ਏਸ਼ੀਅਨ ਖੇਡਾਂ : ਮੈਡਲ ਸੂਚੀ ਦੀ ਚੋਟੀ ਵੱਲ ਵਧ ਰਿਹੈ ਭਾਰਤ

ਹਾਂਗਜ਼ੂ, 29 ਸਤੰਬਰ (ਹਮਦਰਦ ਨਿਊਜ਼ ਸਰਵਿਸ) : ਚੀਨ ਦੇ ਹਾਂਗਜ਼ੂ ਵਿੱਚ ਚੱਲ ਰਹੀਆਂ 19ਵੀਆਂ ਏਸ਼ੀਅਨ ਖੇਡਾਂ ਦੇ 6ਵੇਂ ਦਿਨ ਅੱਜ ਭਾਰਤ ਦੇ ਖਿਡਾਰੀਆਂ ਨੇ ਚੰਗਾ ਪ੍ਰਦਰਸ਼ਨ ਕਰਦਿਆਂ 2 ਗੋਲਡ, 2 ਸਿਲਵਰ ਸਣੇ ਕਈ ਮੈਡਲ ਜਿੱਤ ਲਏ। ਭਾਰਤ ਦੇ ਹੁਣ ਤੱਕ ਕੁੱਲ 31 ਮੈਡਲ ਹੋ ਗਏ, ਜਿਨ੍ਹਾਂ ਵਿੱਚ 8 ਗੋਲਡ, 11 ਸਿਲਵਰ ਅਤੇ 12 ਬਰੌਨਜ਼ ਸ਼ਾਮਲ ਹਨ। ਇਸ ਦੇ ਚਲਦਿਆਂ ਮੈਡਲ ਸੂਚੀ ਵਿੱਚ ਭਾਰਤ ਚੌਥੇ ਸਥਾਨ ’ਤੇ ਪੁੱਜ ਗਿਆ।

ਮੈਡਲ ਸੂਚੀ ਵਿੱਚ ਚੀਨ ਪਹਿਲੇ ਨੰਬਰ ’ਤੇ ਹੈ, ਜਿਸ ਦੇ 173 ਮੈਡਲ ਨੇ, ਸਾਊਥ ਕੋਰੀਆ ਦੂਜੇ ’ਤੇ ਐ, ਜਿਸ ਦੇ 88 ਮੈਡਲ ਹਨ, ਤੀਜੇ ਨੰਬਰ ’ਤੇ ਜਪਾਨ ਐ, ਜਿਸ ਦੇ 82 ਮੈਡਲ ਹਨ, ਜਦਕਿ ਭਾਰਤ ਇਸ ਸੂਚੀ ਵਿੱਚ ਚੌਥੇ ਨੰਬਰ ’ਤੇ ਪਹੁੰਚ ਗਿਆ ਹੈ, ਜਿਸ ਦੇ 8 ਗੋਲਡ ਸਣੇ ਕੁੱਲ 30 ਮੈਡਲ ਹਨ। ਹਾਲਾਂਕਿ ਹੋਰ ਦੇਸ਼ਾਂ ਦੇ ਇਸ ਸੂਚੀ ਵਿੱਚ ਭਾਰਤ ਨਾਲੋਂ ਜ਼ਿਆਦਾ ਮੈਡਲ ਹਨ, ਪਰ ਸਿਰਫ਼ ਗੋਲਡ ਮੈਡਲ ਦੀ ਗਿਣਤੀ ਨੂੰ ਅਹਿਮ ਮੰਨਿਆ ਜਾਂਦਾ ਹੈ। ਇਸ ਦੇ ਚਲਦਿਆਂ 8 ਗੋਲਡ ਮੈਡਲ ਹੋਣ ਦੇ ਚਲਦਿਆਂ ਭਾਰਤ ਇਸ ਸੂਚੀ ਵਿੱਚ ਚੌਥੇ ਸਥਾਨ ’ਤੇ ਪਹੁੰਚ ਗਿਆ ਹੈ।

ਅੱਜ ਫਿਰ 2 ਗੋਲਡ ਜਿੱਤਣ ਮਗਰੋਂ ਚੌਥੇ ਸਥਾਨ ’ਤੇ ਪੁੱਜਾ

ਖੇਡਾਂ ਵਿੱਚ 6ਵੇਂ ਦਿਨ ਦੀ ਗੱਲ ਕਰੀਏ ਤਾਂ ਅੱਜ ਭਾਰਤ ਦੇ ਸ਼ੂਟਰਸ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਦੋ ਗੋਲਡ ਅਤੇ ਦੋ ਸਿਲਵਰ ਮੈਡਲ ਜਿੱਤ ਲਏ।

10 ਮੀਟਰ ਏਅਰ ਪਿਸਟਲ ਮਹਿਲਾ ਟੀਮ ਇਵੈਂਟ ਵਿੱਚ ਭਾਰਤ ਨੂੰ 6ਵੇਂ ਦਿਨ ਦਾ ਪਹਿਲਾ ਮੈਡਲ ਮਿਲਿਆ। ਈਸ਼ਾ ਸਿੰਘ, ਪਲਕ ਅਤੇ ਦਿਵਿਆ ਨੇ 1731 ਸਕੋਰ ’ਤੇ ਸਿਲਵਰ ਮੈਡਲ ਜਿੱਤਿਆ। ਇਸ ਇਵੈਂਟ ਵਿੱਚ ਚੀਨ ਦੀ ਟੀਮ ਟੌਪ ’ਤੇ ਰਹੀ। ਚੀਨੀ ਟੀਮ ਨੇ 1736 ਸਕੋਰ ਕਰਕੇ ਗੋਲਡ ਮੈਡਲ ਆਪਣੇ ਖਾਤੇ ਵਿੱਚ ਕਰ ਲਿਆ। ਉੱਥੇ ਹੀ ਚੀਨੀ ਤਾਇਪੇ ਦੀ ਟੀਮ ਨੇ 1723 ਸਕੋਰ ’ਤੇ ਬਰੌਨਜ਼ ਮੈਡਲ ਜਿੱਤਿਆ।

50 ਮੀਟਰ ਰਾਈਫਲ ਥ੍ਰੀ ਪੋਜੀਸ਼ਨ ਵਿੱਚ ਮੈਨਜ਼ ਟੀਮ ਨੇ ਭਾਰਤ ਨੂੰ 7ਵਾਂ ਗੋਲਡ ਦਿਵਾਇਆ। ਐਸ਼ਵਰਿਆ ਪ੍ਰਤਾਪ ਸਿੰਘ, ਅਖਿਲ ਸ਼ਿਰੋਨ ਅਤੇ ਸਵਪਨਿਲ ਸੁਰੇਸ਼ ਨੇ 1769 ਸਕੋਰ ਕਰਕੇ ਗੋਲਡ ਆਪਣੇ ਨਾਮ ਕੀਤਾ। ਇਹ ਸ਼ੂਟਿੰਗ ਵਿੱਚ ਭਾਰਤ ਦਾ 5ਵਾਂ ਗੋਲਡ ਹੈ। ਇਸ ਇਵੈਂਟ ਵਿੱਚ ਚੀਨ ਦੀ ਟੀਮ ਨੇ 1763 ਸਕੋਰ ਕਰਕੇ ਸਿਲਵਰ ਅਤੇ ਸਾਊਥ ਕੋਰੀਆ ਨੇ 1748 ਸਕੋਰ ਕਰਕੇ ਬਰੌਨਜ਼ ਮੈਡਲ ਜਿੱਤ ਲਿਆ।

10 ਮੀਟਰ ਏਅਰ ਪਿਸਟਲ ਇੰਡੀਵਿਜ਼ੁਅਲ ਵਿੱਚ ਭਾਰਤੀ ਮਹਿਲਾ ਸ਼ੂਟਰਾਂ ਨੇ ਦੋ ਮੈਡਲ ਜਿੱਤੇ। ਪਲਕ 242.1 ਸਕੋਰ ਕਰਕੇ ਗੋਲਡ ਮੈਡਲ ਜਿੱਤ ਗਈ। ਜਦਕਿ ਈਸ਼ਾ ਸਿੰਘ 239.7 ਸਕੋਰ ਕਰਕੇ ਸਿਲਵਰ ਮੈਡਲ ਹਾਸਲ ਕਰਨ ਵਿੱਚ ਸਫ਼ਲ ਹੋਈ। ਇਸ ਇਵੈਂਟ ਵਿੱਚ ਪਾਕਿਸਤਾਨ ਦੀ ਕਿਸ਼ਮਾਲਾ ਤਲਤ 218.2 ਸਕੋਰ ਕਰਕੇ ਬਰੌਨਜ਼ ਮੈਡਲ ਆਪਣੇ ਨਾਮ ਕੀਤਾ।

ਪਲਕ ਨੇ 10 ਮੀਹਟਰ ਏਅਰ ਪਿਸਟਲ ਇੰਡੀਵਿਜ਼ੁਅਲ ਹਿਵੈਂਟ ਵਿੱਚ 242.1 ਸਕੋਰ ਨਾਲ ਗੋਲਡ ਮੈਡਲ ਜਿੱਤ ਲਿ ਆ। ਇਸ ਤੋਂ ਪਹਿਲਾਂ ਉਨ੍ਹਾਂ ਨੇ ਟੀਮ ਇਵੈਂਟ ਵਿੱਚ ਸਿਲਵਰ ਮੈਡਲ ਜਿੱਤਿਆ ਸੀ। ਈਸ਼ਾ ਸਿੰਘ ਨੇ 10 ਮੀਟਰ ਏਅਰ ਪਿਸਟਲ ਇੰਡੀਵਿਜ਼ੁਅਲ ਵਿੱਚ 239.1 ਸਕੋਰ ਨਾਲ ਸਿਲਵਰ ਮੈਡਲ ਫੁੰਡਿਆ। ਇਸ ਤੋਂ ਪਹਿਲਾਂ ਟੀਮ ਇਵੈਂਟ ਵਿੱਚ ਵੀ ਉਨ੍ਹਾਂ ਨੇ ਸਿਲਵਰ ਮੈਡਲ ਜਿੱਤਿਆ ਸੀ।

ਟੈਨਿਸ ਵਿੱਚ ਅੱਜ ਪਾਰਤ ਨੂੰ ਮੈਨਜ਼ ਡਬਲਜ਼ ਵਿੱਚ ਸਿਲਵਰ ਮੈਡਲ ਮਿਲਿਆ। ਸਾਕੇਤ ਮਾਇਨੇਨੀ ਅਤੇ ਰਾਮ ਕੁਮਾਰ ਰਾਮਨਾਥਨ ਦੀ ਭਾਰਤੀ ਜੋੜੀ ਫਾਈਨਲ ਵਿੱਚ ਹਾਰ ਗਈ। ਇਸ ਦੇ ਚਲਦਿਆਂ ਇਨ੍ਹਾਂ ਦੋਵਾਂ ਨੂੰ ਸਿਲਵਰ ਮੈਡਲ ’ਤੇ ਸਬਰ ਕਰਨਾ ਪਿਅ। ਚੀਨੀ ਤਾਇਪੇ ਦੇ ਜੇਸਨ ਅਤੇ ਯੂ-ਹਸਿਊ ਨੇ ਸਾਕੇਤ ਅਤੇ ਰਾਮਕੁਮਾਰ ਨੂੰ 6-4, 6-4 ਨਾਲ ਹਰਾ ਦਿੱਤਾ।
ਇਸ ਤੋਂ ਇਲਾਵਾ ਮਿਕਸਡ ਡਬਲਜ਼ ਕੈਟਾਗਰੀ ਵਿੱਚ ਰੋਹਨ ਬੋਪੰਨਾ ਅਤੇ ਰਤੁਜਾ ਭੋਸਲੇ ਦੀ ਜੋੜੀ ਸੈਮੀ ਫਾਈਨਲ ਵਿੱਚ ਚਾਈਨੀਜ਼ ਤਾਇਪੇ ਦੇ ਖਿਡਾਰੀਆਂ ਨਾਲ ਭਿੜਨ ਜਾ ਰਹੀ ਹੈ।