ਦਿੱਲੀ ਵਿਚ ਦੀਵਾਲੀ ਦੇ ਪ੍ਰਦੂਸ਼ਣ ਕਾਰਨ ਦਮੇ ਅਤੇ ਫੇਫੜਿਆਂ ਦੇ ਰੋਗ ਵਧੇ

ਨਵੀਂ ਦਿੱਲੀ: ਡਾਕਟਰਾਂ ਨੇ ਦੀਵਾਲੀ ਤੋਂ ਬਾਅਦ ਦਿੱਲੀ ਵਾਸੀਆਂ ਵਿੱਚ ਦਮੇ ਦੇ ਦੌਰੇ, ਬ੍ਰੌਨਕਾਈਟਸ ਅਤੇ ਪਹਿਲਾਂ ਤੋਂ ਮੌਜੂਦ ਫੇਫੜਿਆਂ ਦੀਆਂ ਸਮੱਸਿਆਵਾਂ ਦੇ ਵਧਣ ਦੇ ਮਾਮਲਿਆਂ ਵਿੱਚ ਵਾਧਾ ਦਰਜ ਕੀਤਾ ਹੈ ਕਿਉਂਕਿ ਪਟਾਕਿਆਂ 'ਤੇ ਪਾਬੰਦੀ ਦੀ ਵਿਆਪਕ ਉਲੰਘਣਾ ਤੋਂ ਬਾਅਦ AQI ਵਿਗੜ ਗਿਆ ਹੈ।

ਪਟਾਕੇ ਦਿੱਲੀ ਵਿੱਚ ਪਹਿਲਾਂ ਤੋਂ ਮੌਜੂਦ ਹਵਾ ਪ੍ਰਦੂਸ਼ਣ ਨੂੰ ਹੋਰ ਖਰਾਬ ਕਰਨ ਲਈ ਜਿੰਮੇਵਾਰ ਬਣੇ ਹਨ। ਕੁਝ ਪਟਾਕੇ ਜਿਵੇਂ ਕਿ ਫੂਲਝੜੀ, ਅਨਾੜ, ਲਾਡੀ ਅਤੇ ਚੱਕਰੀ ਅਜਿਹੇ ਕਣਾਂ ਦਾ ਨਿਕਾਸ ਕਰਦੇ ਹਨ ਜੋ ਵਿਸ਼ਵ ਸਿਹਤ ਸੰਗਠਨ ਦੁਆਰਾ ਮਨਜ਼ੂਰ ਕੀਤੇ ਗਏ ਨਾਲੋਂ 200 ਤੋਂ 2000 ਗੁਣਾ ਜ਼ਿਆਦਾ ਹੁੰਦਾ ਹੈ।

ਡਾਕਟਰਾਂ ਦਾ ਕਹਿਣਾ ਹੈ ਕਿ ਦੀਵਾਲੀ ਤੋਂ ਬਾਅਦ ਹਸਪਤਾਲਾਂ ਦੀਆਂ ਓਪੀਡੀਆਂ ਵਿਚ ਲੰਮੀਆਂ ਕਰਤਾਰਾਂ ਲੱਗੀਆਂ ਹੋਈਆਂ ਹਨ। ਉਨ੍ਹਾਂ ਦਸਿਆ ਕਿ ਇਹ ਸੱਭ ਪਟਾਕਿਆਂ ਕਾਰਨ ਵੱਧੇ ਪ੍ਰਦੂਸ਼ਣ ਕਾਰਨ ਹੋਇਆ ਹੈ।

ਪਟਾਕਿਆਂ ਵਿਚ ਚਾਰਕੋਲ ਅਤੇ ਨਾਈਟ੍ਰੇਟ ਵੀ ਹੁੰਦੇ ਹਨ, ਜੋ ਕਿ ਸਿਹਤ ਲਈ ਬਹੁਤ ਖ਼ਤਰਨਾਕ ਹੈ। ਇਹ ਜ਼ਹਿਰੀਲੇ ਧੂੰਏ ਨਾ ਸਿਰਫ਼ ਖੰਘ, ਸਾਹ ਘੁੱਟਣ, ਵਗਦੇ ਨੱਕ, ਛਾਤੀ ਵਿੱਚ ਬੇਅਰਾਮੀ ਅਤੇ ਦਮੇ ਦੇ ਦੌਰੇ ਦਾ ਕਾਰਨ ਬਣਦੇ ਹਨ, ਇਹ ਸਾਡੀ ਇਮਿਊਨ ਸਿਸਟਮ ਨੂੰ ਪ੍ਰਭਾਵਿਤ ਕਰਕੇ ਲੰਬੇ ਸਮੇਂ ਲਈ ਨੁਕਸਾਨ ਵੀ ਕਰਦੇ ਹਨ। ਲੰਬੇ ਸਮੇਂ ਦੇ ਪ੍ਰਭਾਵ ਫੇਫੜਿਆਂ ਦੀ ਪੁਰਾਣੀ ਬਿਮਾਰੀ, ਫੇਫੜਿਆਂ ਦੇ ਫਾਈਬਰੋਸਿਸ ਤੋਂ ਲੈ ਕੇ ਫੇਫੜਿਆਂ ਦੇ ਕੈਂਸਰ ਤੱਕ ਹੁੰਦੇ ਹਨ।