ਸ਼ੰਭੂ ਸਰਹੱਦ 'ਤੇ ਅੱਥਰੂ ਗੈਸ ਦਿਮਾਗ਼ 'ਤੇ ਚੜ੍ਹਨ ਕਾਰਨ ਨੌਜਵਾਨ ਹੋਇਆ ਸ਼ੁਦਾਈ

ਲੁਧਿਆਣਾ : ਸਿਵਲ ਹਸਪਤਾਲ ਵਿੱਚ ਦੇਰ ਰਾਤ ਇੱਕ ਨੌਜਵਾਨ ਨੇ ਹੰਗਾਮਾ ਮਚਾ ਦਿੱਤਾ। ਟਰਾਮਾ ਵਾਰਡ 'ਚ ਨੌਜਵਾਨ ਨੇ ਸ਼ੀਸ਼ਾ ਵੀ ਤੋੜ ਦਿੱਤਾ। ਪੁਲੀਸ ਮੁਲਾਜ਼ਮ ਮੂਕ ਦਰਸ਼ਕ ਬਣੇ ਰਹੇ। ਨੌਜਵਾਨਾਂ ਨੇ ਵਾਰਡ 'ਚ ਦਾਖਲ ਮਰੀਜ਼ਾਂ 'ਤੇ ਹਮਲਾ ਕਰ ਦਿੱਤਾ।

ਦੱਸਿਆ ਜਾ ਰਿਹਾ ਹੈ ਕਿ ਨੌਜਵਾਨ ਸ਼ੰਭੂ ਸਰਹੱਦ 'ਤੇ ਪ੍ਰਦਰਸ਼ਨ ਤੋਂ ਵਾਪਸ ਪਰਤਿਆ ਹੈ। ਅੱਥਰੂ ਗੈਸ ਨਾਲ ਉਸ ਦਾ ਦਿਮਾਗ ਪ੍ਰਭਾਵਿਤ ਹੋਇਆ ਹੈ, ਜਿਸ ਕਾਰਨ ਉਸ ਦਾ ਮਾਨਸਿਕ ਸੰਤੁਲਨ ਵਿਗੜ ਗਿਆ ਹੈ। ਹਸਪਤਾਲ ਵਿੱਚ ਭੰਨਤੋੜ ਕਰਨ ਅਤੇ ਗਾਲੀ ਗਲੋਚ ਕਰਨ ਵਾਲਾ ਵਿਅਕਤੀ ਟਿੱਬਾ ਰੋਡ ਗਰੀਨ ਸਿਟੀ ਖੇਤਰ ਦਾ ਰਹਿਣ ਵਾਲਾ ਕਿਸਾਨ ਗੁਰਲਾਲ ਸਿੰਘ ਹੈ। ਗੁਰਲਾਲ ਸਿੰਘ 21 ਫਰਵਰੀ ਨੂੰ ਸਰਹੱਦ 'ਤੇ ਅੱਥਰੂ ਗੈਸ ਦੀ ਗੋਲਾਬਾਰੀ ਦੌਰਾਨ ਬੀਮਾਰ ਹੋ ਗਿਆ ਸੀ।