Iran-US war "Trump ਨੂੰ ਜਿੱਤ ਨਾਲੋਂ ਆਪਣੇ ਅਪਮਾਣ ਦਾ ਜਿਆਦਾ ਡਰ," ਸਾਬਕਾ ਅਮਰੀਕੀ ਰੱਖਿਆ ਸਲਾਹਕਾਰ ਦਾ ਵੱਡਾ ਦਾਅਵਾ

ਵਾਸ਼ਿੰਗਟਨ :  ਈਰਾਨ ਅਤੇ ਅਮਰੀਕਾ ਵਿਚਾਲੇ ਚੱਲ ਰਹੀ ਜੰਗ (Iran-US War) ਦੇ ਦਰਮਿਆਨ ਸਾਬਕਾ ਅਮਰੀਕੀ ਰੱਖਿਆ ਸਕੱਤਰ ਡਗਲਸ ਮੈਕਗ੍ਰੇਗਰ (Douglas Macgregor) ਨੇ ਇੱਕ ਬੇਹੱਦ ਹੈਰਾਨੀਜਨਕ ਬਿਆਨ ਦਿੱਤਾ ਹੈ। ਮੈਕਗ੍ਰੇਗਰ ਅਨੁਸਾਰ, ਇਸ ਮੌਜੂਦਾ ਸੰਘਰਸ਼ ਵਿੱਚ ਈਰਾਨ ਇਸ ਸਮੇਂ 'ਡਰਾਈਵਰ ਦੀ ਸੀਟ' (Strong Position) 'ਤੇ ਹੈ ਅਤੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਵਿਕਲਪ ਤੇਜ਼ੀ ਨਾਲ ਖਤਮ ਹੋ ਰਹੇ ਹਨ। ਉਨ੍ਹਾਂ ਚੇਤਾਵਨੀ ਦਿੱਤੀ ਕਿ ਟਰੰਪ ਨੂੰ ਘਰੇਲੂ ਅਤੇ ਵਿਸ਼ਵ ਪੱਧਰ 'ਤੇ ਵੱਡੇ ਅਪਮਾਨ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।

"1945 ਵਾਲੀ ਰਣਨੀਤੀ ਹੁਣ ਕੰਮ ਨਹੀਂ ਆਵੇਗੀ"

ਮੈਕਗ੍ਰੇਗਰ ਨੇ ਇੰਡੀਆ ਟੂਡੇ (India Today) ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਟਰੰਪ ਪ੍ਰਸ਼ਾਸਨ ਈਰਾਨ ਨੂੰ ਗੋਡਿਆਂ 'ਤੇ ਲਿਆਉਣ ਲਈ ਉਸ ਵਿਰੁੱਧ ਇੰਨੀ ਭਾਰੀ ਮਾਤਰਾ ਵਿੱਚ ਫੌਜੀ ਤਾਕਤ ਅਤੇ ਵਿਸਫੋਟਕਾਂ ਦੀ ਵਰਤੋਂ ਕਰਨ ਦੀ ਯੋਜਨਾ ਬਣਾ ਰਿਹਾ ਹੈ ਕਿ ਉਨ੍ਹਾਂ ਨੂੰ ਆਤਮ-ਸਮਰਪਣ (Surrender) ਕਰਨ ਲਈ ਮਜਬੂਰ ਕੀਤਾ ਜਾ ਸਕੇ। ਉਨ੍ਹਾਂ ਇਸ ਦੀ ਤੁਲਨਾ 1945 ਵਿੱਚ ਜਾਪਾਨ 'ਤੇ ਕੀਤੀ ਗਈ ਭਾਰੀ ਬੰਬਾਰੀ ਨਾਲ ਕੀਤੀ, ਪਰ ਨਾਲ ਹੀ ਇਹ ਵੀ ਕਿਹਾ ਕਿ ਉਹ ਰਣਨੀਤੀ ਉਦੋਂ ਵੀ ਨਾਕਾਮ ਰਹੀ ਸੀ ਅਤੇ ਅੰਤ ਵਿੱਚ ਅਮਰੀਕਾ ਨੂੰ ਪਰਮਾਣੂ ਵਿਕਲਪ (Nuclear Option) ਦੀ ਵਰਤੋਂ ਕਰਨੀ ਪਈ ਸੀ। ਉਨ੍ਹਾਂ ਮੁਤਾਬਕ, ਈਰਾਨ ਅੱਜ ਦੇ ਦੌਰ ਵਿੱਚ ਅਜਿਹਾ ਨਹੀਂ ਕਰੇਗਾ।

ਟਰੰਪ ਦਾ 'ਮਾਸਟਰ ਪਲਾਨ' ਕੀ ਹੈ?

ਸਾਬਕਾ ਅਧਿਕਾਰੀ ਨੇ ਖੁਲਾਸਾ ਕੀਤਾ ਕਿ ਅਮਰੀਕਾ ਇਸ ਸਮੇਂ ਆਪਣੀ ਹਵਾਈ ਸ਼ਕਤੀ (Air Power) ਨੂੰ ਵੱਡੇ ਪੱਧਰ 'ਤੇ ਇਕੱਠਾ ਕਰ ਰਿਹਾ ਹੈ। ਉਨ੍ਹਾਂ ਦਾ ਮੰਨਣਾ ਹੈ ਕਿ:

ਪੰਜ ਦਿਨਾਂ ਦੀ ਜੰਗਬੰਦੀ (Ceasefire) ਦੇ ਖਤਮ ਹੁੰਦੇ ਹੀ ਅਮਰੀਕਾ ਈਰਾਨ ਵਿਰੁੱਧ ਇੱਕ ਬਹੁਤ ਹੀ ਘਾਤਕ ਹਵਾਈ ਮੁਹਿੰਮ ਸ਼ੁਰੂ ਕਰ ਸਕਦਾ ਹੈ।

ਟਰੰਪ ਨੂੰ ਉਮੀਦ ਹੈ ਕਿ ਇਹ "ਗੰਭੀਰ ਝਟਕਾ" ਈਰਾਨੀ ਸੱਤਾ ਨੂੰ ਪੂਰੀ ਤਰ੍ਹਾਂ ਤੋੜ ਦੇਵੇਗਾ।

ਪਰ ਮੈਕਗ੍ਰੇਗਰ ਅਨੁਸਾਰ, ਇਹ 20ਵੀਂ ਸਦੀ ਦੀ ਪੁਰਾਣੀ ਸੋਚ ਹੈ। ਈਰਾਨ ਦੀ ਤਾਕਤ 21ਵੀਂ ਸਦੀ ਦੇ ਆਧੁਨਿਕ ਯੁੱਧ (Modern Warfare) 'ਤੇ ਅਧਾਰਤ ਹੈ, ਜਿਸ ਵਿੱਚ ਮਿਜ਼ਾਈਲਾਂ, ਡਰੋਨ (Unmanned Systems) ਅਤੇ ਪੁਲਾੜ ਨਿਗਰਾਨੀ (Space Surveillance) ਦਾ ਮਜ਼ਬੂਤ ਜਾਲ ਸ਼ਾਮਲ ਹੈ।

ਪਾਕਿਸਤਾਨ ਦੀ ਬਜਾਏ ਭਾਰਤ 'ਤੇ ਭਰੋਸਾ ਕਰਨ ਦੀ ਸਲਾਹ

ਮੈਕਗ੍ਰੇਗਰ ਨੇ ਪਹਿਲਾਂ ਵੀ ਟਰੰਪ ਦੀ ਰਣਨੀਤੀ 'ਤੇ ਸਵਾਲ ਚੁੱਕੇ ਸਨ। ਉਨ੍ਹਾਂ ਕਿਹਾ ਸੀ ਕਿ ਪਾਕਿਸਤਾਨ ਨੂੰ ਵਿਚੋਲਾ ਬਣਾਉਣਾ ਇੱਕ ਗਲਤੀ ਹੈ ਅਤੇ ਰਾਸ਼ਟਰਪਤੀ ਟਰੰਪ ਨੂੰ ਭਾਰਤੀ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ (Narendra Modi) ਦੀ ਸਲਾਹ ਸੁਣਨੀ ਚਾਹੀਦੀ ਹੈ। ਉਨ੍ਹਾਂ ਦਾ ਮੰਨਣਾ ਹੈ ਕਿ ਟਰੰਪ ਹੁਣ ਜੰਗ ਜਿੱਤਣ ਲਈ ਨਹੀਂ, ਸਗੋਂ ਆਪਣਾ 'ਰਾਜਨੀਤਿਕ ਅਕਸ' (Political Image) ਬਚਾਉਣ ਲਈ ਸੰਘਰਸ਼ ਕਰ ਰਹੇ ਹਨ।