ਕੈਨੇਡਾ ਦੇ ਬਰਨਬੀ ਦਾ ਵਾਸੀ ਅਮਨਦੀਪ ਸੰਘਾ ਲਾਪਤਾ

ਬਰਨਬੀ (ਬੀ.ਸੀ.), (ਹਮਦਰਦ ਨਿਊਜ਼ ਸਰਵਿਸ) : ਕੈਨੇਡਾ ਦੇ ਬੀ.ਸੀ. ਸੂਬੇ ਦੇ ਬਰਨਬੀ ਸ਼ਹਿਰ ਦਾ ਵਾਸੀ ਅਮਨਦੀਪ ਸੰਘਾ ਲਾਪਤਾ ਹੋ ਗਿਆ, ਜਿਸ ਦੀ ਭਾਲ ਲਈ ਬਰਨਬੀ ਆਰਸੀਐਮਪੀ ਨੇ ਲੋਕਾਂ ਕੋਲੋਂ ਮਦਦ ਦੀ ਮੰਗ ਕੀਤੀ ਹੈ। ਪੁਲਿਸ ਅਤੇ ਪਰਿਵਾਰ ਸੰਘਾ ਦੀ ਸਿਹਤਯਾਬੀ ਨੂੰ ਲੈ ਕੇ ਚਿੰਤਤ ਹਨ, ਕਿਉਂਕਿ ਉਹ ਇਸ ਤੋਂ ਪਹਿਲਾਂ ਕਦੇ ਇੰਨੇ ਦਿਨ ਘਰੋਂ ਬਾਹਰ ਨਹੀਂ ਰਿਹਾ।

ਆਰਸੀਐਮਪੀ ਨੇ ਭਾਲ਼ ਲਈ ਮੰਗੀ ਲੋਕਾਂ ਦੀ ਮਦਦ

ਬਰਨਬੀ ਆਰਸੀਐਮਪੀ ਯਾਨੀ ਰਾਇਲ ਕੈਨੇਡੀਅਨ ਮਾਊਂਟੇਡ ਪੁਲਿਸ ਨੇ ਦੱਸਿਆ ਸਾਊਥ ਏਸ਼ੀਅਨ ਮੂਲ ਦਾ 48 ਸਾਲ ਅਮਨਦੀਪ ਸੰਘਾ ਲਾਪਤਾ ਚੱਲ ਰਿਹਾ ਹੈ, ਜਿਸ ਨੂੰ ਆਖਰੀ ਵਾਰ 16 ਸਤੰਬਰ ਬਰਨਬੀ ਦੇ ਡਗਲਸ ਰੋਡ ਦੇ 2200 ਬਲਾਕ ਵਿੱਚ ਦੇਖਿਆ ਗਿਆ ਸੀ। ਉਸ ਮਗਰੋਂ ਬਾਰੇ ਕੁਝ ਪਤਾ ਨਹੀਂ ਲੱਗਾ।

16 ਸਤੰਬਰ ਨੂੰ ਆਖਰੀ ਵਾਰ ਦੇਖਿਆ ਗਿਆ ਸੀ 48 ਸਾਲਾ ਸੰਘਾ

ਪੁਲਿਸ ਨੇ ਅਮਨਦੀਪ ਸੰਘਾ ਦਾ ਹੁਲੀਆ ਜਾਰੀ ਕਰਦਿਆਂ ਦੱਸਿਆ ਕਿ 6 ਫੁੱਟ ਲੰਮਾ ਅਮਨਦੀਪ ਸੰਘਾ ਦੀ ਦਰਮਿਆਨੇ ਕੱਦ ਦਾ ਮਾਲਕ ਹੈ। ਜਦੋਂ ਉਸ ਨੂੰ ਆਖਰੀ ਵਾਰ ਦੇਖਿਆ ਗਿਆ, ਉਸ ਵੇਲੇ ਉਸ ਨੇ ਨੀਲੀ ਜਾਕਟ, ਕਾਲੀ ਟੀ-ਸ਼ਰਟ ਅਤੇ ਕਰੀਮ ਦੇ ਜਿਹੇ ਕਲਰ ਦੀ ਪੈਂਟ ਪਾਈ ਹੋਈ ਸੀ। ਪੁਲਿਸ ਅਤੇ ਸੰਘਾ ਦਾ ਪਰਿਵਾਰ ਉਸ ਦੀ ਸਿਹਤਯਾਬੀ ਨੂੰ ਲੈ ਕੇ ਚਿੰਤਤ ਹੈ, ਕਿਉਂਕਿ ਉਹ ਇਸ ਤੋਂ ਪਹਿਲਾਂ ਕਦੇ ਇੰਨੇ ਦਿਨ ਘਰੋਂ ਬਾਹਰ ਨਹੀਂ ਰਿਹਾ।

ਬਰਨਬੀ ਆਰਸੀਐਮਪੀ ਨੇ ਉਸ ਦੀ ਭਾਲ਼ ਲਈ ਲੋਕਾਂ ਨੂੰ ਅਪੀਲ ਕੀਤੀ ਕਿ ਜਿਸ ਕਿਸੇ ਕੋਲ ਵੀ ਅਮਨਦੀਪ ਸੰਘਾ ਬਾਰੇ ਕੋਈ ਵੀ ਜਾਣਕਾਰੀ ਹੈ ਤਾਂ ਉਹ ਫੋਨ ਨੰਬਰ : 604-646-9999 ’ਤੇ ਕਾਲ ਕਰ ਸਕਦਾ ਹੈ। ਇਸ ਤੋਂ ਇਲਾਵਾ ਗੁਪਤ ਢੰਗ ਨਾਲ ਸੂਚਨਾ ਦੇਣ ਲਈ 1-800-222-8477 ’ਤੇ ਸੰਪਰਕ ਕਰਨ ਦੀ ਸਹੂਲਤ ਉਪਲੱਬਧ ਹੈ।