ਕੀ ਟਰੰਪ ਅਤੇ ਐਲੋਨ ਮਸਕ ਦੀ ਦੁਬਾਰਾ ਦੋਸਤੀ ਹੋਵੇਗੀ?, ਬੈਠੇ ਇੱਕਠੇ ਨਜ਼ਰ ਆਏ

ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਅਤੇ ਕਾਰੋਬਾਰੀ ਐਲੋਨ ਮਸਕ ਨੂੰ ਹਾਲ ਹੀ ਵਿੱਚ ਚਾਰਲੀ ਕਿਰਕ ਦੀ ਯਾਦਗਾਰੀ ਸੇਵਾ ਵਿੱਚ ਇਕੱਠੇ ਦੇਖਿਆ ਗਿਆ। ਇਸ ਮੁਲਾਕਾਤ ਨੇ ਅਮਰੀਕੀ ਰਾਜਨੀਤੀ ਵਿੱਚ ਨਵੀਆਂ ਚਰਚਾਵਾਂ ਛੇੜ ਦਿੱਤੀਆਂ ਹਨ। ਲਗਭਗ ਤਿੰਨ ਮਹੀਨਿਆਂ ਬਾਅਦ, ਦੋਵੇਂ ਇੱਕੋ ਸਮਾਗਮ ਵਿੱਚ ਨਜ਼ਰ ਆਏ ਅਤੇ ਉਨ੍ਹਾਂ ਨੇ ਗਰਮਜੋਸ਼ੀ ਨਾਲ ਹੱਥ ਵੀ ਮਿਲਾਏ, ਜਿਸਦਾ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ।

ਪਹਿਲਾਂ ਕੀ ਹੋਇਆ ਸੀ?

ਮਸਕ ਅਤੇ ਟਰੰਪ ਦੇ ਰਿਸ਼ਤਿਆਂ ਵਿੱਚ ਖਟਾਸ 'ਵਨ ਬਿਗ ਬਿਊਟੀਫੁੱਲ ਬਿੱਲ' ਕਾਰਨ ਆਈ ਸੀ। ਇਸ ਬਿੱਲ ਦਾ ਮਸਕ ਨੇ ਸਖ਼ਤ ਵਿਰੋਧ ਕੀਤਾ ਸੀ, ਜਿਸ ਕਾਰਨ ਦੋਵਾਂ ਵਿਚਕਾਰ ਮਤਭੇਦ ਵਧ ਗਏ ਸਨ। ਇਸ ਵਿਵਾਦ ਤੋਂ ਬਾਅਦ, ਮਈ ਵਿੱਚ ਮਸਕ ਨੇ ਸਰਕਾਰੀ ਕੁਸ਼ਲਤਾ ਵਿਭਾਗ (DOGE) ਦੇ ਮੁਖੀ ਦੇ ਅਹੁਦੇ ਤੋਂ ਅਸਤੀਫਾ ਦੇ ਦਿੱਤਾ ਸੀ। ਉਦੋਂ ਤੋਂ ਹੀ ਦੋਵਾਂ ਵਿਚਕਾਰ ਦੂਰੀ ਬਣ ਗਈ ਸੀ।

ਇਸ ਨਵੀਂ ਮੁਲਾਕਾਤ ਨੇ ਅਟਕਲਾਂ ਨੂੰ ਜਨਮ ਦਿੱਤਾ ਹੈ ਕਿ ਕੀ ਇਹ ਦੋਵੇਂ ਸ਼ਕਤੀਸ਼ਾਲੀ ਸ਼ਖਸੀਅਤਾਂ ਆਪਣੇ ਮਤਭੇਦ ਭੁਲਾ ਕੇ ਦੁਬਾਰਾ ਇਕੱਠੇ ਕੰਮ ਕਰ ਸਕਦੀਆਂ ਹਨ।