ਟਾਈਪ-5 ਡਾਇਬਟੀਜ਼: ਟਾਈਪ-1 ਅਤੇ ਟਾਈਪ-2 ਤੋਂ ਵੱਖਰੀ ਚਿੰਤਾਜਨਕ ਸਥਿਤੀ
2022 ਵਿੱਚ, CMC ਦੇ ਡਾ. ਥੋਮਨ ਅਤੇ ਡਾ. ਸਿੱਧੀਦਾਸ ਗੁਪਤਾ ਨੇ, ਅਮਰੀਕਾ ਦੇ ਅਲਬਰਟ ਆਈਨਸਟਾਈਨ ਕਾਲਜ ਆਫ਼ ਮੈਡੀਸਨ ਦੇ ਪ੍ਰੋਫੈਸਰ ਮੈਰੇਡਿਥ ਹਾਕਿੰਸ ਦੇ ਨਾਲ
ਜਾਣੋ ਲੱਛਣ ਅਤੇ ਕਾਰਨ
ਅੱਜਕੱਲ੍ਹ ਦੁਨੀਆ ਭਰ ਦੇ ਲੋਕ ਵਧ ਰਹੇ ਬਲੱਡ ਸ਼ੂਗਰ ਲੈਵਲ ਕਾਰਨ ਚਿੰਤਤ ਹਨ। ਜਦ ਕਿ ਟਾਈਪ-1 ਅਤੇ ਟਾਈਪ-2 ਡਾਇਬਟੀਜ਼ ਬਾਰੇ ਲਗਭਗ ਹਰ ਕੋਈ ਜਾਣਦਾ ਹੈ, ਹੁਣ ਇਕ ਹੋਰ ਨਵੀਂ ਅਤੇ ਵੱਖਰੀ ਕਿਸਮ ਦੀ ਡਾਇਬਟੀਜ਼, ਟਾਈਪ-5 ਡਾਇਬਟੀਜ਼, ਚਰਚਾ ਵਿੱਚ ਆਈ ਹੈ।
ਟਾਈਪ-5 ਡਾਇਬਟੀਜ਼ ਕੀ ਹੈ?
ਇਹ ਡਾਇਬਟੀਜ਼ ਦੀ ਇਕ ਵੱਖਰੀ ਅਤੇ ਦੁਰਲੱਭ ਕਿਸਮ ਹੈ ਜੋ ਆਮ ਤੌਰ 'ਤੇ ਪਤਲੇ ਅਤੇ ਕੁਪੋਸ਼ਿਤ ਲੋਕਾਂ ਵਿੱਚ ਪਾਈ ਜਾਂਦੀ ਹੈ। ਇਹ ਬਿਮਾਰੀ ਪਹਿਲੀ ਵਾਰ 1960 ਦੇ ਦਹਾਕੇ ਵਿੱਚ ਸਾਹਮਣੇ ਆਈ ਸੀ ਅਤੇ ਹੁਣ ਦੁਬਾਰਾ ਵਿਗਿਆਨਕ ਖੋਜਾਂ ਰਾਹੀਂ ਚਰਚਾ ਵਿੱਚ ਹੈ।
ਕਿਉਂ ਆ ਰਹੀ ਹੈ ਚਰਚਾ ਵਿੱਚ?
ਹਾਲ ਹੀ ਵਿੱਚ ਬੈਂਕਾਕ ਵਿੱਚ ਹੋਈ ਵਿਸ਼ਵ ਡਾਇਬਟੀਜ਼ ਕਾਨਫਰੰਸ ਵਿੱਚ, ਅੰਤਰਰਾਸ਼ਟਰੀ ਡਾਇਬਟੀਜ਼ ਫੈਡਰੇਸ਼ਨ ਦੇ ਪ੍ਰਧਾਨ ਪ੍ਰੋਫੈਸਰ ਪੀਟਰ ਸ਼ਵਾਰਜ਼ ਨੇ ਟਾਈਪ-5 ਨੂੰ ਇਕ ਨਵੀਂ ਉਭਰ ਰਹੀ ਸਥਿਤੀ ਵਜੋਂ ਮੰਨਤਾ ਦਿੱਤੀ।
ਇਹ ਕਿਸੇ ਨਵੇਂ ਰੋਗ ਦੀ ਖੋਜ ਹੈ?
ਨਹੀਂ, ਇਹ ਰੋਗ ਨਵਾਂ ਨਹੀਂ, ਪਰ ਹੁਣ ਇਸ ਦੀ ਗੰਭੀਰਤਾ ਤੇ ਦੁਬਾਰਾ ਧਿਆਨ ਦਿੱਤਾ ਜਾ ਰਿਹਾ ਹੈ। ਇਹ ਬਿਮਾਰੀ ਭਾਰਤ, ਪਾਕਿਸਤਾਨ ਅਤੇ ਅਫਰੀਕਾ ਦੇ ਕੁਝ ਹਿੱਸਿਆਂ ਵਿੱਚ ਪਹਿਲਾਂ ਤੋਂ ਮੌਜੂਦ ਹੈ ਅਤੇ ਆਮ ਤੌਰ 'ਤੇ ਪੋਸ਼ਣ ਦੀ ਘਾਟ ਵਾਲੇ ਇਲਾਕਿਆਂ ਵਿੱਚ ਵੇਖੀ ਜਾਂਦੀ ਹੈ।
ਇਹ ਕਿਸ ਤਰ੍ਹਾਂ ਦੀ ਡਾਇਬਟੀਜ਼ ਹੈ?
ਟਾਈਪ-5 ਡਾਇਬਟੀਜ਼ ਉਹਨਾਂ ਲੋਕਾਂ ਵਿੱਚ ਪਾਈ ਜਾਂਦੀ ਹੈ ਜੋ ਕੁਪੋਸ਼ਣ ਦੇ ਸ਼ਿਕਾਰ ਹਨ। ਇਹ ਇਨਸੁਲਿਨ ਰੇਜ਼ਿਸਟੈਂਸ ਜਾਂ ਆਟੋਇਮਿਊਨ ਪਰਤੀਕਿਰਿਆ ਕਾਰਨ ਨਹੀਂ ਹੁੰਦੀ, ਜਿਸ ਕਰਕੇ ਇਹ ਟਾਈਪ-1 ਅਤੇ ਟਾਈਪ-2 ਤੋਂ ਬਿਲਕੁਲ ਵੱਖਰੀ ਹੈ।
ਇਸਨੂੰ ਕਈ ਵਾਰ "ਜੇ-ਟਾਈਪ ਡਾਇਬਟੀਜ਼" ਵੀ ਕਿਹਾ ਜਾਂਦਾ ਹੈ। ਇਸ ਦੇ ਲੱਛਣ ਵੀ ਹੋਰ ਕਿਸਮਾਂ ਤੋਂ ਵੱਖਰੇ ਹਨ, ਅਤੇ ਇਹ ਜੈਨੇਟਿਕ ਨਹੀਂ ਮੰਨੀ ਜਾਂਦੀ।
ਮੁੱਖ ਲੱਛਣ
ਸਰੀਰ ਵਿੱਚ ਪੋਸ਼ਣ ਦੀ ਘਾਟ
ਬੇਹੱਦ ਭੁੱਖ ਲੱਗਣਾ
ਤੇਜ਼ੀ ਨਾਲ ਭਾਰ ਘਟਣਾ
ਧੁੰਦਲੀ ਨਜ਼ਰ
ਥਕਾਵਟ ਅਤੇ ਕਮਜ਼ੋਰੀ
ਸ਼ੂਗਰ ਕਾਰਨ ਹੋਣ ਵਾਲੀਆਂ ਲਾਗਾਂ ਜਾਂ ਜ਼ਖ਼ਮ
ਮੁੱਖ ਕਾਰਨ
ਜਨਮ ਤੋਂ ਬਾਅਦ ਸਹੀ ਪੋਸ਼ਣ ਦੀ ਘਾਟ
ਲੰਬੇ ਸਮੇਂ ਤੱਕ ਕੁਪੋਸ਼ਣ
ਆਟੋਇਮਿਊਨ ਕਾਰਕ (ਕੁਝ ਕੇਸਾਂ ਵਿੱਚ)
ਵਾਧੂ ਭੁੱਖ ਅਤੇ ਊਰਜਾ ਦੀ ਲੋੜ ਨੂੰ ਪੂਰਾ ਨਾ ਕਰ ਪਾਉਣਾ
ਮਾਹਿਰਾਂ ਦੀ ਰਾਏ
2022 ਵਿੱਚ, CMC ਦੇ ਡਾ. ਥੋਮਨ ਅਤੇ ਡਾ. ਸਿੱਧੀਦਾਸ ਗੁਪਤਾ ਨੇ, ਅਮਰੀਕਾ ਦੇ ਅਲਬਰਟ ਆਈਨਸਟਾਈਨ ਕਾਲਜ ਆਫ਼ ਮੈਡੀਸਨ ਦੇ ਪ੍ਰੋਫੈਸਰ ਮੈਰੇਡਿਥ ਹਾਕਿੰਸ ਦੇ ਨਾਲ ਮਿਲ ਕੇ ਇੱਕ ਅਧਿਐਨ ਕੀਤਾ ਜਿਸ ਵਿੱਚ ਟਾਈਪ-5 ਨੂੰ ਸਰੀਰਕ ਤੌਰ 'ਤੇ ਹੋਰ ਕਿਸਮਾਂ ਤੋਂ ਵੱਖਰਾ ਸਾਬਤ ਕੀਤਾ ਗਿਆ।
ਇਲਾਜ ਅਤੇ ਰੋਕਥਾਮ
ਹੁਣ ਤੱਕ ਟਾਈਪ-5 ਡਾਇਬਟੀਜ਼ ਲਈ ਕੋਈ ਠੋਸ ਇਲਾਜ ਨਹੀਂ ਮਿਲਿਆ। ਵਿਗਿਆਨਕ ਅਧਿਐਨ ਜਾਰੀ ਹਨ ਅਤੇ ਮਾਹਿਰ ਇਸ ਨੂੰ ਰੋਕਣ ਦੇ ਤਰੀਕਿਆਂ ਅਤੇ ਸੰਭਾਲ ਲਈ ਰਾਹ ਲੱਭ ਰਹੇ ਹਨ।
🔍 ਨੋਟ: ਉਪਰੋਕਤ ਜਾਣਕਾਰੀ ਸਿਰਫ਼ ਜਾਣਕਾਰੀ ਦੇ ਤੌਰ 'ਤੇ ਦਿੱਤੀ ਗਈ ਹੈ। ਕਿਸੇ ਵੀ ਤਰੀਕੇ ਦੀ ਕਾਰਵਾਈ ਕਰਨ ਤੋਂ ਪਹਿਲਾਂ ਮਾਹਿਰ ਡਾਕਟਰ ਦੀ ਸਲਾਹ ਜਰੂਰ ਲਵੋ।