ਪੰਜਾਬ 'ਚ ਅਤਿਵਾਦ ਵਿਰੁਧ ਨਵੀਂ ਮੁਹਿੰਮ ਸ਼ੁਰੂ

ਲੁਧਿਆਣਾ ‘ਚ ਅੱਧੀ ਰਾਤ ਦਾ 'ਆਪਰੇਸ਼ਨ ਸਤਾਰਕ': 12 ਥਾਵਾਂ 'ਤੇ ਨਾਕਾਬੰਦੀ, ਚੋਰੀ ਹੋਈ ਸਕਾਰਪੀਓ ਵੀ ਬਰਾਮਦ

ਲੁਧਿਆਣਾ : ਅੱਤਵਾਦੀ ਧਮਕੀਆਂ ਮੱਦੇਨਜ਼ਰ ਲੁਧਿਆਣਾ ਪੁਲਿਸ ਨੇ ਸ਼ੁੱਕਰਵਾਰ ਅੱਧੀ ਰਾਤ 'ਆਪ੍ਰੇਸ਼ਨ ਸਤਾਰਕ' ਚਲਾਇਆ। ਇਸ ਦੌਰਾਨ ਸ਼ਹਿਰ ਦੇ ਮੁੱਖ ਰਸਤੇ ਤੇ 12 ਥਾਵਾਂ 'ਤੇ ਨਾਕਾਬੰਦੀਆਂ ਲਗਾ ਕੇ ਵਾਹਨਾਂ ਦੀ ਗਹਿਰੀ ਜਾਂਚ ਕੀਤੀ ਗਈ। ਇਹ ਮੁਹਿੰਮ ਸਵੇਰੇ 4 ਵਜੇ ਤੱਕ ਚੱਲੀ।

ਸਿੱਖ ਫਾਰ ਜਸਟਿਸ (SFJ) ਦੇ ਅੱਤਵਾਦੀ ਗੁਰਪਤਵੰਤ ਸਿੰਘ ਪੰਨੂ ਵੱਲੋਂ ਅੰਬੇਡਕਰ ਜਯੰਤੀ ਮੌਕੇ ਧਮਾਕਿਆਂ ਅਤੇ ਇਤਰਾਜ਼ਯੋਗ ਨਾਅਰਿਆਂ ਦੀ ਧਮਕੀ ਦੇਣ ਤੋਂ ਬਾਅਦ ਇਹ ਕਾਰਵਾਈ ਕੀਤੀ ਗਈ।

ਚੋਰੀ ਹੋਈ ਸਕਾਰਪੀਓ ਮਿਲੀ

ਪੁਲਿਸ ਨੇ ਨਾਕਾਬੰਦੀ ਦੌਰਾਨ ਇੱਕ ਚੋਰੀ ਹੋਈ ਸਕਾਰਪੀਓ ਵੀ ਬਰਾਮਦ ਕੀਤੀ ਹੈ। ਇਸ ਬਾਰੇ ਹੋਰ ਜਾਣਕਾਰੀ ਲਈ ਪੁਲਿਸ ਕਮਿਸ਼ਨਰ ਵੱਲੋਂ ਜਲਦੀ ਹੀ ਪ੍ਰੈਸ ਨੋਟ ਜਾਰੀ ਕੀਤਾ ਜਾਵੇਗਾ।

ਸੀਨੀਅਰ ਅਧਿਕਾਰੀ ਮੌਕੇ 'ਤੇ

ਟ੍ਰੈਫਿਕ ਏਡੀਜੀਪੀ ਏਐਸ ਰਾਏ ਅਤੇ ਪੁਲਿਸ ਕਮਿਸ਼ਨਰ ਸਵਪਨ ਸ਼ਰਮਾ ਨੇ ਲੁਧਿਆਣਾ ਰੇਲਵੇ ਸਟੇਸ਼ਨ 'ਤੇ ਚੈਕਿੰਗ ਦੀ ਅਗਵਾਈ ਕੀਤੀ। ਰਾਏ ਨੇ ਮੀਡੀਆ ਨੂੰ ਦੱਸਿਆ ਕਿ:

ਪੰਜਾਬ ਭਰ ਵਿੱਚ ਅਲਰਟ ਜਾਰੀ ਹੈ।

ਲੁਧਿਆਣਾ ਦੇ ਸਾਰੇ ਪ੍ਰਵੇਸ਼ ਅਤੇ ਨਿਕਾਸ ਰਸਤੇ ਸੀਲ ਕੀਤੇ ਗਏ ਹਨ।

ਸ਼ਹਿਰ ਵਿੱਚ 240 ਤੋਂ ਵੱਧ ਪੁਲਿਸ ਕਰਮਚਾਰੀ ਡਿਊਟੀ 'ਤੇ ਰਹੇ।

ਉਨ੍ਹਾਂ ਕਿਹਾ ਕਿ ਕਿਸੇ ਨੂੰ ਵੀ ਸ਼ਹਿਰ ਦੀ ਸ਼ਾਂਤੀ ਖਲਲ ਕਰਨ ਦੀ ਇਜਾਜ਼ਤ ਨਹੀਂ ਦਿੱਤੀ ਜਾਵੇਗੀ।