ਅਜਮੇਰ : ਮਾਲ ਗੱਡੀ ਨਾਲ ਟਕਰਾਈ ਯਾਤਰੀ ਰੇਲ

ਸਾਬਰਮਤੀ-ਆਗਰਾ ਸੁਪਰਫਾਸਟ ਪਟੜੀ ਤੋਂ ਉਤਰੀ
ਅਜਮੇਰ : ਰਾਜਸਥਾਨ ਦੇ ਅਜਮੇਰ ਵਿੱਚ ਮਦਰ ਰੇਲਵੇ ਸਟੇਸ਼ਨ ਦੇ ਕੋਲ ਇੱਕ ਵੱਡਾ ਰੇਲ ਹਾਦਸਾ ਹੋਇਆ ਹੈ। ਇਸੇ ਟ੍ਰੈਕ 'ਤੇ ਇਕ ਯਾਤਰੀ ਟਰੇਨ ਦੀ ਮਾਲ ਗੱਡੀ ਨਾਲ ਟੱਕਰ ਹੋ ਗਈ। ਟਰੇਨ ਨੰਬਰ 12548 ਸਾਬਰਮਤੀ-ਆਗਰਾ ਕੈਂਟ ਸੁਪਰਫਾਸਟ ਟਰੇਨ ਹਾਦਸੇ ਦਾ ਸ਼ਿਕਾਰ ਹੋ ਗਈ। ਸੁਪਰਫਾਸਟ ਟਰੇਨ ਦਾ ਇੰਜਣ ਅਤੇ 4 ਡੱਬੇ ਪਟੜੀ ਤੋਂ ਉਤਰ ਗਏ। ਹਾਦਸੇ ਦੇ ਸਮੇਂ ਟਰੇਨ 'ਚ ਵੱਡੀ ਗਿਣਤੀ 'ਚ ਯਾਤਰੀ ਵੀ ਮੌਜੂਦ ਸਨ। ਹਾਲਾਂਕਿ ਇਸ ਹਾਦਸੇ 'ਚ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ। ਹੁਣ ਰੇਲਵੇ ਨੇ ਅਜਮੇਰ ਸਟੇਸ਼ਨ 'ਤੇ ਹੈਲਪ ਡੈਸਕ ਸਥਾਪਿਤ ਕੀਤਾ ਹੈ। ਹੈਲਪਲਾਈਨ ਨੰਬਰ 0145-2429642 ਜਾਰੀ ਕੀਤਾ ਗਿਆ ਹੈ।