Justin Trudeau: ਟਰੂਡੋ ਤੋਂ ਚਾਰ ਗੁਣਾ ਅਮੀਰ ਹੈ ਪ੍ਰੇਮਿਕਾ ਕੈਟੀ ਪੈਰੀ, ਜਾਣੋ ਦੋਵੇਂ ਕਿੰਨੀ ਜਾਇਦਾਦ ਦੇ ਮਾਲਕ

Justin Trudeau Katy Perry Net Worth: ਅਮਰੀਕੀ ਪੌਪ ਸਟਾਰ ਕੈਟੀ ਪੈਰੀ ਅਤੇ ਸਾਬਕਾ ਕੈਨੇਡੀਅਨ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਇੱਕ ਵਾਰ ਫਿਰ ਸੁਰਖੀਆਂ ਵਿੱਚ ਹਨ ਦੋਵਾਂ ਦੀ ਇੱਕ ਫੋਟੋ ਇੰਟਰਨੈੱਟ ਤੇ ਅੱਗ ਵਾਂਗ ਵਾਇਰਲ ਹੋ ਰਹੀ ਹੈ। ਇਸ ਫੋਟੋ ਦੀ ਪੂਰੀ ਦੁਨੀਆ ਵਿੱਚ ਚਰਚਾ ਹੋ ਰਹੀ ਹੈ। ਟਰੂਡੋ ਨੂੰ ਹਰ ਕੋਈ ਜਾਣਦਾ ਹੈ ਕਿ ਉਹ ਕੈਨੇਡਾ ਦੇ ਸਾਬਕਾ ਪ੍ਰਧਾਨ ਮੰਤਰੀ ਸਨ। ਜਦਕਿ ਕੈਟੀ ਪੈਰੀ ਦਾ ਨਾਮ ਵੀ ਮਨੋਰੰਜਨ ਜਗਤ ਵਿਚ ਬੜੀ ਇੱਜ਼ਤ ਨਾਲ ਲਿਆ ਜਾਂਦਾ ਹੈ। ਪਰ ਜੇਕਰ ਕੁਝ ਬਾਲੀਵੁੱਡ ਅਤੇ ਹਿੰਦੀ ਸਿਨੇਮਾ ਪ੍ਰਸ਼ੰਸਕ ਨਹੀਂ ਜਾਣਦੇ, ਤਾਂ ਅਸੀਂ ਤੁਹਾਨੂੰ ਦੱਸ ਦੇਈਏ ਕਿ ਉਹ ਇੱਕ ਅਮਰੀਕੀ ਗਾਇਕਾ ਅਤੇ ਗੀਤਕਾਰ ਹੈ।

ਕੈਟੀ ਕਿਸੇ ਵੀ ਮਾਮਲੇ ਵਿੱਚ ਟਰੂਡੋ ਤੋਂ ਘੱਟ ਨਹੀਂ ਹੈ। ਬਲਕਿ ਇੱਥੇ ਇਹ ਕਹਿਣਾ ਸਹੀ ਹੋਵੇਗਾ ਕਿ ਕੈਟੀ ਹਰ ਲਿਹਾਜ਼ ਨਾਲ ਟਰੂਡੋ ਤੋਂ ਅੱਗੇ ਹੈ। ਕੈਟੀ ਦੀ ਕੁੱਲ ਜਾਇਦਾਦ 400 ਮਿਲੀਅਨ ਡਾਲਰ (ਲਗਭਗ 3,360 ਕਰੋੜ ਰੁਪਏ) ਤੱਕ ਪਹੁੰਚ ਗਈ ਹੈ। ਉਸ ਨੇ ਆਪਣੇ ਸੰਗੀਤਕ ਸਫ਼ਰ ਦੇ ਨਾਲ-ਨਾਲ ਵੱਡਾ ਬਿਜ਼ਨਸ ਅੰਪਾਇਰ ਖਦਾ ਕੀਤਾ ਹੈ, ਜਿਸ ਨੇ ਉਸਨੂੰ ਬੇਸ਼ੁਮਾਰ ਦੌਲਤ ਦਿੱਤੀ ਹੈ। ਜਦਕਿ ਟਰੂਡੋ 9.6 ਕਰੋੜ ਡਾਲਰ ਯਾਨਿ 822 ਕਰੋੜ ਰੁਪਏ ਦੀ ਜਾਇਦਾਦ ਦੇ ਮਾਲਕ ਹਨ। ਇਸ ਤਰ੍ਹਾਂ ਕੈਟੀ ਟਰੂਡੋ ਤੋਂ 4 ਗੁਣਾ ਵੱਧ ਅਮੀਰ ਹੈ।

ਕੈਟੀ ਪੈਰੀ, ਜਿਸਦਾ ਅਸਲੀ ਨਾਮ ਕੈਥਰੀਨ ਐਲਿਜ਼ਾਬੈਥ ਹਡਸਨ ਹੈ, 2008 ਵਿੱਚ ਆਪਣੇ ਐਲਬਮ "ਵਨ ਆਫ ਦ ਬੁਆਏਜ਼" ਨਾਲ ਪੌਪ ਸਿੰਗਿੰਗ ਦੀ ਦੁਨੀਆ ਵਿੱਚ ਆਈ। ਉਸਦੇ "ਟੀਨੇਜ ਡ੍ਰੀਮ" ਐਲਬਮ ਨੇ ਇਤਿਹਾਸ ਰਚ ਦਿੱਤਾ ਜਦੋਂ ਇਸਦੇ ਪੰਜ ਗੀਤ - "ਕੈਲੀਫੋਰਨੀਆ ਗੁਰਲਜ਼," "ਟੀਨੇਜ ਡ੍ਰੀਮ," "ਫਾਇਰਵਰਕ," ਅਤੇ "ਈ.ਟੀ." - ਸਿੰਗਲਜ਼ ਵਜੋਂ ਰਿਲੀਜ਼ ਕੀਤੇ ਗਏ ਅਤੇ "ਲਾਸਟ ਫਰਾਈਡੇ ਨਾਈਟ" - ਯੂਐਸ ਬਿਲਬੋਰਡ ਹੌਟ 100 'ਤੇ ਪਹਿਲੇ ਨੰਬਰ 'ਤੇ ਪਹੁੰਚ ਗਈ। ਮਾਈਕਲ ਜੈਕਸਨ ਤੋਂ ਬਾਅਦ ਕਿਸੇ ਵੀ ਕਲਾਕਾਰ ਲਈ ਇਹ ਪ੍ਰਾਪਤੀ ਪਹਿਲੀ ਸੀ, ਅਤੇ ਪੈਰੀ ਨੇ ਇਹ ਉਪਲਬਧੀ ਪ੍ਰਾਪਤ ਕਰਨ ਵਾਲੀ ਪਹਿਲੀ ਔਰਤ ਵਜੋਂ ਗਿਨੀਜ਼ ਵਰਲਡ ਰਿਕਾਰਡ ਵਿੱਚ ਸਥਾਨ ਪ੍ਰਾਪਤ ਕੀਤਾ।

ਕੁੱਲ ਮਿਲਾ ਕੇ, ਕੈਟੀ ਦੇ ਨਾਮ ਤੇ 19 ਗਿਨੀਜ਼ ਵਰਲਡ ਰਿਕਾਰਡ ਹਨ, ਜਿਸ ਵਿੱਚ ਟਵਿੱਟਰ 'ਤੇ ਸਭ ਤੋਂ ਵੱਧ ਫਾਲੋਅਰਜ਼ (2017 ਵਿੱਚ 100 ਮਿਲੀਅਨ) ਅਤੇ ਸਪੋਟੀਫਾਈ 'ਤੇ 24 ਘੰਟਿਆਂ ਵਿੱਚ ਸਭ ਤੋਂ ਵੱਧ ਸਟ੍ਰੀਮ (3 ਮਿਲੀਅਨ ਤੋਂ ਵੱਧ) ਸ਼ਾਮਲ ਹਨ।