ਤਾਇਵਾਨ 'ਚ ਅਧਿਆਪਕ ਨੇ ਕੀਤਾ 6 ਲੜਕੀਆਂ ਨਾਲ ਹੱਥੋ ਵੱਧ ਧੱਕਾ
28 ਸਾਲ ਦੀ ਸਜ਼ਾ, ਦੋਸ਼ੀ ਨੇ ਪੀੜਤਾਂ ਦੀਆਂ ਅਸ਼-ਲੀਲ ਵੀਡੀਓ ਵੀ ਬਣਾਈਆਂ
ਤਾਇਵਾਨ : ਤਾਇਵਾਨ ਵਿੱਚ ਇੱਕ ਅਧਿਆਪਕ ਨੂੰ ਛੇ ਕੁੜੀਆਂ ਨਾਲ ਬਲਾਤਕਾਰ ਕਰਨ ਦੇ ਦੋਸ਼ ਵਿੱਚ 28 ਸਾਲ ਦੀ ਸਜ਼ਾ ਸੁਣਾਈ ਗਈ ਹੈ। ਤਾਈਪੇ ਟਾਈਮਜ਼ ਦੇ ਅਨੁਸਾਰ, 30 ਸਾਲਾ ਕਿੰਡਰਗਾਰਟਨ ਅਧਿਆਪਕ ਮਾਓ ਚੁਨ ਸ਼ੇਨ ਨੂੰ ਛੇ ਲੜਕੀਆਂ ਦੇ ਬਲਾਤਕਾਰ ਦੇ 11, ਸ਼ੋਸ਼ਣ ਦੇ 207 ਅਤੇ ਅਸ਼ਲੀਲ ਫੋਟੋਆਂ ਅਤੇ ਵੀਡੀਓ ਬਣਾਉਣ ਦੇ ਛੇ ਮਾਮਲਿਆਂ ਵਿੱਚ ਦੋਸ਼ੀ ਠਹਿਰਾਇਆ ਗਿਆ ਸੀ।
ਤਾਈਪੇ ਦੀ ਅਦਾਲਤ ਨੇ ਕਿਹਾ ਕਿ ਮਾਓ ਨੂੰ ਕੁੱਲ 224 ਮਾਮਲਿਆਂ 'ਤੇ ਦੋਸ਼ੀ ਪਾਇਆ ਗਿਆ, ਜਿਸ 'ਚ ਕਾਨੂੰਨ ਮੁਤਾਬਕ ਉਸ ਦੀ ਕੁੱਲ ਸਜ਼ਾ 1252 ਸਾਲ 6 ਮਹੀਨੇ ਹੋਵੇਗੀ। ਹਾਲਾਂਕਿ ਉਸ ਨੂੰ 28 ਸਾਲ ਦੀ ਸਜ਼ਾ ਸੁਣਾਈ ਗਈ ਸੀ। ਮਾਓ ਅਜੇ ਵੀ ਇਸ ਵਿਰੁੱਧ ਅਪੀਲ ਕਰ ਸਕਦਾ ਹੈ।
ਮਾਓ ਨੂੰ ਪਿਛਲੇ ਸਾਲ ਜੁਲਾਈ ਵਿੱਚ ਤਾਈਪੇ ਦੇ ਪਿਰਾਮਿਡ ਸਕੂਲ ਵਿੱਚ ਬੱਚਿਆਂ ਨਾਲ ਜਿਨਸੀ ਸ਼ੋਸ਼ਣ ਦੇ ਦੋਸ਼ ਵਿੱਚ ਗ੍ਰਿਫ਼ਤਾਰ ਕੀਤਾ ਗਿਆ ਸੀ। ਉਸ ਖਿਲਾਫ 2022 'ਚ ਪਹਿਲਾ ਮਾਮਲਾ ਦਰਜ ਕੀਤਾ ਗਿਆ ਸੀ। ਹਾਲਾਂਕਿ ਸਬੂਤਾਂ ਦੀ ਘਾਟ ਕਾਰਨ ਜਾਂਚ ਬੰਦ ਕਰ ਦਿੱਤੀ ਗਈ ਸੀ। ਬਾਅਦ 'ਚ ਕਈ ਮਾਮਲੇ ਸਾਹਮਣੇ ਆਉਣ 'ਤੇ ਉਸ ਨੂੰ ਪਿਛਲੇ ਸਾਲ ਸਕੂਲਾਂ 'ਚ ਪੜ੍ਹਾਉਣ 'ਤੇ ਪਾਬੰਦੀ ਲਗਾ ਦਿੱਤੀ ਗਈ ਸੀ। ਖਾਸ ਗੱਲ ਇਹ ਹੈ ਕਿ ਮਾਓ ਤਾਈਪੇ ਪਿਰਾਮਿਡ ਸਕੂਲ ਦੇ ਮਾਲਕ ਦਾ ਬੇਟਾ ਹੈ।
ਮਾਓ ਨੇ ਸਮਾਜਿਕ ਕਾਰਜ ਵਿੱਚ ਕਾਲਜ ਦੀ ਡਿਗਰੀ ਪ੍ਰਾਪਤ ਕੀਤੀ ਹੈ ਅਤੇ ਸਤੰਬਰ 2021 ਵਿੱਚ ਤਾਈਪੇ ਦੇ ਸਕੂਲ ਵਿੱਚ ਪੜ੍ਹਾਉਣਾ ਸ਼ੁਰੂ ਕੀਤਾ। ਇੱਥੇ ਉਹ ਸੀਸੀਟੀਵੀ ਦਾ ਪ੍ਰਬੰਧ ਕਰਨ, ਦੁਪਹਿਰ ਦੇ ਖਾਣੇ ਦੀ ਛੁੱਟੀ ਦੌਰਾਨ ਬੱਚਿਆਂ ਦੀ ਦੇਖਭਾਲ ਕਰਨ, ਉਨ੍ਹਾਂ ਨੂੰ ਪੜ੍ਹਾਉਣ ਵਿੱਚ ਅਧਿਆਪਕਾਂ ਦੀ ਮਦਦ ਕਰਨ ਅਤੇ ਬੱਚਿਆਂ ਨੂੰ ਸਕੂਲ ਲਿਆਉਣ ਅਤੇ ਉਨ੍ਹਾਂ ਨੂੰ ਘਰ ਛੱਡਣ ਲਈ ਜ਼ਿੰਮੇਵਾਰ ਸੀ।
ਮਾਓ 'ਤੇ ਅਜੇ ਵੀ ਕਈ ਦੋਸ਼ ਹਨ, ਜਿਨ੍ਹਾਂ ਦੀ ਜਾਂਚ ਚੱਲ ਰਹੀ ਹੈ। ਮਾਓ ਦੇ ਜੁਰਮ ਦਾ ਪੂਰਾ ਵੇਰਵਾ ਉਦੋਂ ਸਾਹਮਣੇ ਆਇਆ ਜਦੋਂ ਪੀੜਤ ਬੱਚਿਆਂ ਦੇ ਪਰਿਵਾਰਕ ਮੈਂਬਰਾਂ ਨੇ ਉਸ ਦਾ ਫੋਨ ਜ਼ਬਤ ਕਰਨ ਦੀ ਮੰਗ ਕੀਤੀ। ਉਸ ਦੇ ਫੋਨ 'ਤੇ ਬੱਚਿਆਂ ਦੀਆਂ 600 ਤੋਂ ਵੱਧ ਅਸ਼ਲੀਲ ਵੀਡੀਓ ਅਤੇ ਤਸਵੀਰਾਂ ਸਨ। ਸਬੂਤ ਸਾਹਮਣੇ ਆਉਣ ਤੋਂ ਬਾਅਦ ਪਿਛਲੇ ਮਹੀਨੇ ਜੁਲਾਈ 'ਚ ਤਾਈਪੇ ਦੇ ਮੇਅਰ ਚਿਆਂਗ ਵਾਨ-ਐਨ ਨੇ ਵੀ ਜਨਤਕ ਤੌਰ 'ਤੇ ਮੁਆਫੀ ਮੰਗੀ ਸੀ।