Bangladesh: ਭਾਰਤ ਨੇ ਬੰਗਲਾਦੇਸ਼ ਦੀ ਸਰਹੱਦ ਤੋਂ ਆਉਣ ਵਾਲੇ ਕੁੱਝ ਸਾਮਾਨ 'ਤੇ ਲਾਈ ਪਾਬੰਦੀ

India Bans On Some Goods Imported From Bangladesh Border: ਭਾਰਤ ਨੇ ਬੰਗਲਾਦੇਸ਼ ਸਰਹੱਦ ਤੋਂ ਕੁਝ ਸਾਮਾਨ ਦੀ ਦਰਾਮਦ 'ਤੇ ਪਾਬੰਦੀ ਲਗਾ ਦਿੱਤੀ ਹੈ। ਵਣਜ ਅਤੇ ਉਦਯੋਗ ਮੰਤਰਾਲੇ ਵੱਲੋਂ ਜਾਰੀ ਹੁਕਮਾਂ ਅਨੁਸਾਰ, ਪਾਬੰਦੀਸ਼ੁਦਾ ਸਾਮਾਨ ਨੂੰ ਭਾਰਤ-ਬੰਗਲਾਦੇਸ਼ ਸਰਹੱਦ 'ਤੇ ਸਥਿਤ ਕਿਸੇ ਵੀ ਸਰਹੱਦੀ ਚੌਕੀ ਤੋਂ ਆਯਾਤ ਕਰਨ ਦੀ ਇਜਾਜ਼ਤ ਨਹੀਂ ਦਿੱਤੀ ਜਾਵੇਗੀ। ਹਾਲਾਂਕਿ, ਬੰਗਲਾਦੇਸ਼ ਤੋਂ ਇਨ੍ਹਾਂ ਸਾਮਾਨਾਂ ਦੀ ਦਰਾਮਦ ਨੂੰ ਸਿਰਫ਼ ਮੁੰਬਈ ਦੇ ਨਹਾਵਾ ਸ਼ੇਵਾ ਬੰਦਰਗਾਹ ਤੋਂ ਹੀ ਮਨਜ਼ੂਰੀ ਦਿੱਤੀ ਗਈ ਹੈ। ਬੰਗਲਾਦੇਸ਼ ਤੋਂ ਜਿਨ੍ਹਾਂ ਵਸਤਾਂ ਦੀ ਦਰਾਮਦ 'ਤੇ ਪਾਬੰਦੀ ਲਗਾਈ ਗਈ ਹੈ, ਉਨ੍ਹਾਂ ਵਿੱਚ ਬਲੀਚ ਕੀਤੇ ਅਤੇ ਬਿਨਾਂ ਬਲੀਚ ਕੀਤੇ ਬੁਣੇ ਹੋਏ ਕੱਪੜੇ, ਸੂਤੀ, ਤਾਰ, ਜੂਟ ਰੱਸੀ, ਜੂਟ ਦੀਆਂ ਬੋਰੀਆਂ ਅਤੇ ਬੈਗ ਆਦਿ ਸ਼ਾਮਲ ਹਨ।