7 ਵਕੀਲਾਂ ਨੂੰ ਨਾਲ ਲੈ ਕੇ ਥਾਣੇ ਪੁੱਜਿਆ ਬਿਗ ਬੌਸ ਜੇਤੂ ਐਲਵਿਸ਼, ਕੀਤੀ ਗਈ ਪੁੱਛਗਿੱਛ

ਨੋਇਡਾ, 8 ਨਵੰਬਰ, ਨਿਰਮਲ : ਜ਼ਹਿਰੀਲੇ ਸੱਪਾਂ ਦੇ ਮਾਮਲੇ ’ਚ ਬਿੱਗ ਬੌਸ ਜੇਤੂ ਐਲਵਿਸ਼ ਯਾਦਵ ਮੰਗਲਵਾਰ ਰਾਤ 2 ਵਜੇ ਨੋਇਡਾ ਦੇ ਸੈਕਟਰ-20 ਥਾਣੇ ਪਹੁੰਚੇ। ਐਲਵਿਸ਼ ਆਪਣੇ ਨਾਲ 7 ਵਕੀਲਾਂ ਨਾਲ ਪਹੁੰਚੇ। ਐਲਵਿਸ਼ ਤੋਂ ਥਾਣੇ ’ਚ ਕਰੀਬ 3 ਘੰਟੇ ਤੱਕ ਪੁੱਛਗਿੱਛ ਕੀਤੀ ਗਈ। ਸੂਤਰਾਂ ਮੁਤਾਬਕ ਇਸ ਦੌਰਾਨ ਉਹ ਕਾਫੀ ਡਰਿਆ ਨਜ਼ਰ ਆ ਰਿਹਾ ਸੀ। ਉਸ ਤੋਂ ਰੇਵ ਪਾਰਟੀ, ਜ਼ਹਿਰੀਲੇ ਸੱਪਾਂ ਨਾਲ ਨਸ਼ਾ ਅਤੇ ਸੱਪਾਂ ਦੇ ਤਸਕਰ ਰਾਹੁਲ ਨਾਲ ਸਬੰਧਾਂ ਸਬੰਧੀ ਸਵਾਲ ਪੁੱਛੇ ਗਏ। ਐਲਵਿਸ਼ ਨੇ ਜ਼ਿਆਦਾਤਰ ਦੋਸ਼ਾਂ ਤੋਂ ਇਨਕਾਰ ਕੀਤਾ। ਉਸ ਨੇ ਕਿਹਾ ਕਿ ਉਸ ਦਾ ਇਸ ਨਾਲ ਕੋਈ ਸਬੰਧ ਨਹੀਂ ਹੈ।