ਦਿੱਲੀ ਚੋਣ 2025 ਦੇ ਨਤੀਜੇ: ਰੁਝਾਨਾਂ ਵਿੱਚ ਭਾਜਪਾ ਨੂੰ ਸਪੱਸ਼ਟ ਬਹੁਮਤ ?

ਦਿੱਲੀ ਵਿਧਾਨ ਸਭਾ ਚੋਣਾਂ 2025 ਲਈ ਵੋਟਾਂ ਦੀ ਗਿਣਤੀ ਅੱਜ 8 ਵਜੇ ਸ਼ੁਰੂ ਹੋ ਗਈ ਹੈ। ਨਤੀਜੇ ਸ਼ਾਮ ਤੱਕ ਆਉਣ ਦੀ ਉਮੀਦ ਹੈ, ਜਿਸ ਵਿੱਚ ਇਹ ਫੈਸਲਾ ਹੋਵੇਗਾ ਕਿ ਆਮ ਆਦਮੀ ਪਾਰਟੀ (ਆਪ) ਤੀਜੀ ਵਾਰ ਦਿੱਲੀ ਵਿੱਚ ਸਰਕਾਰ ਬਣਾਏਗੀ ਜਾਂ ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਸੱਤਾ ਵਿੱਚ ਵਾਪਸੀ ਕਰੇਗੀ। ਐਗਜ਼ਿਟ ਪੋਲ ਭਾਜਪਾ ਦੇ ਹੱਕ ਵਿੱਚ ਭਵਿੱਖਬਾਣੀ ਕਰ ਰਹੇ ਹਨ।

ਨਤੀਜਿਆਂ ਦੇ ਤਾਜ਼ਾ ਅਪਡੇਟਸ

09:46 (IST) 8 ਫਰਵਰੀ 2025: ਨਵੀਂ ਦਿੱਲੀ ਤੋਂ ਭਾਜਪਾ ਦੇ ਪਰਵੇਸ਼ ਵਰਮਾ ਅੱਗੇ ਚੱਲ ਰਹੇ ਹਨ।

09:45 (IST) 8 ਫਰਵਰੀ 2025: 2020 ਦੇ ਦਿੱਲੀ ਦੰਗਿਆਂ ਦਾ ਦੋਸ਼ੀ ਤਾਹਿਰ ਹੁਸੈਨ ਮੁਸਤਫਾਬਾਦ ਤੋਂ 5ਵੇਂ ਨੰਬਰ 'ਤੇ ਹੈ, ਉਹ ਓਵੈਸੀ ਦੀ ਪਾਰਟੀ ਏਆਈਐਮਆਈਐਮ ਦੀ ਟਿਕਟ 'ਤੇ ਚੋਣ ਲੜ ਰਹੇ ਹਨ।

09:44 (IST) 8 ਫਰਵਰੀ 2025: ਦਿੱਲੀ ਚੋਣ ਨਤੀਜਿਆਂ 'ਤੇ ਉਮਰ ਅਬਦੁੱਲਾ ਨੇ ਟਵੀਟ ਕੀਤਾ ਹੈ।

09:29 (IST) 8 ਫਰਵਰੀ 2025: ਦਿੱਲੀ ਦੀਆਂ ਕਈ ਸੀਟਾਂ 'ਤੇ ਭਾਜਪਾ ਅਤੇ 'ਆਪ' ਅੱਗੇ ਚੱਲ ਰਹੀਆਂ ਹਨ।

09:28 (IST) 8 ਫਰਵਰੀ 2025: ਚੋਣ ਕਮਿਸ਼ਨ ਦੇ ਰੁਝਾਨਾਂ ਵਿੱਚ ਭਾਜਪਾ ਅੱਗੇ ਹੈ, ਜਦੋਂ ਕਿ ਬਦਰਪੁਰ ਸੀਟ ਤੋਂ 'ਆਪ' ਦੇ ਗੋਪਾਲ ਰਾਏ ਅੱਗੇ ਚੱਲ ਰਹੇ ਹਨ।

09:16 (IST) 8 ਫਰਵਰੀ 2025: ਓਖਲਾ ਵਿੱਚ ਭਾਜਪਾ ਅੱਗੇ ਹੈ, ਜਦੋਂ ਕਿ ਕੇਜਰੀਵਾਲ 1500 ਵੋਟਾਂ ਨਾਲ ਪਿੱਛੇ ਹਨ।

09:06 (IST) 8 ਫਰਵਰੀ 2025: ਕਾਲਕਾਜੀ ਤੋਂ ਭਾਜਪਾ ਦੇ ਰਮੇਸ਼ ਬਿਧੂੜੀ ਅੱਗੇ ਹਨ।

08:55 (IST) 8 ਫਰਵਰੀ 2025: ਈਵੀਐਮ ਦੀ ਗਿਣਤੀ ਵਿੱਚ ਜਨਕਪੁਰੀ ਤੋਂ 'ਆਪ' ਦੇ ਪ੍ਰਵੀਨ ਕੁਮਾਰ ਅਤੇ ਕਰਾਵਲ ਨਗਰ ਤੋਂ ਭਾਜਪਾ ਦੇ ਕਪਿਲ ਮਿਸ਼ਰਾ ਅੱਗੇ ਚੱਲ ਰਹੇ ਹਨ।

08:50 (IST) 8 ਫਰਵਰੀ 2025: ਦਿਓਲੀ ਵਿੱਚ ਐਲਜੇਪੀ ਉਮੀਦਵਾਰ ਪਿੱਛੇ ਰਹਿ ਗਿਆ ਹੈ।

08:35 (IST) 8 ਫਰਵਰੀ 2025: ਭਾਜਪਾ ਦੇ ਕੁਲਵੰਤ ਰਾਣਾ ਰਿਠਾਲਾ ਤੋਂ ਅੱਗੇ ਚੱਲ ਰਹੇ ਹਨ, ਜਦੋਂ ਕਿ ਆਪ ਦੇ ਇਮਰਾਨ ਹੁਸੈਨ ਬੱਲੀਮਾਰਨ ਤੋਂ ਅੱਗੇ ਚੱਲ ਰਹੇ ਹਨ।

ਦਰਅਸਲ ਦਿੱਲੀ ਵਿੱਚ ਕਿਸਦੀ ਸਰਕਾਰ ਬਣੇਗੀ, ਇਸ ਬਾਰੇ ਸਸਪੈਂਸ ਹੁਣ ਖਤਮ ਹੁੰਦਾ ਜਾ ਰਿਹਾ ਹੈ। ਸਾਰੀਆਂ 70 ਸੀਟਾਂ ਲਈ ਵੋਟਾਂ ਦੀ ਗਿਣਤੀ ਜਾਰੀ ਹੈ। ਸ਼ੁਰੂਆਤੀ ਰੁਝਾਨਾਂ ਵਿੱਚ ਭਾਜਪਾ ਨੂੰ ਬਹੁਮਤ ਮਿਲ ਗਿਆ ਹੈ। ਆਮ ਆਦਮੀ ਪਾਰਟੀ ਦੇ ਮੁਖੀ ਅਰਵਿੰਦ ਕੇਜਰੀਵਾਲ , ਸਾਬਕਾ ਉਪ ਮੁੱਖ ਮੰਤਰੀ ਮਨੀਸ਼ ਸਿਸੋਦੀਆ ਅਤੇ ਮੁੱਖ ਮੰਤਰੀ ਆਤਿਸ਼ੀ ਵੀ ਆਪਣੀਆਂ ਸੀਟਾਂ 'ਤੇ ਪਿੱਛੇ ਚੱਲ ਰਹੇ ਹਨ। ਦਿੱਲੀ ਵਿੱਚ ਲਗਾਤਾਰ ਤਿੰਨ ਵਾਰ ਸਰਕਾਰ ਬਣਾਉਣ ਵਾਲੀ ਆਮ ਆਦਮੀ ਪਾਰਟੀ (ਆਪ) ਨੂੰ ਇਸ ਵਾਰ ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਅਤੇ ਕਾਂਗਰਸ ਤੋਂ ਸਖ਼ਤ ਮੁਕਾਬਲੇ ਦਾ ਸਾਹਮਣਾ ਕਰਨਾ ਪਿਆ ਹੈ। 

ਵੋਟਾਂ ਦੀ ਗਿਣਤੀ ਜਾਰੀ ਹੈ ਅਤੇ ਨਤੀਜਿਆਂ ਵਿੱਚ ਬਦਲਾਅ ਹੋ ਸਕਦਾ ਹੈ। ਤਾਜ਼ਾ ਜਾਣਕਾਰੀ ਲਈ Hamdardtv ਨਾਲ ਜੁੜੇ ਰਹੋ।