ਮੁੰਬਈ ਦੇ ਟਾਈਮਜ਼ ਟਾਵਰ 'ਚ ਲੱਗੀ ਅੱਗ

ਮੁੰਬਈ : ਮੁੰਬਈ ਵਿੱਚ ਸ਼ੁੱਕਰਵਾਰ ਨੂੰ ਸੱਤ ਮੰਜ਼ਿਲਾ ਵਪਾਰਕ ਇਮਾਰਤ ਟਾਈਮਜ਼ ਟਾਵਰ ਵਿੱਚ ਭਿਆਨਕ ਅੱਗ ਲੱਗ ਗਈ। ਮੁੰਬਈ ਮਿਉਂਸਪਲ ਕਾਰਪੋਰੇਸ਼ਨ (ਬੀਐਮਸੀ) ਦੇ ਅਧਿਕਾਰੀਆਂ ਨੇ ਦੱਸਿਆ ਕਿ ਲੋਅਰ ਪਰੇਲ ਦੇ ਕਮਲਾ ਮਿੱਲ ਕੰਪਾਊਂਡ ਵਿੱਚ ਸਵੇਰੇ ਕਰੀਬ 6.30 ਵਜੇ ਅੱਗ ਲੱਗੀ।

ਫਾਇਰ ਬ੍ਰਿਗੇਡ ਗੱਡੀਆਂ ਨੂੰ ਘਟਨਾ ਸਥਾਨ 'ਤੇ ਭੇਜਿਆ ਹੈ। ਅਧਿਕਾਰੀ ਨੇ ਅੱਗੇ ਕਿਹਾ ਕਿ ਅਜੇ ਤੱਕ ਕਿਸੇ ਜਾਨੀ ਨੁਕਸਾਨ ਦੀ ਕੋਈ ਰਿਪੋਰਟ ਨਹੀਂ ਹੈ। ਚਾਰ ਫਾਇਰ ਇੰਜਣ, ਇੱਕ ਮੋਬਾਈਲ ਫਾਇਰ ਟੈਂਡਰ (ਐਮਐਫਟੀ), ਇੱਕ ਕਵਿੱਕ ਰਿਸਪਾਂਸ ਵਹੀਕਲ (ਕਿਊਆਰਵੀ), ਇੱਕ ਏਰੀਅਲ ਵਰਕ ਪਲੇਟਫਾਰਮ (ਏਡਬਲਿਊਟੀਟੀ), ਦੋ ਜੈੱਟ ਟੈਂਕ (ਜੇਟੀ), ਅਤੇ ਇੱਕ ਟਰਨ ਟੇਬਲ ਲੈਡਰ (ਟੀਟੀਐਲ) ਨੂੰ ਘਟਨਾ ਸਥਾਨ ਲਈ ਰਵਾਨਾ ਕੀਤਾ ਗਿਆ ।