Middle East ‘ਚ ‘ਮਹਾਂ-ਤਬਾਹੀ’ ਦੀ ਦਸਤਕ: Iran ‘ਤੇ ‘ਅੰਤਮ ਹਮਲੇ’ ਦੀ ਤਿਆਰੀ, ਜਾਣੋ ਕੀ ਹੈ Trump ਦਾ ‘Plan Z’

ਵਾਸ਼ਿੰਗਟਨ/ਤੇਹਰਾਨ : ਮੱਧ ਪੂਰਬ (Middle East) ਇਸ ਵੇਲੇ ਇੱਕ ਅਜਿਹੇ ਮੋੜ 'ਤੇ ਖੜ੍ਹਾ ਹੈ ਜਿੱਥੇ ਇੱਕ ਵੀ ਗਲਤ ਕਦਮ ਪੂਰੀ ਦੁਨੀਆ ਵਿੱਚ ਭਿਆਨਕ ਤਬਾਹੀ ਲਿਆ ਸਕਦਾ ਹੈ। ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਈਰਾਨ ਵਿਰੁੱਧ ਹੁਣ ਤੱਕ ਦੀ ਸਭ ਤੋਂ ਸਖ਼ਤ ਚੇਤਾਵਨੀ ਜਾਰੀ ਕਰਦਿਆਂ ਆਪਣੇ ‘Final Strike’ (ਆਖਰੀ ਹਮਲੇ) ਦੀ ਰੂਪ ਰੇਖਾ ਸਪੱਸ਼ਟ ਕਰ ਦਿੱਤੀ ਹੈ। ਟਰੰਪ ਪ੍ਰਸ਼ਾਸਨ ਅਪ੍ਰੈਲ ਦੇ ਪਹਿਲੇ ਹਫ਼ਤੇ ਤੱਕ ਇਸ ਜੰਗ ਨੂੰ ਇੱਕ ਨਿਰਣਾਇਕ ਮੋੜ 'ਤੇ ਲਿਆ ਕੇ ਖ਼ਤਮ ਕਰਨਾ ਚਾਹੁੰਦਾ ਹੈ।

ਕੀ ਹੈ ਟਰੰਪ ਦਾ ‘ਪਲਾਨ-ਜ਼ੈੱਡ’ (Plan-Z)?

ਟਰੰਪ ਦੀ ਯੋਜਨਾ ਬਹੁਤ ਹੀ ਹਮਲਾਵਰ ਅਤੇ ਸਪੱਸ਼ਟ ਹੈ। ਉਨ੍ਹਾਂ ਨੇ ਈਰਾਨ ਨੂੰ Strait of Hormuz (ਹੋਰਮੁਜ਼ ਜਲਡਮਰੂ) ਨੂੰ ਤੁਰੰਤ ਖੋਲ੍ਹਣ ਲਈ ਆਖਰੀ ਅਲਟੀਮੇਟਮ ਦਿੱਤਾ ਹੈ। ਜੇਕਰ ਈਰਾਨ ਅਜਿਹਾ ਨਹੀਂ ਕਰਦਾ, ਤਾਂ ਅਮਰੀਕਾ ਆਪਣੇ ‘ਪਲਾਨ-ਜ਼ੈੱਡ’ ਨੂੰ ਹਰੀ ਝੰਡੀ ਦੇ ਦੇਵੇਗਾ, ਜਿਸ ਦੇ ਤਹਿਤ ਈਰਾਨ ਦੀ ਆਰਥਿਕ ਅਤੇ ਫੌਜੀ ਰੀੜ੍ਹ ਦੀ ਹੱਡੀ 'ਤੇ ਸਿੱਧਾ ਵਾਰ ਕੀਤਾ ਜਾਵੇਗਾ।

ਟਰੰਪ ਦੇ 3 ਵੱਡੇ ਨਿਸ਼ਾਨੇ (Targets):

ਅਮਰੀਕੀ ਫੌਜ ਨੇ ਈਰਾਨ ਦੇ ਅੰਦਰ ਤਿੰਨ ਅਜਿਹੇ ਟਿਕਾਣੇ ਚੁਣੇ ਹਨ ਜਿਨ੍ਹਾਂ ਨੂੰ ਤਬਾਹ ਕਰਕੇ ਈਰਾਨ ਨੂੰ ਗੋਡਿਆਂ ਭਾਰ ਲਿਆਂਦਾ ਜਾ ਸਕਦਾ ਹੈ:

ਤੇਲ ਅਤੇ ਗੈਸ ਪਲਾਂਟ (Oil & Gas Plants): ਈਰਾਨ ਦੀ ਆਰਥਿਕਤਾ ਦਾ ਸਭ ਤੋਂ ਵੱਡਾ ਸਰੋਤ ਉਸ ਦੇ ਤੇਲ ਪਲਾਂਟ ਹਨ। ਟਰੰਪ ਨੇ ਚੇਤਾਵਨੀ ਦਿੱਤੀ ਹੈ ਕਿ ਅਮਰੀਕਾ ਇਨ੍ਹਾਂ ਨੂੰ ਹਵਾਈ ਹਮਲਿਆਂ ਰਾਹੀਂ ਉਡਾ ਦੇਵੇਗਾ।

ਖਾਰਗ ਟਾਪੂ (Kharg Island): ਈਰਾਨ ਦਾ ਲਗਭਗ 90% ਕੱਚਾ ਤੇਲ ਇਸੇ ਟਾਪੂ ਤੋਂ ਐਕਸਪੋਰਟ ਹੁੰਦਾ ਹੈ। ਅਮਰੀਕੀ ਯੋਜਨਾ ਮੁਤਾਬਕ ਫੌਜ ਇਸ ਟਾਪੂ 'ਤੇ ਸਿੱਧਾ ਕਬਜ਼ਾ ਕਰਨ ਦੀ ਤਿਆਰੀ ਵਿੱਚ ਹੈ।

ਜ਼ਮੀਨੀ ਹਮਲਾ (Ground Offensive): ਸਿਰਫ਼ ਹਵਾਈ ਹਮਲੇ ਹੀ ਨਹੀਂ, ਸਗੋਂ ਟਰੰਪ ਨੇ ਈਰਾਨ ਦੀ ਧਰਤੀ 'ਤੇ ਫੌਜ ਉਤਾਰਨ ਦੀ ਯੋਜਨਾ ਨੂੰ ਵੀ ਅੰਤਿਮ ਰੂਪ ਦੇ ਦਿੱਤਾ ਹੈ ਤਾਂ ਜੋ Ground Attack ਰਾਹੀਂ ਈਰਾਨੀ ਫੌਜ ਦੇ ਹੌਸਲੇ ਪਸਤ ਕੀਤੇ ਜਾ ਸਕਣ।

ਦੁਨੀਆ ‘ਤੇ ਪ੍ਰਭਾਵ

ਜੇਕਰ ਅਪ੍ਰੈਲ ਦੇ ਪਹਿਲੇ ਹਫ਼ਤੇ ਇਹ ਹਮਲਾ ਹੁੰਦਾ ਹੈ, ਤਾਂ ਇਸ ਦੇ ਨਤੀਜੇ ਪੂਰੀ ਦੁਨੀਆ ਲਈ ਹੈਰਾਨ ਕਰਨ ਵਾਲੇ ਹੋਣਗੇ। Global Oil Supply ਪ੍ਰਭਾਵਿਤ ਹੋਣ ਕਾਰਨ ਦੁਨੀਆ ਭਰ ਵਿੱਚ ਤੇਲ ਦੀਆਂ ਕੀਮਤਾਂ ਅਸਮਾਨ ਨੂੰ ਛੂਹ ਸਕਦੀਆਂ ਹਨ।

ਹੁਣ ਸਾਰੀ ਦੁਨੀਆ ਦੀਆਂ ਨਜ਼ਰਾਂ ਈਰਾਨ ਦੇ ਜਵਾਬ 'ਤੇ ਟਿਕੀਆਂ ਹੋਈਆਂ ਹਨ। ਕੀ ਈਰਾਨ ਅਮਰੀਕੀ ਚੇਤਾਵਨੀ ਅੱਗੇ ਝੁਕੇਗਾ ਜਾਂ ਫਿਰ ਮੱਧ ਪੂਰਬ ਵਿੱਚ ਅਜਿਹੀ ਅੱਗ ਲੱਗੇਗੀ ਜੋ ਪੂਰੀ ਦੁਨੀਆ ਨੂੰ ਆਪਣੀ ਲਪੇਟ ਵਿੱਚ ਲੈ ਲਵੇਗੀ? ਇਹ ਅਗਲੇ ਕੁਝ ਦਿਨਾਂ ਵਿੱਚ ਸਾਫ਼ ਹੋ ਜਾਵੇਗਾ।