ਹਮਾਸ ਮੁਖੀ ਯਾਹਿਆ ਸਿਨਵਰ ਦੀ ਪੋਸਟਮਾਰਟਮ ਰਿਪੋਰਟ ਹੈਰਾਨ ਕਰਨ ਵਾਲੀ

ਗਾਜ਼ਾ : ਇਜ਼ਰਾਈਲ-ਹਮਾਸ ਜੰਗ ਕਾਰਨ ਫਲਸਤੀਨ ਦਾ ਗਾਜ਼ਾ ਸ਼ਹਿਰ ਮਲਬੇ ਦੇ ਢੇਰ ਵਿੱਚ ਬਦਲ ਗਿਆ ਹੈ। ਪਿਛਲੇ ਇੱਕ ਸਾਲ ਤੋਂ ਚੱਲ ਰਹੀ ਜੰਗ ਅਜੇ ਵੀ ਰੁਕੀ ਨਹੀਂ ਹੈ। ਇਸ ਦੌਰਾਨ ਇਜ਼ਰਾਈਲ ਨੇ ਦਾਅਵਾ ਕੀਤਾ ਹੈ ਕਿ ਉਸ ਨੇ ਪਿਛਲੇ ਸਾਲ 7 ਅਕਤੂਬਰ ਨੂੰ ਹੋਏ ਹਮਲੇ ਨੂੰ ਅੰਜ਼ਾਮ ਦੇਣ ਵਾਲੇ ਹਮਾਸ ਦੇ ਆਗੂ ਯਾਹਿਆ ਸਿਨਵਰ ਨੂੰ ਮਾਰ ਦਿੱਤਾ ਹੈ।

ਦੱਸ ਦਈਏ ਕਿ ਇਸ ਹਮਲੇ ਤੋਂ ਬਾਅਦ ਲਾਪਤਾ ਹੋਏ ਸਿਨਵਰ ਦੀ ਭਾਲ ਇਜ਼ਰਾਈਲ ਨੇ ਸ਼ੁਰੂ ਕਰ ਦਿੱਤੀ ਸੀ । ਦੱਸਿਆ ਜਾ ਰਿਹਾ ਸੀ ਕਿ 61 ਸਾਲਾ ਸਿਨਵਰ ਆਪਣਾ ਜ਼ਿਆਦਾਤਰ ਸਮਾਂ ਗਾਜ਼ਾ ਪੱਟੀ 'ਚ ਬਣੀਆਂ ਸੁਰੰਗਾਂ 'ਚ ਬਿਤਾ ਰਿਹਾ ਸੀ। ਸਿਨਵਰ ਦੇ ਨਾਲ ਉਨ੍ਹਾਂ ਦੇ ਬਾਡੀਗਾਰਡ ਵੀ ਸਨ। ਇਸ ਤੋਂ ਇਲਾਵਾ ਉਹ ਬੰਧਕ ਨਾਗਰਿਕਾਂ ਨੂੰ ਢਾਲ ਵਜੋਂ ਵੀ ਵਰਤ ਰਹੇ ਸਨ।

ਇਜ਼ਰਾਈਲੀ ਸੈਨਿਕਾਂ ਦੇ ਲੁਕੇ ਟਿਕਾਣੇ ਦੀ ਤਲਾਸ਼ੀ ਲੈਣ ਦੇ ਵੀਡੀਓ ਸੋਸ਼ਲ ਮੀਡੀਆ 'ਤੇ ਸਾਹਮਣੇ ਆਏ ਹਨ। ਇੱਕ ਵੀਡੀਓ ਵਿੱਚ, ਦੋ ਇਜ਼ਰਾਈਲੀ ਸਿਪਾਹੀ ਇੱਕ ਲਾਸ਼ ਦੇ ਨੇੜੇ ਖੜ੍ਹੇ ਹਨ (ਕਥਿਤ ਤੌਰ 'ਤੇ ਯਾਹਿਆ ਸਿਨਵਰ ਦੀ) ਜਿਸ ਦੇ ਖੱਬੇ ਹੱਥ ਦੀ ਤੌਲੀ ਦੀ ਉਂਗਲੀ ਕੱਟੀ ਗਈ ਹੈ। ਇਸ ਦੌਰਾਨ, ਇੱਕ ਮੀਡੀਆ ਰਿਪੋਰਟ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਵੀਡੀਓ ਦੇ ਵਿਸ਼ਲੇਸ਼ਣ ਵਿੱਚ ਸਿਨਵਰ ਦੇ ਖੱਬੇ ਹੱਥ ਦੀਆਂ ਸਾਰੀਆਂ ਪੰਜ ਉਂਗਲਾਂ ਕੱਟੀਆਂ ਗਈਆਂ ਅਤੇ ਬਾਅਦ ਵਿੱਚ ਇੱਕ ਉਂਗਲ ਗਾਇਬ ਦਿਖਾਈ ਦਿੱਤੀ।

ਯਾਹਿਆ ਸਿਨਵਰ ਦੀ ਲਾਸ਼ ਦਾ ਪੋਸਟਮਾਰਟਮ ਕਰਨ ਵਾਲੇ ਮੁੱਖ ਰੋਗ ਵਿਗਿਆਨੀ ਨੇ ਦੱਸਿਆ ਕਿ ਸਿਨਵਰ ਦੀ ਮੌਤ ਸਿਰ 'ਤੇ ਗੋਲੀ ਲੱਗਣ ਕਾਰਨ ਹੋਈ ਹੈ। ਉਸਨੇ ਕਿਹਾ ਕਿ ਹਮਾਸ ਨੇਤਾ ਨੂੰ ਟੈਂਕ ਦੇ ਗੋਲੇ ਦੇ ਜ਼ਖ਼ਮਾਂ ਸਮੇਤ ਹੋਰ ਸੱਟਾਂ ਲੱਗੀਆਂ ਹਨ। ਪਰ ਸਿਰ ਵਿੱਚ ਗੋਲੀ ਲੱਗਣ ਕਾਰਨ ਉਸਦੀ ਮੌਤ ਹੋ ਗਈ। ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਵੀਡੀਓ 'ਚ ਯਾਹੀਆ ਦੇ ਚਿਹਰੇ 'ਤੇ ਸੱਟਾਂ ਦੇ ਨਿਸ਼ਾਨ ਦਿਖਾਈ ਦੇ ਰਹੇ ਹਨ ਅਤੇ ਉਸ ਦੀ ਖੋਪੜੀ ਦਾ ਕੁਝ ਹਿੱਸਾ ਉੱਡ ਗਿਆ ਹੈ। ਇਹ ਵੀਡੀਓ ਕਿਤੇ ਨਾ ਕਿਤੇ ਪੈਥੋਲੋਜਿਸਟ ਦੇ ਦਾਅਵੇ ਦੀ ਪੁਸ਼ਟੀ ਕਰਦਾ ਹੈ।