ਠੰਡ ਤੋਂ ਬਚਣ ਲਈ ਜਗਾਈ ਅੰਗੀਠੀ, ਦਮ ਘੁੱਟਣ ਨਾਲ ਪਤੀ-ਪਤਨੀ ਦੀ ਮੌਤ

ਨਵੀਂ ਦਿੱਲੀ : ਦਿੱਲੀ ਦੇ ਦਵਾਰਕਾ ਇਲਾਕੇ 'ਚ ਕੜਾਕੇ ਦੀ ਸਰਦੀ ਦੇ ਦੌਰਾਨ ਬੁੱਧਵਾਰ ਸਵੇਰੇ ਆਪਣੇ ਘਰ ਦੇ ਚੁੱਲ੍ਹੇ 'ਚੋਂ ਨਿਕਲਣ ਵਾਲੇ ਧੂੰਏਂ ਕਾਰਨ ਇਕ ਜੋੜੇ ਦੀ ਦਮ ਘੁੱਟਣ ਨਾਲ ਮੌਤ ਹੋ ਗਈ। ਹਾਦਸੇ ਦਾ ਪਤਾ ਦੋ ਮਹੀਨੇ ਦੇ ਬੱਚੇ ਦੇ ਰੋਣ 'ਤੇ ਗੁਆਂਢੀਆਂ ਨੂੰ ਲੱਗਿਆ ਅਤੇ ਪੁਲਿਸ ਨੂੰ ਸੂਚਨਾ ਦਿੱਤੀ।

ਇਹ ਵੀ ਪੜ੍ਹੋ : ਅੱਜ ਠੰਢ ਵਧੇਗੀ ਪਰ ਧੁੱਪ ਨਿਕਲਣ ਦੀ ਵੀ ਭਵਿਖਬਾਣੀ

ਸ਼ੁਰੂਆਤੀ ਜਾਂਚ 'ਚ ਸਾਹਮਣੇ ਆਇਆ ਹੈ ਕਿ ਪਤੀ-ਪਤਨੀ ਨੇ ਠੰਡ ਤੋਂ ਬਚਣ ਲਈ ਕਮਰੇ ਦੇ ਅੰਦਰ ਚੁੱਲ੍ਹਾ ਜਗਾਇਆ ਸੀ। ਫਿਲਹਾਲ Police ਨੇ ਦੋਵੇਂ ਲਾਸ਼ਾਂ ਨੂੰ ਪੋਸਟਮਾਰਟਮ ਲਈ ਮੋਰਚਰੀ 'ਚ ਰਖਵਾਇਆ ਹੈ। ਦਵਾਰਕਾ ਜ਼ਿਲ੍ਹੇ ਦੇ ਪੁਲਿਸ ਡਿਪਟੀ ਕਮਿਸ਼ਨਰ ਐਮ ਹਰਸ਼ ਵਰਧਨ ਦੇ ਅਨੁਸਾਰ, ਜੋੜਾ ਮੂਲ ਰੂਪ ਵਿੱਚ ਉੱਤਰ ਪ੍ਰਦੇਸ਼ ਦੇ ਮਹੋਬਾ ਦਾ ਰਹਿਣ ਵਾਲਾ ਸੀ ਅਤੇ ਦਵਾਰਕਾ ਦੇ ਪੋਚਨਪੁਰ ਵਿੱਚ ਸ਼ਹੀਦ ਭਗਤ ਸਿੰਘ ਐਨਕਲੇਵ ਵਿੱਚ ਰਹਿੰਦਾ ਸੀ।

Angithi lit to avoid cold, husband and wife died due to suffocation

ਜੋੜੇ ਦੀ ਪਛਾਣ 23 ਸਾਲਾ ਮਾਨਵ ਅਤੇ ਉਸ ਦੀ 22 ਸਾਲਾ ਪਤਨੀ ਨੇਹਾ ਵਜੋਂ ਹੋਈ ਹੈ। ਉਨ੍ਹਾਂ ਦਾ 2 ਮਹੀਨੇ ਦਾ ਬੱਚਾ ਆਯੂਸ਼ ਇਸ ਸਮੇਂ ਹਸਪਤਾਲ ਦੇ ਆਈਸੀਯੂ ਵਿੱਚ ਦਾਖਲ ਹੈ। ਮਾਨਵ ਦੀ ਮਾਂ ਗੁਲਾਬ ਰਾਣੀ ਘਰ ਤੋਂ 100 ਮੀਟਰ ਦੀ ਦੂਰੀ 'ਤੇ ਆਪਣੇ 12 ਸਾਲ ਦੇ ਬੇਟੇ ਅਜੈ ਨਾਲ ਵੱਖ ਰਹਿੰਦੀ ਹੈ। ਮਾਨਵ ਦੇ ਭਰਾ ਗੋਵਿੰਦ ਨੇ ਦੱਸਿਆ ਕਿ ਉਹ ਪਿਛਲੇ ਛੇ ਸਾਲਾਂ ਤੋਂ ਦਿੱਲੀ ਵਿੱਚ ਰਹਿ ਰਿਹਾ ਸੀ। ਕਰੀਬ ਤਿੰਨ ਸਾਲ ਪਹਿਲਾਂ ਉਸ ਨੇ ਪਾਲਮ ਦੀ ਰਹਿਣ ਵਾਲੀ ਨੇਹਾ ਨਾਲ ਲਵ ਮੈਰਿਜ ਕੀਤੀ ਸੀ। ਕ੍ਰਾਈਮ ਅਤੇ ਐਫਐਸਐਲ ਦੀਆਂ ਟੀਮਾਂ ਮੌਕੇ ’ਤੇ ਪੁੱਜੀਆਂ ਅਤੇ ਮੌਕੇ ਤੋਂ ਸਬੂਤ ਇਕੱਠੇ ਕੀਤੇ। ਫਿਲਹਾਲ ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।