Gold and Silver Rates ਵਿੱਚ ਭਾਰੀ ਗਿਰਾਵਟ

ਨਵੀਂ ਦਿੱਲੀ, 24 ਮਾਰਚ, 2026 :ਭਾਰਤੀ ਸਰਾਫਾ ਬਾਜ਼ਾਰ (Bullion Market) ਵਿੱਚ ਅੱਜ ਸਵੇਰੇ ਨਿਵੇਸ਼ਕਾਂ ਅਤੇ ਗਾਹਕਾਂ ਲਈ ਖੁਸ਼ੀ ਦੀ ਖ਼ਬਰ ਆਈ ਹੈ। ਲਗਾਤਾਰ ਰਿਕਾਰਡ ਉਚਾਈਆਂ ਨੂੰ ਛੂਹਣ ਤੋਂ ਬਾਅਦ, ਅੱਜ ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ ਵਿੱਚ ਵੱਡੀ ਗਿਰਾਵਟ ਦਰਜ ਕੀਤੀ ਗਈ ਹੈ। ਮੰਗਲਵਾਰ ਸਵੇਰੇ Multi Commodity Exchange (MCX) 'ਤੇ ਕਾਰੋਬਾਰ ਦੌਰਾਨ ਕੀਮਤੀ ਧਾਤਾਂ 'ਤੇ ਭਾਰੀ ਦਬਾਅ ਦੇਖਣ ਨੂੰ ਮਿਲਿਆ, ਜਿਸ ਨਾਲ 10 ਗ੍ਰਾਮ ਸੋਨੇ ਦੇ ਰੇਟ ਕਾਫ਼ੀ ਹੇਠਾਂ ਆ ਗਏ ਹਨ। Market Experts ਮੁਤਾਬਕ International Market ਤੋਂ ਮਿਲੇ ਸੁਸਤ ਸੰਕੇਤਾਂ ਅਤੇ Dollar ਦੀ ਮਜ਼ਬੂਤੀ ਕਾਰਨ ਇਹ Correction ਦੇਖਣ ਨੂੰ ਮਿਲ ਰਹੀ ਹੈ।

ਸੋਨੇ ਦੀਆਂ ਕੀਮਤਾਂ ਦੀ ਗੱਲ ਕਰੀਏ ਤਾਂ ਅਪ੍ਰੈਲ ਦੀ Expiry ਵਾਲੇ ਸੌਦਿਆਂ ਵਿੱਚ ₹1,653 (ਲਗਭਗ 1.19%) ਦੀ ਗਿਰਾਵਟ ਆਈ ਹੈ, ਜਿਸ ਤੋਂ ਬਾਅਦ ਸੋਨਾ ₹1,37,607 ਪ੍ਰਤੀ 10 ਗ੍ਰਾਮ ਦੇ ਪੱਧਰ 'ਤੇ ਪਹੁੰਚ ਗਿਆ ਹੈ। ਚਾਂਦੀ ਵਿੱਚ ਤਾਂ 'ਵੱਡੀ ਸੁਨਾਮੀ' ਵਰਗੀ ਸਥਿਤੀ ਹੈ; ਚਾਂਦੀ ਦੀ ਕੀਮਤ ₹7,824 (3.47%) ਡਿੱਗ ਕੇ ₹2,17,343 ਪ੍ਰਤੀ ਕਿਲੋਗ੍ਰਾਮ 'ਤੇ ਵਪਾਰ ਕਰ ਰਹੀ ਹੈ। ਦਿੱਲੀ ਵਿੱਚ ਅੱਜ 24-Carat ਸ਼ੁੱਧ ਸੋਨਾ ₹14,050 ਪ੍ਰਤੀ ਗ੍ਰਾਮ ਅਤੇ 22-Carat ਸੋਨਾ ₹12,880 ਪ੍ਰਤੀ ਗ੍ਰਾਮ ਦੇ ਹਿਸਾਬ ਨਾਲ ਵਿਕ ਰਿਹਾ ਹੈ। ਮੁੰਬਈ, ਕੋਲਕਾਤਾ ਅਤੇ ਬੰਗਲੁਰੂ ਵਰਗੇ ਮਹਾਨਗਰਾਂ ਵਿੱਚ ਵੀ ਕੀਮਤਾਂ ਲਗਭਗ ਇੱਕੋ ਜਿਹੀਆਂ ਬਣੀਆਂ ਹੋਈਆਂ ਹਨ, ਜਦਕਿ ਚੇਨਈ ਵਿੱਚ ਸੋਨਾ ਦੇਸ਼ ਦੇ ਹੋਰ ਹਿੱਸਿਆਂ ਦੇ ਮੁਕਾਬਲੇ ਥੋੜ੍ਹਾ ਮਹਿੰਗਾ ਹੈ।

ਮਾਹਿਰਾਂ ਦਾ ਮੰਨਣਾ ਹੈ ਕਿ Global Market ਵਿੱਚ US Dollar ਦੇ ਮਜ਼ਬੂਤ ਹੋਣ ਕਾਰਨ Gold ਅਤੇ Silver ਦੀ ਚਮਕ ਫਿੱਕੀ ਪੈ ਰਹੀ ਹੈ। ਇਸ ਤੋਂ ਇਲਾਵਾ, ਮੱਧ ਪੂਰਬ (Middle East) ਵਿੱਚ ਚੱਲ ਰਹੇ ਤਣਾਅ ਦੇ ਵਿਚਕਾਰ ਵੱਡੇ Investors ਵੱਲੋਂ ਕੀਤੀ ਜਾ ਰਹੀ Profit Booking ਨੇ ਵੀ ਘਰੇਲੂ ਬਾਜ਼ਾਰ ਵਿੱਚ ਕੀਮਤਾਂ ਨੂੰ ਹੇਠਾਂ ਲਿਆਂਦਾ ਹੈ। ਵਿਆਹਾਂ ਦੇ ਸੀਜ਼ਨ ਲਈ Jewellery ਬਣਾਉਣ ਦੀ ਯੋਜਨਾ ਬਣਾ ਰਹੇ ਪਰਿਵਾਰਾਂ ਲਈ ਇਹ ਗਿਰਾਵਟ ਕਿਸੇ ਸੁਨੇਹਰੀ ਮੌਕੇ ਤੋਂ ਘੱਟ ਨਹੀਂ ਹੈ।