ਅਹਿਮਦਾਬਾਦ ਵਿੱਚ ਰਾਮ ਨੌਮੀ ਦੌਰਾਨ VHP ਦੇ ਜਲੂਸ 'ਚ ਹਫੜਾ-ਦਫੜੀ

ਲਵ ਜਿਹਾਦ ਵਾਲੇ ਪੋਸਟਰਾਂ ਕਾਰਨ ਵਿਵਾਦ

ਅਹਿਮਦਾਬਾਦ : ਰਾਮ ਨੌਮੀ ਮੌਕੇ ਅਹਿਮਦਾਬਾਦ ਵਿੱਚ ਵਿਸ਼ਵ ਹਿੰਦੂ ਪਰਿਸ਼ਦ (VHP) ਵੱਲੋਂ ਕੱਢੇ ਜਲੂਸ ਨੂੰ ਲੈ ਕੇ ਤਣਾਅ ਦੀ ਸਥਿਤੀ ਬਣ ਗਈ। ਲਵ ਜਿਹਾਦ ਨੂੰ ਕੇਂਦਰ ਬਣਾ ਕੇ ਕੱਢੇ ਜਾ ਰਹੇ ਜਲੂਸ ਦੀ ਪੁਲਿਸ ਨੇ ਇਜਾਜ਼ਤ ਨਾ ਹੋਣ ਕਾਰਨ ਰੋਕਥਾਮ ਕੀਤੀ, ਜਿਸ ਤੋਂ ਬਾਅਦ ਹਫੜਾ-ਦਫੜੀ ਹੋ ਗਈ।

ਵਾਕਿਆ ਨਿਕੋਲ ਇਲਾਕੇ ਵਿੱਚ ਹੋਇਆ, ਜਿੱਥੇ VHP ਵਰਕਰਾਂ ਨੇ ਪੁਲਿਸ ਦੇ ਨਾਲ ਤਕਰਾਰ ਕੀਤੀ ਅਤੇ ਵਿਰੋਧ ਵਜੋਂ ਸੜਕ 'ਤੇ ਬੈਠ ਕੇ ਜਾਮ ਲਾ ਦਿੱਤਾ। ਪੁਲਿਸ ਅਤੇ VHP ਵਰਕਰਾਂ ਵਿਚਕਾਰ ਝਗੜੇ ਦੀ ਸਥਿਤੀ ਬਣੀ, ਪਰ ਮਾਮਲਾ ਵਧਣ ਤੋਂ ਪਹਿਲਾਂ ਸੁਰੱਖਿਆ ਬਲ ਮੌਕੇ 'ਤੇ ਤਾਇਨਾਤ ਕਰ ਦਿੱਤੇ ਗਏ।

VHP ਵਰਕਰਾਂ ਨੇ ਜਲੂਸ ਰੋਕਣ ਦੇ ਵਿਰੋਧ 'ਚ ਸੜਕ 'ਤੇ ਬੈਠ ਕੇ ਹਨੂੰਮਾਨ ਚਾਲੀਸਾ ਦਾ ਪਾਠ ਸ਼ੁਰੂ ਕਰ ਦਿੱਤਾ।