ਮਹਿਲਾਵਾਂ ਲਈ ਵੱਡੀ ਖ਼ੁਸ਼ਖ਼ਬਰੀ, ਬਜਟ ਤੋਂ ਬਾਅਦ ਹਜ਼ਾਰਾਂ ਰੁਪਏ ਹੋਇਆ ਸੋਨਾ ਸਸਤਾ, ਜਾਣੋ ਨਵੇਂ ਰੇਟ

ਚੰਡੀਗੜ੍ਹ: ਮਹਿਲਾਵਾਂ ਲਈ ਵੱਡੀ ਖਬਰ ਸਾਹਮਣੇ ਆਈ ਹੈ। ਬਜਟ ਤੋਂ ਬਾਅਦ ਸੋਨੇ-ਚਾਂਦੀ ਦੀਆਂ ਕੀਮਤਾਂ 'ਚ ਇਕ ਦਿਨ 'ਚ ਸਭ ਤੋਂ ਵੱਡੀ ਗਿਰਾਵਟ ਦਰਜ ਕੀਤੀ ਗਈ। ਮੰਗਲਵਾਰ ਨੂੰ ਸਰਾਫਾ ਬਾਜ਼ਾਰਾਂ 'ਚ ਸੋਨਾ 3616 ਰੁਪਏ ਪ੍ਰਤੀ 10 ਗ੍ਰਾਮ ਸਸਤਾ ਹੋ ਗਿਆ। ਜਦਕਿ ਚਾਂਦੀ 3277 ਰੁਪਏ ਪ੍ਰਤੀ ਕਿਲੋ ਦੀ ਦਰ ਨਾਲ ਡਿੱਗ ਗਈ। ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਮੰਗਲਵਾਰ ਨੂੰ ਆਪਣੇ ਬਜਟ ਭਾਸ਼ਣ 'ਚ ਸੋਨੇ ਅਤੇ ਚਾਂਦੀ 'ਤੇ ਕਸਟਮ ਡਿਊਟੀ 10 ਫੀਸਦੀ ਤੋਂ ਘਟਾ ਕੇ 6 ਫੀਸਦੀ ਕਰਨ ਦਾ ਐਲਾਨ ਕੀਤਾ। ਇਸ ਤੋਂ ਇਲਾਵਾ, ਵਿੱਤ ਮੰਤਰੀ ਨੇ ਪਲੈਟੀਨਮ 'ਤੇ ਕਸਟਮ ਡਿਊਟੀ ਘਟਾ ਕੇ 6.4% ਕਰਨ ਬਾਰੇ ਵੀ ਦੱਸਿਆ। ਇਸ ਤੋਂ ਬਾਅਦ MCX 'ਤੇ ਸੋਨਾ 68792 ਰੁਪਏ 'ਤੇ ਆ ਗਿਆ ਹੈ। ਜਦਕਿ ਚਾਂਦੀ 85125 ਰੁਪਏ 'ਤੇ ਆਈ। 5 ਅਗਸਤ ਲਈ ਸੋਨਾ ਵਾਇਦਾ 5.40 ਫੀਸਦੀ ਡਿੱਗ ਕੇ 68792 ਰੁਪਏ 'ਤੇ ਰਿਹਾ। ਚਾਂਦੀ 'ਚ 4.57 ਫੀਸਦੀ ਦੀ ਗਿਰਾਵਟ ਦਰਜ ਕੀਤੀ ਗਈ।

ਇਸ ਦਾ ਅਸਰ ਸਰਾਫਾ ਬਾਜ਼ਾਰ 'ਤੇ ਵੀ ਪਿਆ। ਕਸਟਮ ਡਿਊਟੀ ’ਚ ਛੋਟ ਦੇ ਐਲਾਨ ਤੋਂ ਪਹਿਲਾਂ ਦੁਪਹਿਰ ਕਰੀਬ 12 ਵਜੇ ਆਈਬੀਜੇਏ ਨੇ ਸੋਨੇ ਦੀ ਕੀਮਤ 609 ਰੁਪਏ ਘਟਾ ਕੇ 72609 ਰੁਪਏ ਪ੍ਰਤੀ ਗ੍ਰਾਮ ਕਰ ਦਿੱਤੀ। ਸ਼ਾਮ ਨੂੰ ਇਹ 3616 ਰੁਪਏ ਡਿੱਗ ਕੇ 69602 ਰੁਪਏ 'ਤੇ ਬੰਦ ਹੋਇਆ। ਇਸੇ ਤਰ੍ਹਾਂ ਚਾਂਦੀ 620 ਰੁਪਏ ਪ੍ਰਤੀ ਕਿਲੋ ਸਸਤੀ ਹੋ ਕੇ 87576 'ਤੇ ਖੁੱਲ੍ਹੀ ਅਤੇ ਸ਼ਾਮ ਨੂੰ ਇਹ 3277 ਰੁਪਏ ਡਿੱਗ ਕੇ 84919 'ਤੇ ਬੰਦ ਹੋਈ।

ਦੱਸ ਦੇਈਏ ਕਿ ਅਮਰੀਕੀ ਆਰਥਿਕ ਅੰਕੜਿਆਂ ਤੋਂ ਪਹਿਲਾਂ, ਸ਼ੁਰੂਆਤੀ ਏਸ਼ੀਆਈ ਵਪਾਰ ’ਚ ਸੋਨੇ ਦੀਆਂ ਕੀਮਤਾਂ ਫਲੈਟ ਸਨ, ਜਿਸ ਨਾਲ ਫੈਡਰਲ ਰਿਜ਼ਰਵ ਦੁਆਰਾ ਦਰਾਂ ਵਿਚ ਕਟੌਤੀ ਦਾ ਅਸਰ ਪੈ ਸਕਦਾ ਹੈ। ਸਪੌਟ ਸੋਨਾ $2,409.66 ਪ੍ਰਤੀ ਔਂਸ 'ਤੇ ਥੋੜ੍ਹਾ ਬਦਲਿਆ, ਜਦੋਂ ਕਿ ਯੂਐਸ ਗੋਲਡ ਫਿਊਚਰਜ਼ 0.1% ਵਧ ਕੇ $2,410.50 'ਤੇ ਪਹੁੰਚ ਗਿਆ।