ਪੰਜਾਬ ਜ਼ਿਲ੍ਹਾ ਪ੍ਰੀਸ਼ਦ ਅਤੇ ਬਲਾਕ ਕਮੇਟੀ ਚੋਣਾਂ: ਗਿਣਤੀ ਸ਼ੁਰੂ

ਪੰਜਾਬ ਵਿੱਚ ਜ਼ਿਲ੍ਹਾ ਪ੍ਰੀਸ਼ਦ ਅਤੇ ਬਲਾਕ ਕਮੇਟੀ ਚੋਣਾਂ ਲਈ ਵੋਟਾਂ ਦੀ ਗਿਣਤੀ ਅੱਜ 17 ਦਸੰਬਰ ਨੂੰ ਹੋਵੇਗੀ। ਵੋਟਿੰਗ 14 ਦਸੰਬਰ ਨੂੰ ਹੋਈ ਸੀ ਅਤੇ ਵੋਟ ਬਕਸੇ ਥੋੜ੍ਹੀ ਦੇਰ ਵਿੱਚ ਖੁੱਲ੍ਹਣੇ ਸ਼ੁਰੂ ਹੋ ਜਾਣਗੇ। ਇਹਨਾਂ ਚੋਣਾਂ ਵਿੱਚ ਕੁੱਲ 12,814 ਉਮੀਦਵਾਰਾਂ ਦੀ ਕਿਸਮਤ ਦਾ ਫੈਸਲਾ ਹੋਵੇਗਾ।

ਚੋਣ ਕਮਿਸ਼ਨ ਨੇ 23 ਜ਼ਿਲ੍ਹਿਆਂ ਵਿੱਚ 151 ਗਿਣਤੀ ਕੇਂਦਰ ਸਥਾਪਤ ਕੀਤੇ ਹਨ। ਗਿਣਤੀ ਦੀ ਪ੍ਰਕਿਰਿਆ ਦੌਰਾਨ ਸਖ਼ਤ ਪੁਲਿਸ ਸੁਰੱਖਿਆ ਹੋਵੇਗੀ ਅਤੇ ਸਾਰੀ ਕਾਰਵਾਈ ਦੀ ਵੀਡੀਓਗ੍ਰਾਫੀ ਵੀ ਕੀਤੀ ਜਾਵੇਗੀ।

ਚੋਣ ਪ੍ਰਕਿਰਿਆ ਦੇ ਮੁੱਖ ਅੰਸ਼

ਵੋਟਿੰਗ ਦੀ ਤਾਰੀਖ: 14 ਦਸੰਬਰ

ਕੁੱਲ ਵੋਟਰ ਪ੍ਰਤੀਸ਼ਤਤਾ: 48% ਦਰਜ ਕੀਤੀ ਗਈ।

ਦੁਬਾਰਾ ਵੋਟਿੰਗ: ਬੂਥ ਕੈਪਚਰਿੰਗ ਅਤੇ ਪ੍ਰਿੰਟਿੰਗ ਗਲਤੀਆਂ ਕਾਰਨ ਪੰਜ ਜ਼ਿਲ੍ਹਿਆਂ ਦੇ 16 ਪੋਲਿੰਗ ਬੂਥਾਂ 'ਤੇ ਵੋਟਿੰਗ ਰੱਦ ਕਰ ਦਿੱਤੀ ਗਈ ਸੀ। ਇੱਥੇ ਦੁਬਾਰਾ ਵੋਟਿੰਗ 16 ਦਸੰਬਰ ਨੂੰ ਕਰਵਾਈ ਗਈ।

ਸਰਬਸੰਮਤੀ ਨਾਲ ਚੁਣੇ ਗਏ ਉਮੀਦਵਾਰ

ਜ਼ਿਲ੍ਹਾ ਪ੍ਰੀਸ਼ਦ ਅਤੇ ਬਲਾਕ ਸੰਮਤੀ ਦੇ ਕੁੱਲ 196 ਉਮੀਦਵਾਰ ਬਿਨਾਂ ਕਿਸੇ ਵਿਰੋਧ ਦੇ ਸਰਬਸੰਮਤੀ ਨਾਲ ਚੁਣੇ ਗਏ ਹਨ। ਇਹ ਸਾਰੇ ਉਮੀਦਵਾਰ ਆਮ ਆਦਮੀ ਪਾਰਟੀ (ਆਪ) ਨਾਲ ਸਬੰਧਤ ਹਨ।

ਜ਼ਿਲ੍ਹਾ ਪ੍ਰੀਸ਼ਦ: ਸਰਬਸੰਮਤੀ ਨਾਲ 15 ਉਮੀਦਵਾਰ ਚੁਣੇ ਗਏ ਹਨ, ਜਿਨ੍ਹਾਂ ਵਿੱਚ ਤਰਨਤਾਰਨ ਤੋਂ 12 ਅਤੇ ਅੰਮ੍ਰਿਤਸਰ ਤੋਂ 3 ਸ਼ਾਮਲ ਹਨ।

ਬਲਾਕ ਕਮੇਟੀ: ਸਰਬਸੰਮਤੀ ਨਾਲ 181 ਉਮੀਦਵਾਰ ਚੁਣੇ ਗਏ। ਇਨ੍ਹਾਂ ਵਿੱਚ ਤਰਨਤਾਰਨ (98), ਅੰਮ੍ਰਿਤਸਰ (63), ਹੁਸ਼ਿਆਰਪੁਰ (17), ਮਲੇਰਕੋਟਲਾ (2), ਅਤੇ ਐਸ.ਬੀ.ਐਸ. ਨਗਰ (1) ਦੇ ਉਮੀਦਵਾਰ ਸ਼ਾਮਲ ਹਨ।