ਬਾਲੀਵੁੱਡ ਅਭਿਨੇਤਾ ਸਲਮਾਨ ਖਾਨ ਇਨ੍ਹੀਂ ਦਿਨੀਂ ਆਪਣੇ ਜਨਮਦਿਨ ਦੇ ਜਸ਼ਨ ਨੂੰ ਲੈ ਕੇ ਸੁਰਖੀਆਂ 'ਚ ਹਨ। 27 ਦਸੰਬਰ ਨੂੰ ਅਦਾਕਾਰ ਨੇ ਆਪਣਾ ਜਨਮਦਿਨ ਕੁਝ ਖਾਸ ਦੋਸਤਾਂ ਨਾਲ ਮਨਾਇਆ। ਹਾਲਾਂਕਿ ਸਲਮਾਨ ਇਸ ਖਾਸ ਦਿਨ 'ਤੇ ਆਪਣੇ ਪ੍ਰਸ਼ੰਸਕਾਂ ਨੂੰ ਮਿਲਦੇ ਹਨ ਪਰ ਇਸ ਵਾਰ ਉਨ੍ਹਾਂ ਨੇ ਜਾਮਨਗਰ 'ਚ ਆਪਣਾ ਜਨਮਦਿਨ ਮਨਾਇਆ, ਜਿਸ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਸਾਹਮਣੇ ਆਈ ਹੈ। ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ ਕਿ ਸਲਮਾਨ ਖਾਨ ਨੇ ਆਪਣੀ ਭਤੀਜੀ ਆਇਤ ਨੂੰ ਗੋਦ 'ਚ ਲੈ ਕੇ ਕੇਕ ਕੱਟਿਆ ਹੈ। ਕੇਕ ਕੱਟਣ ਤੋਂ ਬਾਅਦ ਆਤਿਸ਼ਬਾਜ਼ੀ ਵੀ ਕੀਤੀ ਗਈ।
ਦੱਸ ਦੇਈਏ ਕਿ ਸਲਮਾਨ ਖਾਨ ਦੇ 59ਵੇਂ ਜਨਮਦਿਨ 'ਤੇ ਜਾਮਨਗਰ 'ਚ ਇਕ ਸ਼ਾਨਦਾਰ ਪਾਰਟੀ ਦਾ ਆਯੋਜਨ ਕੀਤਾ ਗਿਆ ਸੀ, ਜਿਸ ਦੀ ਮੇਜ਼ਬਾਨੀ ਅੰਬਾਨੀ ਪਰਿਵਾਰ ਨੇ ਕੀਤੀ ਸੀ। ਅੰਬਾਨੀ ਪਰਿਵਾਰ ਨੇ ਸਲਮਾਨ ਖਾਨ ਦੇ ਜਨਮਦਿਨ ਨੂੰ ਸ਼ਾਨਦਾਰ ਤਰੀਕੇ ਨਾਲ ਖਾਸ ਬਣਾਇਆ। ਇਸ ਸੈਲੀਬ੍ਰੇਸ਼ਨ 'ਚ ਹਿੱਸਾ ਲੈਣ ਲਈ ਸਲਮਾਨ ਖਾਨ ਦਾ ਪਰਿਵਾਰ ਅਤੇ ਇੰਡਸਟਰੀ ਦੇ ਖਾਸ ਦੋਸਤ ਵੀ ਜਾਮਨਗਰ ਪਹੁੰਚੇ।