ਸਪਨਾ ਚੌਧਰੀ ਨੇ ਆਪਣੇ ਸੰਘਰਸ਼ ਦੀ ਸੁਣਾਈ ਕਹਾਣੀ, ਦੱਸਿਆ ਕਿਵੇਂ ਬਣੀ ਡਾਂਸਰ

ਨਵੀਂ ਦਿੱਲੀ: ਹਰਿਆਣਵੀ ਡਾਂਸਰ ਸਪਨਾ ਚੌਧਰੀ ਨੂੰ ਅੱਜ ਕਿਸੇ ਪਛਾਣ ਦੀ ਲੋੜ ਨਹੀਂ ਹੈ। ਸਪਨਾ ਅੱਜ ਭਲੇ ਹੀ ਸ਼ਾਨਦਾਰ ਜੀਵਨ ਬਤੀਤ ਕਰ ਰਹੀ ਹੋਵੇ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਇੱਕ ਸਮਾਂ ਸੀ ਜਦੋਂ ਸਪਨਾ ਨੂੰ ਘਰ ਚਲਾਉਣ ਲਈ ਕਈ ਰੁਕਾਵਟਾਂ ਦਾ ਸਾਹਮਣਾ ਕਰਨਾ ਪੈਂਦਾ ਸੀ। ਸਪਨਾ ਚੌਧਰੀ ਸਿਰਫ ਇੱਕ ਡਾਂਸ ਨਾਲ ਆਪਣੇ ਪ੍ਰਸ਼ੰਸਕਾਂ ਨੂੰ ਦੀਵਾਨਾ ਬਣਾ ਦਿੰਦੀ ਹੈ। ਉਸ ਦਾ ਡਾਂਸ ਸਟਾਈਲ ਹਰ ਕੋਈ ਪਸੰਦ ਕਰਦਾ ਹੈ। ਸਪਨਾ ਦੇ ਪ੍ਰਸ਼ੰਸਕ ਉਸ ਦੀ ਹਰ ਛੋਟੀ ਵੱਡੀ ਗੱਲ ਜਾਣਨ ਲਈ ਬੇਤਾਬ ਹਨ।

ਅੱਜ ਸਪਨਾ ਚੌਧਰੀ ਨੇ ਟੀਵੀ ਅਤੇ ਐਂਟਰਟੇਨਮੈਂਟ ਇੰਡਸਟਰੀ 'ਚ ਭਾਵੇਂ ਹੀ ਆਪਣੀ ਪਛਾਣ ਬਣਾ ਲਈ ਹੋਵੇ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਇਕ ਸਮਾਂ ਸੀ ਜਦੋਂ ਸਪਨਾ ਨੂੰ ਘਰ ਚਲਾਉਣ ਲਈ ਕਾਫੀ ਸੰਘਰਸ਼ ਦਾ ਸਾਹਮਣਾ ਕਰਨਾ ਪੈਂਦਾ ਸੀ। ਇੱਕ ਇੰਟਰਵਿਊ ਵਿੱਚ ਸਪਨਾ ਚੌਧਰੀ ਨੇ ਖੁਲਾਸਾ ਕੀਤਾ ਸੀ ਕਿ ਜਦੋਂ ਉਹ 12 ਸਾਲ ਦੀ ਸੀ ਤਾਂ ਉਸਦੇ ਪਿਤਾ ਦਾ ਦਿਹਾਂਤ ਹੋ ਗਿਆ ਸੀ। ਇਸ ਤੋਂ ਬਾਅਦ ਘਰ ਦੀ ਹਾਲਤ ਇੰਨੀ ਮਾੜੀ ਹੋ ਗਈ ਕਿ ਆਰਥਿਕ ਤੰਗੀ ਕਾਰਨ ਉਸ ਨੂੰ ਘਰ ਵੀ ਗਿਰਵੀ ਰੱਖਣਾ ਪਿਆ। ਅਜਿਹੇ 'ਚ ਕਰਜ਼ਾ ਤਾਂ ਚੁਕਾਉਣਾ ਹੀ ਪੈਂਦਾ ਸੀ ਅਤੇ ਮਾਂ, ਭੈਣ-ਭਰਾ ਦੀ ਜ਼ਿੰਮੇਵਾਰੀ ਵੀ ਸੀ।

ਸਪਨਾ ਚੌਧਰੀ ਨੇ ਆਪਣੇ ਕੰਮ ਦੀ ਪਹਿਲੀ ਫੀਸ 3100 ਰੁਪਏ ਲਈ ਸੀ। ਉਸ ਸਮੇਂ ਸਪਨਾ ਮਹੀਨੇ 'ਚ ਘੱਟੋ-ਘੱਟ 30 ਤੋਂ 35 ਈਵੈਂਟਸ 'ਚ ਹਿੱਸਾ ਲੈਂਦੀ ਸੀ, ਤਾਂ ਹੀ ਉਸ ਦਾ ਪਰਿਵਾਰ ਗੁਜ਼ਾਰਾ ਕਰ ਸਕਦਾ ਸੀ। ਅੱਜ ਸਪਨਾ ਆਪਣੇ ਇਕ ਈਵੈਂਟ ਲਈ ਲੱਖਾਂ ਰੁਪਏ ਕਮਾ ਲੈਂਦੀ ਹੈ।ਸਪਨਾ ਚੌਧਰੀ ਰਿਐਲਿਟੀ ਸ਼ੋਅ ਬਿੱਗ ਬੌਸ ਤੋਂ ਵੀ ਕਾਫੀ ਨਾਮ ਕਮਾ ਚੁੱਕੀ ਹੈ। ਸਪਨਾ ਨੇ ਪੈਸੇ ਕਮਾਉਣ ਲਈ ਡਾਂਸ ਕਰਨਾ ਸ਼ੁਰੂ ਕਰ ਦਿੱਤਾ ਸੀ ਅਤੇ ਉਸ ਦੀ ਪੜ੍ਹਾਈ ਵੀ ਅੱਧ ਵਿਚਾਲੇ ਹੀ ਬੰਦ ਹੋ ਗਈ ਸੀ। ਇਸੇ ਲਈ ਸਪਨਾ ਨੇ 8ਵੀਂ ਜਮਾਤ ਤੱਕ ਹੀ ਪੜ੍ਹਾਈ ਕੀਤੀ ਹੈ। ਇਸ ਤੋਂ ਬਾਅਦ ਸਪਨਾ ਨੇ ਛੋਟੇ-ਛੋਟੇ ਫੰਕਸ਼ਨਾਂ 'ਚ ਸਟੇਜ ਪਰਫਾਰਮੈਂਸ ਦਿੱਤੀ ਅਤੇ ਉਸ ਨੂੰ ਐਲਬਮ ਸਾਲਿਡ ਬਾਡੀ ਤੋਂ ਵੱਡਾ ਬ੍ਰੇਕ ਮਿਲਿਆ।

ਹਰਿਆਣਵੀ ਡਾਂਸਰ ਸਪਨਾ ਚੌਧਰੀ ਅੱਜਕਲ ਆਪਣੇ ਪ੍ਰਸ਼ੰਸਕਾਂ ਦੇ ਦਿਲਾਂ 'ਤੇ ਰਾਜ ਕਰ ਰਹੀ ਹੈ। ਸਪਨਾ ਨੇ ਕਈ ਹਿੱਟ ਗੀਤ ਦਿੱਤੇ ਹਨ। ਇਸ ਤੋਂ ਬਾਅਦ ਉਸ ਨੇ ਕਦੇ ਪਿੱਛੇ ਮੁੜ ਕੇ ਨਹੀਂ ਦੇਖਿਆ। ਉਨ੍ਹਾਂ ਦੀ ਨਿੱਜੀ ਜ਼ਿੰਦਗੀ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਨੇ ਸਾਲ 2020 'ਚ ਹਰਿਆਣਵੀ ਗਾਇਕ ਵੀਰ ਸਾਹੂ ਨਾਲ ਗੁਪਤ ਵਿਆਹ ਕੀਤਾ ਸੀ। ਹੁਣ ਦੋਵੇਂ ਇਕ ਪੁੱਤਰ ਦੇ ਮਾਤਾ-ਪਿਤਾ ਹਨ।