਿਛਲੇ ਸਾਲ ਜੁਲਾਈ 'ਚ ਰੋਜ਼ੇਓ 'ਚ ਵੈਸਟਇੰਡੀਜ਼ ਖਿਲਾਫ 171 ਦੌੜਾਂ ਬਣਾ ਕੇ 2022-23 ਸੀਜ਼ਨ ਲਈ ਸਰਵੋਤਮ ਅੰਤਰਰਾਸ਼ਟਰੀ ਡੈਬਿਊ ਦਾ ਪੁਰਸਕਾਰ ਜਿੱਤਿਆ ਸੀ।

ਦੀਪਤੀ ਸ਼ਰਮਾ ਦੀ ਲਾਟਰੀ

ਸਪਿੰਨਰ ਦੀਪਤੀ ਸ਼ਰਮਾ ਨੇ 2022-23 ਸੀਜ਼ਨ ਲਈ ਸਾਲ ਦੀ ਮਹਿਲਾ ਕ੍ਰਿਕਟਰ ਦਾ ਪੁਰਸਕਾਰ ਜਿੱਤਿਆ। ਹਾਲ ਹੀ 'ਚ ਇੰਗਲੈਂਡ ਖਿਲਾਫ ਇਕਲੌਤੇ ਟੈਸਟ 'ਚ ਦੀਪਤੀ ਦੀ ਸ਼ਾਨਦਾਰ ਗੇਂਦਬਾਜ਼ੀ ਦੀ ਬਦੌਲਤ ਭਾਰਤੀ ਟੀਮ ਨੇ ਆਸਾਨ ਜਿੱਤ ਦਰਜ ਕੀਤੀ ਸੀ। ਇਸ ਮੈਚ ਵਿੱਚ ਦੀਪਤੀ ਨੇ ਅਰਧ ਸੈਂਕੜਾ ਜੜਨ ਦੇ ਨਾਲ ਹੀ 39 ਦੌੜਾਂ ਦੇ ਕੇ ਨੌਂ ਵਿਕਟਾਂ ਲਈਆਂ।

ਬੀਸੀਸੀਆਈ ਦੁਆਰਾ ਦਿੱਤੇ ਪੁਰਸਕਾਰਾਂ ਦੀ ਸੂਚੀ

ਕਰਨਲ ਸੀਕੇ ਨਾਇਡੂ 'ਲਾਈਫਟਾਈਮ ਅਚੀਵਮੈਂਟ' ਅਵਾਰਡ: ਰਵੀ ਸ਼ਾਸਤਰੀ, ਫਾਰੂਕ ਇੰਜੀਨੀਅਰ (2019-20)।

ਸਾਲ ਦੇ ਪੁਰਸ਼ ਕ੍ਰਿਕਟਰ ਲਈ ਪੋਲੀ ਉਮਰੀਗਰ ਅਵਾਰਡ: ਸ਼ੁਭਮਨ ਗਿੱਲ (2022-23), ਜਸਪ੍ਰੀਤ ਬੁਮਰਾਹ (2021-22), ਰਵੀਚੰਦਰਨ ਅਸ਼ਵਿਨ (2020-21), ਮੁਹੰਮਦ ਸ਼ਮੀ (2019-20)।

ਸਰਵੋਤਮ ਮਹਿਲਾ ਕ੍ਰਿਕਟਰ: ਦੀਪਤੀ ਸ਼ਰਮਾ (2019-20, 2022-23), ਸਮ੍ਰਿਤੀ ਮੰਧਾਨਾ (2020-21, 2021-22)।

ਸਰਵੋਤਮ ਅੰਤਰਰਾਸ਼ਟਰੀ ਡੈਬਿਊ (ਪੁਰਸ਼): ਮਯੰਕ ਅਗਰਵਾਲ (2019-20), ਅਕਸ਼ਰ ਪਟੇਲ (2020-21), ਸ਼੍ਰੇਅਸ ਅਈਅਰ (2021-22), ਯਸ਼ਸਵੀ ਜੈਸਵਾਲ (2022-23)।

ਬੈਸਟ ਇੰਟਰਨੈਸ਼ਨਲ ਡੈਬਿਊ (ਮਹਿਲਾ): ਪ੍ਰਿਆ ਪੂਨੀਆ (2019-20), ਸ਼ੈਫਾਲੀ ਵਰਮਾ (2020-21), ਐਸ ਮੇਘਨਾ (2021-22), ਅਮਨਜੋਤ ਕੌਰ (2022-23)।

ਦਿਲੀਪ ਸਰਦੇਸਾਈ ਪੁਰਸਕਾਰ (2022-23): ਸਭ ਤੋਂ ਵੱਧ ਦੌੜਾਂ: ਯਸ਼ਸਵੀ ਜੈਸਵਾਲ; ਸਭ ਤੋਂ ਵੱਧ ਵਿਕਟਾਂ: ਆਰ ਅਸ਼ਵਿਨ।

ODI ਵਿੱਚ ਸਭ ਤੋਂ ਵੱਧ ਦੌੜਾਂ (ਮਹਿਲਾ): ਪੁਨਮ ਰਾਉਤ (2019-20), ਮਿਤਾਲੀ ਰਾਜ (2020-21), ਹਰਮਨਪ੍ਰੀਤ ਕੌਰ (2021-22), ਜੇਮਿਮਾਹ ਰੌਡਰਿਗਜ਼ (2022-23)।

ODI ਵਿੱਚ ਸਭ ਤੋਂ ਵੱਧ ਵਿਕਟਾਂ (ਮਹਿਲਾ): ਪੂਨਮ ਯਾਦਵ (2019-20), ਝੂਲਨ ਗੋਸਵਾਮੀ (2020-21), ਰਾਜੇਸ਼ਵਰੀ ਗਾਇਕਵਾੜ (2021-22), ਦੇਵਿਕਾ ਵੈਦਿਆ (2022-23)।

ਘਰੇਲੂ ਕ੍ਰਿਕਟ ਵਿੱਚ ਸਰਵੋਤਮ ਅੰਪਾਇਰ : ਕੇਐਨ ਅਨੰਤਪਦਮਨਾਭਨ (2019-20), ਵਰਿੰਦਾ ਰਾਠੀ (2020-21), ਜੇ ਮਦਨਗੋਪਾਲ (2021-22), ਰੋਹਨ ਪੰਡਿਤ (2022-23)।

ਘਰੇਲੂ ਟੂਰਨਾਮੈਂਟ ਵਿੱਚ ਸਰਵੋਤਮ ਪ੍ਰਦਰਸ਼ਨ: ਮੁੰਬਈ (2019-20)।

ਲਾਲਾ ਅਮਰਨਾਥ ਅਵਾਰਡ: ਘਰੇਲੂ ਸੀਮਤ ਓਵਰਾਂ ਦੇ ਟੂਰਨਾਮੈਂਟ ਵਿੱਚ ਸਰਬੋਤਮ ਆਲਰਾਊਂਡਰ: ਬਾਬਾ ਅਪਰਾਜੀਤ (2019-20), ਰਿਸ਼ੀ ਧਵਨ (2020-21, 2021-22), ਰਿਆਨ ਪਰਾਗ (2022-23)।

ਲਾਲਾ ਅਮਰਨਾਥ ਅਵਾਰਡ: ਰਣਜੀ ਟਰਾਫੀ ਵਿੱਚ ਸਰਬੋਤਮ ਆਲਰਾਊਂਡਰ: ਮਣੀ ਸ਼ੰਕਰ ਮੁਰਾ ਸਿੰਘ (2019-20), ਸ਼ਮਸ ਮੁਲਾਨੀ (2021-22), ਸਰਾਂਸ਼ ਜੈਨ (2022-23)।

ਮਾਧਵਰਾਓ ਸਿੰਧੀਆ ਟਰਾਫੀ : ਰਣਜੀ ਟਰਾਫੀ ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲਾ: ਰਾਹੁਲ ਦਲਾਲ (2019-20), ਸਰਫਰਾਜ਼ ਖਾਨ (2021-22), ਮਯੰਕ ਅਗਰਵਾਲ (2022-23)।

ਮਾਧਵਰਾਓ ਸਿੰਧੀਆ ਟਰਾਫੀ: ਰਣਜੀ ਟਰਾਫੀ ਵਿੱਚ ਸਭ ਤੋਂ ਵੱਧ ਵਿਕਟਾਂ ਲੈਣ ਵਾਲੇ ਗੇਂਦਬਾਜ਼: ਜੈਦੇਵ ਉਨਾਦਕਟ (2019-20), ਸ਼ਮਸ ਮੁਲਾਨੀ (2021-22), ਜਲਜ ਸਕਸੈਨਾ (2022-23)।

ਐੱਮ.ਏ. ਚਿਦੰਬਰਮ ਟਰਾਫੀ: ਅੰਡਰ-19 ਕੂਚ ਬਿਹਾਰ ਟਰਾਫੀ ਵਿੱਚ ਸਭ ਤੋਂ ਵੱਧ ਵਿਕਟ ਲੈਣ ਵਾਲੇ ਖਿਡਾਰੀ: ਹਰਸ਼ ਦੁਬੇ (2019-20), ਏ.ਆਰ. ਨਿਸ਼ਾਦ (2021-22), ਮਾਨਵ ਚੋਥਾਨੀ (2022-23)।

ਐੱਮ.ਏ. ਚਿਦੰਬਰਮ ਟਰਾਫੀ: ਅੰਡਰ 19 ਕੂਚ ਬਿਹਾਰ ਟਰਾਫੀ ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਖਿਡਾਰੀ: ਪੀ. ਕਨਪਿਲੇਵਾਰ (2019-20), ਮਯੰਕ ਸ਼ਾਂਡਿਲਿਆ (2021-22), ਦਾਨਿਸ਼ ਮਾਲੇਵਾਰ (2022-23)।

ਐਮਏ ਚਿਦੰਬਰਮ ਟਰਾਫੀ: ਕਰਨਲ ਸੀਕੇ ਨਾਇਡੂ ਟਰਾਫੀ ਵਿੱਚ ਸਭ ਤੋਂ ਵੱਧ ਵਿਕਟਾਂ ਲੈਣ ਵਾਲੇ ਅੰਡਰ-23 ਗੇਂਦਬਾਜ਼: ਅੰਕੁਸ਼ ਤਿਆਗੀ (2019-20), ਹਰਸ਼ ਦੁਬੇ (2021-22), ਵਿਸ਼ਾਲ ਜੈਸਵਾਲ (2022-23)।

ਐਮਏ ਚਿਦੰਬਰਮ ਟਰਾਫੀ: ਕਰਨਲ ਸੀਕੇ ਨਾਇਡੂ ਟਰਾਫੀ ਵਿੱਚ ਅੰਡਰ-23 ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲਾ: ਪਾਰਥ ਪਲਾਵਤ (2019-20), ਵਾਈਵੀ ਰਾਠੌੜ (2021-22), ਸ਼ਿਤਿਜ ਪਟੇਲ (2022-23)।