ਵਕ਼ਫ਼ ਸੋਧ ਬਿੱਲ ਤੋਂ ਬਾਅਦ ਪਹਿਲੀ ਕਾਰਵਾਈ, ਮਦਰੱਸੇ ਨੂੰ ਢਾਹਿਆ ਗਿਆ

ਪੰਨਾ (ਮੱਧ ਪ੍ਰਦੇਸ਼), 13 ਅਪ੍ਰੈਲ 2025 – ਮੱਧ ਪ੍ਰਦੇਸ਼ ਦੇ ਪੰਨਾ ਜ਼ਿਲ੍ਹੇ ਵਿੱਚ ਇੱਕ ਗੈਰ-ਕਾਨੂੰਨੀ ਮਦਰੱਸੇ 'ਤੇ ਬੁਲਡੋਜ਼ਰ ਚਲਾਇਆ ਗਿਆ ਹੈ। ਇਹ ਕਾਰਵਾਈ ਵਕ਼ਫ਼ ਸੋਧ ਬਿੱਲ ਪਾਸ ਹੋਣ ਤੋਂ ਬਾਅਦ ਪਹਿਲੀ ਅਮਲਵਾਰੀ ਮੰਨੀ ਜਾ ਰਹੀ ਹੈ। ਪ੍ਰਸ਼ਾਸਨ ਨੇ ਮਦਰੱਸਾ ਸੰਚਾਲਕਾਂ ਨੂੰ ਨੋਟਿਸ ਜਾਰੀ ਕੀਤਾ ਸੀ, ਜਿਸ ਤੋਂ ਬਾਅਦ ਉਨ੍ਹਾਂ ਨੇ ਖੁਦ ਹੀ ਬੁਲਡੋਜ਼ਰ ਲਿਆ ਕੇ ਇਮਾਰਤ ਨੂੰ ਢਾਹ ਦਿੱਤਾ।

ਕੀ ਸੀ ਮਾਮਲੇ ਦੀ ਪਿਛੋਕੜ?

ਬੀਡੀ ਕਲੋਨੀ, ਪੰਨਾ ਵਿੱਚ ਪਿਛਲੇ ਤਕਰੀਬਨ 30 ਸਾਲਾਂ ਤੋਂ ਇਹ ਮਦਰੱਸਾ ਚਲ ਰਿਹਾ ਸੀ। ਹਾਲਾਂਕਿ ਕਈ ਵਾਰੀ ਨੋਟਿਸ ਮਿਲਣ ਦੇ ਬਾਵਜੂਦ, ਇਮਾਰਤ ਨੂੰ ਕਾਨੂੰਨੀ ਤੌਰ 'ਤੇ ਰਜਿਸਟਰ ਨਹੀਂ ਕਰਵਾਇਆ ਗਿਆ। ਹਾਲ ਹੀ ਵਿੱਚ, ਭਾਜਪਾ ਦੇ ਸੂਬਾ ਪ੍ਰਧਾਨ ਵੀਡੀ ਸ਼ਰਮਾ ਅਤੇ ਕੁਝ ਸਥਾਨਕ ਨਿਵਾਸੀਆਂ ਵੱਲੋਂ ਵਕ਼ਫ਼ ਜ਼ਮੀਨ 'ਤੇ ਹੋ ਰਹੀਆਂ ਗੈਰ-ਕਾਨੂੰਨੀ ਗਤੀਵਿਧੀਆਂ ਬਾਰੇ ਸ਼ਿਕਾਇਤ ਦਿੱਤੀ ਗਈ ਸੀ।

ਵਕ਼ਫ਼ ਸੋਧ ਬਿੱਲ ਤੋਂ ਬਾਅਦ ਸਖ਼ਤੀ

ਵਕ਼ਫ਼ ਐਕਟ 'ਚ ਹੋਏ ਨਵੇਂ ਸੋਧਾਂ ਤੋਂ ਬਾਅਦ, ਅਜਿਹੀਆਂ ਜਾਇਦਾਦਾਂ ਦੀ ਜਾਂਚ ਤੇ ਰੈਗੂਲੇਸ਼ਨ ਕੜੀ ਹੋਈ ਹੈ। ਨਵੇਂ ਕਾਨੂੰਨ ਦੇ ਆਧਾਰ 'ਤੇ ਪ੍ਰਸ਼ਾਸਨ ਨੇ ਤੁਰੰਤ ਕਾਰਵਾਈ ਕੀਤੀ। ਮਦਰੱਸੇ ਦੇ ਸੰਚਾਲਕ ਨੇ ਦਾਅਵਾ ਕੀਤਾ ਕਿ ਉਨ੍ਹਾਂ ਕੋਲ ਪੁਰਾਣੀ ਗ੍ਰਾਮ ਪੰਚਾਇਤ ਦੀ ਮਨਜ਼ੂਰੀ ਸੀ, ਪਰ ਨਗਰ ਨਿਗਮ ਦੇ ਅਧੀਨ ਆਉਣ ਕਾਰਨ ਉਸਾਰੀ ਗੈਰ-ਕਾਨੂੰਨੀ ਮੰਨੀ ਗਈ।

ਕੀ ਕਿਹਾ ਭਾਜਪਾ ਨੇ?

ਵੀਡੀ ਸ਼ਰਮਾ ਨੇ ਕਿਹਾ ਕਿ ਵਕ਼ਫ਼ ਸੰਪਤੀਆਂ ਦੀ ਬੇਤਰੀ ਅਤੇ ਵਿਵਸਥਾ ਲਈ ਕਾਨੂੰਨ ਲਾਗੂ ਕੀਤਾ ਗਿਆ ਹੈ, ਜਿਸ ਨਾਲ ਹੁਣ ਐਕੁਆਇਰ ਕੀਤੀ ਗਈ ਜ਼ਮੀਨ ਦੇ ਗਲਤ ਵਰਤੋਂ ਨੂੰ ਰੋਕਿਆ ਜਾ ਸਕੇਗਾ। ਉਨ੍ਹਾਂ ਮੁਤਾਬਕ, ਭਵਿੱਖ ਵਿੱਚ ਅਜਿਹੀਆਂ ਜਾਇਦਾਦਾਂ ਤੋਂ ਆਉਣ ਵਾਲੀ ਆਮਦਨ ਘੱਟ ਗਿਣਤੀ ਭਾਈਚਾਰੇ ਦੀ ਤਾਲੀਮ ਅਤੇ ਵਿਕਾਸ ਲਈ ਵਰਤੀ ਜਾਵੇਗੀ।