ਏਸ਼ੀਆਈ ਖੇਡਾਂ 2023 : ਚੌਥੇ ਦਿਨ ਭਾਰਤ ਨੇ ਜਿੱਤਿਆ ਚਾਂਦੀ ਦਾ ਤਗਮਾ

ਨਵੀਂ ਦਿੱਲੀ : ਹਾਂਗਜ਼ੂ, ਚੀਨ ਵਿੱਚ ਚੱਲ ਰਹੀਆਂ ਏਸ਼ੀਆਈ ਖੇਡਾਂ ਵਿੱਚ ਭਾਰਤ ਨੇ ਹੁਣ ਤੱਕ ਵਧੀਆ ਪ੍ਰਦਰਸ਼ਨ ਕੀਤਾ ਹੈ। ਭਾਰਤ ਨੇ ਖੇਡਾਂ ਦੇ ਪਹਿਲੇ 3 ਦਿਨਾਂ ਵਿੱਚ 14 ਤਗਮੇ ਜਿੱਤੇ ਹਨ, ਜਿਨ੍ਹਾਂ ਵਿੱਚ 3 ਸੋਨ, 4 ਚਾਂਦੀ ਅਤੇ 7 ਕਾਂਸੀ ਦੇ ਤਗਮੇ ਸ਼ਾਮਲ ਹਨ। ਅੱਜ ਯਾਨੀ ਕਿ 27 ਸਤੰਬਰ ਨੂੰ ਖੇਡਾਂ ਦੇ ਚੌਥੇ ਦਿਨ ਕਈ ਖਿਡਾਰੀਆਂ ਦੀ ਨਜ਼ਰ ਹੋਵੇਗੀ, ਜਿਨ੍ਹਾਂ ਨੂੰ ਮੈਡਲ ਦੇ ਦਾਅਵੇਦਾਰ ਮੰਨਿਆ ਜਾ ਰਿਹਾ ਹੈ।

ਹੁਣ ਭਾਰਤ ਨੇ ਨਿਸ਼ਾਨੇਬਾਜ਼ੀ ਵਿੱਚ ਚਾਂਦੀ ਦਾ ਤਗ਼ਮਾ ਜਿੱਤਿਆ ਹੈ। ਭਾਰਤ ਨੇ ਮਹਿਲਾਵਾਂ ਦੇ 50 ਮੀਟਰ ਰਾਈਫਲ 3 ਪੁਜ਼ੀਸ਼ਨ ਟੀਮ ਈਵੈਂਟ ਵਿੱਚ ਚਾਂਦੀ ਦਾ ਤਗ਼ਮਾ ਜਿੱਤਿਆ ਹੈ। ਸਿਫ਼ਟ ਸਮਰਾ, ਆਸ਼ੀ ਚੌਕਸੇ ਅਤੇ ਮਾਨਿਨੀ ਕੌਸ਼ਿਕ ਨੇ ਨਿਸ਼ਾਨੇਬਾਜ਼ੀ ਵਿੱਚ ਦੇਸ਼ ਲਈ ਇੱਕ ਹੋਰ ਤਮਗਾ ਜਿੱਤਿਆ ਹੈ। ਚੌਥੇ ਦਿਨ ਭਾਰਤ ਦਾ ਇਹ ਪਹਿਲਾ ਤਮਗਾ ਹੈ।

ਰੋਹਿਤ ਜਾਧਵ ਵੁਸ਼ੂ ਪੁਰਸ਼ਾਂ ਦੇ ਦਾਓਸ਼ੂ ਫਾਈਨਲ ਵਿੱਚ ਭਾਰਤ ਲਈ ਤਗਮੇ ਦਾ ਦਾਅਵੇਦਾਰ ਸੀ। ਹਾਲਾਂਕਿ, ਉਸਨੇ 9.413 ਦਾ ਸਕੋਰ ਬਣਾਇਆ ਅਤੇ 11 ਖਿਡਾਰੀਆਂ ਦੀ ਸੂਚੀ ਵਿੱਚ 8ਵੇਂ ਸਥਾਨ 'ਤੇ ਰਿਹਾ। ਚੀਨੀ ਖਿਡਾਰੀ ਨੇ ਸੋਨ ਤਗਮਾ ਜਿੱਤਿਆ।