Bigg Boss: ਬਿੱਗ ਬੌਸ ਦੇ ਇਸ ਕੰਟੈਸਟੈਂਟ ਨੂੰ ਧੋਖਾਧੜੀ ਮਾਮਲੇ ਵਿੱਚ ਕੀਤਾ ਗਿਆ ਗ੍ਰਿਫਤਾਰ, 5 ਕਰੋੜ ਦੇ ਫਰਾਡ ਦਾ ਦੋਸ਼
ਪਤਨੀ ਨਾਲ ਹਨੀਮੂਨ ਮਨਾਉਣ ਜਾਂਦੇ ਪੁਲਿਸ ਨੇ ਦਬੋਚਿਆ
Bigg Boss Fame Jay Dhundhane Arrested: "ਸਪਲਿਟਸਵਿਲਾ 13" ਅਤੇ "ਬਿੱਗ ਬੌਸ ਮਰਾਠੀ 13" ਫੇਮ ਦੇ ਜੈ ਦੁੱਧਾਣੇ ਨੂੰ ਪੁਲਿਸ ਨੇ ਮੁੰਬਈ ਹਵਾਈ ਅੱਡੇ ਤੋਂ ਗ੍ਰਿਫ਼ਤਾਰ ਕਰ ਲਿਆ ਹੈ। ਕਥਿਤ ਤੌਰ 'ਤੇ ਉਸ 'ਤੇ ₹5 ਕਰੋੜ ਦੀ ਧੋਖਾਧੜੀ ਦਾ ਦੋਸ਼ ਹੈ। ਸੀਨੀਅਰ ਪੁਲਿਸ ਅਧਿਕਾਰੀ ਪ੍ਰਵੀਨ ਮਾਨੇ ਨੇ ਇਸ ਖ਼ਬਰ ਦੀ ਪੁਸ਼ਟੀ ਕੀਤੀ ਹੈ।
ਰਿਟਾਇਰਡ ਇੰਜੀਨੀਅਰ ਨੇ FIR ਦਰਜ ਕੀਤੀ
ਪੁਲਿਸ ਨੇ ਦੱਸਿਆ ਕਿ ਜੈ ਦੀ ਗ੍ਰਿਫ਼ਤਾਰੀ ਇੱਕ ਰਿਟਾਇਰਡ ਇੰਜੀਨੀਅਰ ਦੁਆਰਾ ਦਰਜ ਕੀਤੀ ਗਈ FIR ਤੋਂ ਬਾਅਦ ਹੋਈ ਹੈ, ਜਿਸ ਵਿੱਚ ਦੋਸ਼ ਲਗਾਇਆ ਗਿਆ ਸੀ ਕਿ ਦੁੱਧਾਣੇ ਅਤੇ ਉਸਦੇ ਪਰਿਵਾਰ ਦੇ ਚਾਰ ਮੈਂਬਰਾਂ ਨੇ ਉਸ ਨਾਲ ₹4.61 ਕਰੋੜ ਦੀ ਧੋਖਾਧੜੀ ਕੀਤੀ ਹੈ। ਪੁਲਿਸ ਨੇ ਦੱਸਿਆ ਕਿ ਜੈ ਦੁੱਧਾਣੇ ਅਤੇ ਉਸਦੇ ਪਰਿਵਾਰ ਨੇ ਇੰਜੀਨੀਅਰ ਨੂੰ ਠਾਣੇ ਵਿੱਚ ਪੰਜ ਵਪਾਰਕ ਦੁਕਾਨਾਂ ਖਰੀਦਣ ਲਈ ਮਜਬੂਰ ਕੀਤਾ ਜੋ ਇੱਕ ਬੈਂਕ ਕੋਲ ਗਿਰਵੀ ਰੱਖੀਆਂ ਹੋਈਆਂ ਸਨ।
Thane, Maharashtra: Jay Dudhane says, "I was about to go on my honeymoon. My brother, my wife, and my brother's wife—the four of us were going abroad. I didn't even know that an arrest warrant or an LOC (Lookout Circular) had been issued in my name. The police told me that I… https://t.co/shvAIQFQhN pic.twitter.com/I9HIgakYSL
— ANI (@ANI) January 4, 2026
ਜੈ ਨੇ ਜਾਅਲੀ ਦਸਤਾਵੇਜ਼ ਬਣਾ ਕੇ ਧੋਖਾਧੜੀ
FIR ਵਿੱਚ ਕਿਹਾ ਗਿਆ ਹੈ ਕਿ ਜੈ ਦੁੱਧਾਣੇ ਨੇ ਪੀੜਤ ਨੂੰ ਜਾਅਲੀ ਦਸਤਾਵੇਜ਼ ਪ੍ਰਦਾਨ ਕੀਤੇ, ਜਿਸ ਵਿੱਚ ਇੱਕ ਜਾਅਲੀ ਬੈਂਕ ਕਲੀਅਰੈਂਸ ਪੱਤਰ ਅਤੇ ₹4.95 ਕਰੋੜ ਦਾ ਇੱਕ ਜਾਅਲੀ ਡਿਮਾਂਡ ਡਰਾਫਟ ਸ਼ਾਮਲ ਹੈ। ਇਹ ਧੋਖਾਧੜੀ ਉਦੋਂ ਸਾਹਮਣੇ ਆਈ ਜਦੋਂ ਬੈਂਕ ਨੇ ਜਾਇਦਾਦ ਦੇ ਖਿਲਾਫ ਜ਼ਬਤੀ ਨੋਟਿਸ ਜਾਰੀ ਕੀਤਾ।
#WATCH | Thane, Maharashtra: Jay Dudhane, the runner-up of Bigg Boss Marathi Season 3, has been arrested by the Thane Police in connection with a Rs 5 crore fraud case. pic.twitter.com/UlPU2tA7JO
— ANI (@ANI) January 4, 2026
ਜੈ ਦੁੱਧਾਣੇ ਦਾ ਬਿਆਨ
ਇਸ ਮਾਮਲੇ 'ਤੇ ਜੈ ਦੁੱਧਾਣੇ ਨੇ ਕਿਹਾ, "ਮੈਂ ਆਪਣੇ ਹਨੀਮੂਨ 'ਤੇ ਜਾਣ ਵਾਲਾ ਸੀ। ਮੇਰਾ ਭਰਾ, ਮੇਰੀ ਪਤਨੀ, ਅਤੇ ਮੇਰੇ ਭਰਾ ਦੀ ਪਤਨੀ। ਅਸੀਂ ਚਾਰੋਂ ਹੀ ਵਿਦੇਸ਼ ਜਾ ਰਹੇ ਸੀ। ਮੈਨੂੰ ਇਹ ਵੀ ਨਹੀਂ ਪਤਾ ਸੀ ਕਿ ਮੇਰੇ ਵਿਰੁੱਧ ਗ੍ਰਿਫ਼ਤਾਰੀ ਵਾਰੰਟ ਜਾਂ ਲੁੱਕਆਊਟ ਸਰਕੂਲਰ ਜਾਰੀ ਕੀਤਾ ਗਿਆ ਹੈ। ਪੁਲਿਸ ਨੇ ਮੈਨੂੰ ਕਿਹਾ ਕਿ ਮੈਂ ਦੇਸ਼ ਛੱਡ ਕੇ ਨਹੀਂ ਜਾ ਸਕਦਾ, ਇਸ ਲਈ ਮੈਂ ਉਨ੍ਹਾਂ ਨਾਲ ਪੂਰਾ ਸਹਿਯੋਗ ਕਰ ਰਿਹਾ ਹਾਂ। ਮੇਰੇ ਵਿਰੁੱਧ ਕੋਈ ਝੂਠਾ ਕੇਸ ਦਰਜ ਨਹੀਂ ਕੀਤਾ ਗਿਆ ਹੈ, ਪਰ ਬਹੁਤ ਸਾਰੀਆਂ ਚੀਜ਼ਾਂ ਨੂੰ ਗਲਤ ਢੰਗ ਨਾਲ ਪੇਸ਼ ਕੀਤਾ ਗਿਆ ਹੈ। ਮੈਂ ਆਪਣੇ ਪੱਧਰ 'ਤੇ ਹਰ ਚੀਜ਼ ਦਾ ਸਾਹਮਣਾ ਕਰਨ ਲਈ ਤਿਆਰ ਹਾਂ। ਮੈਨੂੰ ਨਿਆਂ 'ਤੇ ਪੂਰਾ ਭਰੋਸਾ ਹੈ। ਇਹ ਕੇਸ ਪੂਰੀ ਤਰ੍ਹਾਂ ਝੂਠਾ ਹੈ।"
ਜੈ ਦੁੱਧਾਣੇ ਕੌਣ ਹੈ?
ਜੈ ਇੱਕ ਮਾਡਲ, ਫਿਟਨੈਸ ਟ੍ਰੇਨਰ ਅਤੇ ਅਦਾਕਾਰ ਹੈ। ਉਹ "ਸਪਲਿਟਸਵਿਲਾ 13" ਜਿੱਤਣ ਤੋਂ ਬਾਅਦ ਪ੍ਰਸਿੱਧੀ 'ਤੇ ਪਹੁੰਚਿਆ। ਫਿਰ ਉਸਨੇ "ਬਿੱਗ ਬੌਸ ਮਰਾਠੀ 3" ਵਿੱਚ ਹਿੱਸਾ ਲਿਆ, ਜਿੱਥੇ ਉਹ ਪਹਿਲਾ ਉਪ ਜੇਤੂ ਰਿਹਾ। ਉਸਨੇ ਹਾਲ ਹੀ ਵਿੱਚ 24 ਦਸੰਬਰ, 2025 ਨੂੰ ਹਰਸ਼ਾਲਾ ਪਾਟਿਲ ਨਾਲ ਵਿਆਹ ਕੀਤਾ।