ਅਮਰੀਕਾ ਨੇ ਸੀਰੀਆ 'ਤੇ ਕੀਤਾ ਹਵਾਈ ਹਮਲਾ

ਅਲਕਾਇਦਾ ਦਾ ਚੋਟੀ ਦਾ ਅੱਤਵਾਦੀ ਮੁਹੰਮਦ ਸਲਾਹ ਅਲ-ਜਬੀਰ ਮਾਰਿਆ ਗਿਆ

ਅਮਰੀਕੀ ਫੌਜ ਨੇ ਵੀਰਵਾਰ ਨੂੰ ਸੀਰੀਆ ਦੇ ਉੱਤਰ-ਪੱਛਮੀ ਹਿੱਸੇ 'ਚ ਹਵਾਈ ਹਮਲੇ 'ਚ ਅਲਕਾਇਦਾ ਨਾਲ ਜੁੜੇ ਅੱਤਵਾਦੀ ਸੰਗਠਨ ਦੇ ਸੀਨੀਅਰ ਅੱਤਵਾਦੀ ਮੁਹੰਮਦ ਸਲਾਹ ਅਲ-ਜਬੀਰ ਨੂੰ ਮਾਰ ਦਿੱਤਾ। ਯੂਐਸ ਸੈਂਟਰਲ ਕਮਾਂਡ ਨੇ ਕਿਹਾ ਕਿ ਇਹ ਹਮਲਾ ਅੱਤਵਾਦੀ ਗਤੀਵਿਧੀਆਂ ਵਿੱਚ ਵਿਘਨ ਪਾਉਣ ਅਤੇ ਉਨ੍ਹਾਂ ਨੂੰ ਤਬਾਹ ਕਰਨ ਦੀ ਕੋਸ਼ਿਸ਼ਾਂ ਦਾ ਹਿੱਸਾ ਸੀ। ਜਬੀਰ ਹੁਰਾਸ ਅਲ-ਦੀਨ ਸਮੂਹ ਨਾਲ ਜੁੜਿਆ ਸੀ, ਜੋ ਅਲਕਾਇਦਾ ਨਾਲ ਸਬੰਧਤ ਹੈ।

ਦੂਜੇ ਪਾਸੇ, ਫਲਸਤੀਨੀ ਅੱਤਵਾਦੀ ਸਮੂਹ ਹਮਾਸ ਨੇ ਵੀਰਵਾਰ ਨੂੰ ਪੁਸ਼ਟੀ ਕੀਤੀ ਕਿ ਇਜ਼ਰਾਇਲੀ ਹਵਾਈ ਹਮਲੇ 'ਚ ਉਨ੍ਹਾਂ ਦੇ ਫੌਜ ਮੁਖੀ ਮੁਹੰਮਦ ਦਾਇਫ ਦੀ ਮੌਤ ਹੋ ਗਈ ਹੈ। ਇਹ ਪੁਸ਼ਟੀ ਇਜ਼ਰਾਈਲ ਡਿਫੈਂਸ ਫੋਰਸਿਜ਼ (ਆਈਡੀਐਫ) ਦੇ ਐਲਾਨ ਦੇ ਮਹੀਨਿਆਂ ਬਾਅਦ ਆਈ। ਟਾਈਮਜ਼ ਆਫ਼ ਇਜ਼ਰਾਈਲ ਮੁਤਾਬਕ, ਹਮਾਸ ਦੇ ਬੁਲਾਰੇ ਅਬੂ ਓਬੈਦਾ ਨੇ ਵੀਡੀਓ ਬਿਆਨ ਰਾਹੀਂ ਇਹ ਜਾਣਕਾਰੀ ਦਿੱਤੀ। 

7 ਅਕਤੂਬਰ 2023 ਨੂੰ, ਹਮਾਸ ਨੇ ਦੱਖਣੀ ਇਜ਼ਰਾਈਲ 'ਤੇ ਹਮਲਾ ਕੀਤਾ, ਜਿਸ ਵਿੱਚ 1,200 ਤੋਂ ਵੱਧ ਲੋਕ ਮਾਰੇ ਗਏ, ਜਿਨ੍ਹਾਂ ਵਿੱਚ ਜ਼ਿਆਦਾਤਰ ਆਮ ਨਾਗਰਿਕ ਸਨ। 200 ਤੋਂ ਵੱਧ ਲੋਕ ਅਗਵਾ ਹੋ ਗਏ। ਇਸ ਦੇ ਜਵਾਬ 'ਚ, ਇਜ਼ਰਾਈਲ ਨੇ ਹਮਾਸ ਵਿਰੁੱਧ ਗਾਜ਼ਾ 'ਚ ਵੱਡੀ ਕਾਰਵਾਈ ਕੀਤੀ, ਜਿਸ ਵਿੱਚ 46,000 ਤੋਂ ਵੱਧ ਫਲਸਤੀਨੀ ਮਾਰੇ ਗਏ। ਹਾਲ ਹੀ 'ਚ ਗਾਜ਼ਾ 'ਚ ਇਜ਼ਰਾਈਲ ਅਤੇ ਹਮਾਸ ਵਿਚਾਲੇ ਜੰਗਬੰਦੀ 'ਤੇ ਸਹਿਮਤੀ ਬਣੀ ਸੀ। ਇਸ ਸਮਝੌਤੇ ਤਹਿਤ ਬੰਧਕਾਂ ਅਤੇ ਕੈਦੀਆਂ ਦੀ ਅਦਲਾ-ਬਦਲੀ ਹੋਈ ਹੈ। ਵੀਰਵਾਰ ਨੂੰ ਹਮਾਸ ਨੇ 110 ਫਲਸਤੀਨੀ ਕੈਦੀਆਂ ਦੇ ਬਦਲੇ ਇਜ਼ਰਾਈਲ ਤੋਂ 8 ਬੰਧਕਾਂ ਨੂੰ ਰਿਹਾਅ ਕਰ ਦਿੱਤਾ। ਇਨ੍ਹਾਂ ਵਿੱਚ 5 ਥਾਈ ਖੇਤੀਬਾੜੀ ਕਾਮੇ ਅਤੇ 3 ਜਰਮਨ-ਇਜ਼ਰਾਈਲੀ ਨਾਗਰਿਕ ਸ਼ਾਮਲ ਸਨ।

ਹਾਲ ਹੀ 'ਚ, ਇਜ਼ਰਾਈਲ ਅਤੇ ਹਮਾਸ ਵਿਚਾਲੇ ਜੰਗਬੰਦੀ 'ਤੇ ਸਹਿਮਤੀ ਬਣੀ। ਇਸ ਸਮਝੌਤੇ ਅਧੀਨ, ਬੰਧਕਾਂ ਅਤੇ ਕੈਦੀਆਂ ਦੀ ਅਦਲਾ-ਬਦਲੀ ਹੋਈ। ਵੀਰਵਾਰ ਨੂੰ ਹਮਾਸ ਨੇ 110 ਫਲਸਤੀਨੀ ਕੈਦੀਆਂ ਦੇ ਬਦਲੇ ਇਜ਼ਰਾਈਲ ਤੋਂ 8 ਬੰਧਕ ਰਿਹਾਅ ਕਰਵਾਏ। ਇਨ੍ਹਾਂ 'ਚ 5 ਥਾਈ ਖੇਤੀਬਾੜੀ ਮਜ਼ਦੂਰ ਅਤੇ 3 ਜਰਮਨ-ਇਜ਼ਰਾਈਲੀ ਨਾਗਰਿਕ ਸ਼ਾਮਲ ਸਨ।