ਦੇਹਰਾਦੂਨ ’ਚ ਦਿਨ-ਦਿਹਾੜੇ ਪਿਆ ਵੱਡਾ ਡਾਕਾ

ਦੇਹਰਾਦੂਨ, (ਹਮਦਰਦ ਨਿਊਜ਼ ਸਰਵਿਸ) : ਦੇਹਰਾਦੂਨ ਤੋਂ ਵੱਡੀ ਖਬਰ ਸਾਹਮਣੇ ਆ ਰਹੀ ਹੈ, ਜਿੱਥੇ ਦਿਨ-ਦਿਹਾੜੇ ਵੱਡਾ ਡਾਕਾ ਪੈ ਗਿਆ। ਰਾਸ਼ਟਰਪਤੀ ਦਰੌਪਦੀ ਮੁਰਮੂ ਦੀ ਫੇਰੀ ਨੂੰ ਲੈ ਕੇ ਸ਼ਹਿਰ ਦੇ ਚੱਪੇ-ਚੱਪੇ ’ਤੇ ਪੁਲਿਸ ਤੈਨਾਤ ਸੀ।

ਪੂਰੇ ਸੁਰੱਖਿਆ ਪ੍ਰਬੰਧਾਂ ਦੇ ਬਾਵਜੂਦ ਮੋਟਰਸਾਈਕਲਾਂ ’ਤੇ ਆਏ ਕੁਝ ਲੁਟੇਰੇ ਰਿਲਾਇਸ਼ ਜਵੈਲਰੀ ਸ਼ੋਅ ਰੂਮ ਵਿੱਚ ਦਾਖਲ ਹੋਏ ਤੇ ਇਸ ਵੱਡੀ ਵਾਰਦਾਤ ਨੂੰ ਅੰਜਾਮ ਦਿੱਤਾ।

ਹੈਲਮਟ ਤੇ ਮਾਸਕ ਪਾ ਕੇ ਆਏ ਲੁਟੇਰੇ ਬੈਗਾਂ ਵਿੱਚ ਗਹਿਣੇ ਭਰਦੇ ਹੋਏ ਦਿਖਾਈ ਦਿੱਤੇ। ਇਸ ਦੀ ਸੀਸੀਟੀਵੀ ਫੁਟੇਜ ਕਾਫ਼ੀ ਵਾਇਰਲ ਹੋ ਰਹੀ ਹੈ।