ਅਮਰੀਕਾ ਦੇ 4 ਰਾਜਾਂ ’ਚ ਭਾਰਤੀਆਂ ਦੇ ਜਿਊਲਰੀ ਸਟੋਰ ਲੁੱਟਣ ਵਾਲੇ 16 ਕਾਬੂ

ਰਿਚਮੰਡ, 1 ਸਤੰਬਰ (ਵਿਸ਼ੇਸ਼ ਪ੍ਰਤੀਨਿਧ) : ਅਮਰੀਕਾ ਦੇ ਚਾਰ ਰਾਜਾਂ ਵਿਚ ਭਾਰਤੀਆਂ ਅਤੇ ਏਸ਼ੀਆਈ ਮੂਲ ਦੇ ਲੋਕਾਂ ਦੇ ਜਿਊਲਰੀ ਸਟੋਰ ਲੁੱਟਣ ਵਾਲੇ ਗਿਰੋਹ ਦਾ ਪਰਦਾ ਫ਼ਾਸ਼ ਕਰਦਿਆਂ ਐਫ਼.ਬੀ.ਆਈ. ਵੱਲੋਂ 16 ਜਣਿਆਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਗਿਰੋਹ ਨੇ ਜਨਵਰੀ 2022 ਤੋਂ ਜਨਵਰੀ 2023 ਦਰਮਿਆਨ ਵਰਜੀਨੀਆ, ਫਲੋਰੀਡਾ, ਨਿਊ ਜਰਸੀ ਅਤੇ ਪੈਨਸਿਲਵੇਲੀਆ ਵਿਚ 9 ਸਟੋਰਾਂ ਨੂੰ ਨਿਸ਼ਾਨਾ ਬਣਾਉਂਦਿਆਂ 10 ਲੱਖ ਡਾਲਰ ਤੋਂ ਵੱਧ ਮੁੱਲ ਦੇ ਗਹਿਣੇ ਲੁੱਟੇ। ਫੈਡਰਲ ਅਧਿਕਾਰੀਆਂ ਮੁਤਾਬਕ 7 ਜਨਵਰੀ 2022 ਦੀ ਵਾਰਦਾਤ ਦੌਰਾਨ ਵਰਜੀਨੀਆ ਦੇ ਈਸਟ ਫਾਲਜ਼ ਚਰਚ ਵਿਖੇ ਯਾਸੀਨੀ ਜਿਊਲਰਜ਼ ਨੂੰ ਲੁੱਟਿਆ ਗਿਆ ਜਦਕਿ 10 ਜੂਨ 2022 ਨੂੰ ਨਿਊ ਜਰਸੀ ਦੇ ਇਸਲਿਨ ਵਿਖੇ ਵਿਰਾਨੀ ਜਿਊਲਰਜ਼ ਨੂੰ ਨਿਸ਼ਾਨਾ ਬਣਾਇਆ ਗਿਆ।