ਸੰਜੇ ਦੱਤ ਸ਼ੂਟਿੰਗ ਦੌਰਾਨ ਹੋਏ ਜ਼ਖਮੀ

ਮੁੰਬਈ, 14 ਅਗਸਤ (ਸ਼ੇਖਰ) : ਬਾਲੀਵੁੱਡ ਐਕਟਰ ਸੰਜੇ ਦੱਤ ਬਾਰੇ ਮਾੜੀ ਖਬਰ ਸਾਹਮਣੇ ਆਈ ਹੈ। ਸੰਜੇ ਦੱਤ ਦੇ ਸਿਰ ਉੱਪਰ ਸੱਟ ਲੱਗਣ ਕਾਰਨ ਉਨ੍ਹਾਂ ਹਸਪਤਾਲ ਭਰਤੀ ਕਰਵਾਉਣਾ ਪਿਆ। ਸੰਜੇ ਦੱਤ ਦੇ ਸਿਰ ਉਪਰ ਸੱਟ ਸ਼ੂਟਿੰਗ ਦੌਰਾਨ ਲੱਗੀ ਹੈ ਜਿਸ ਲਈ ਸੰਜੇ ਦੇ ਸਿਰ ਉੱਪਰ ਟਾਂਕੇ ਵੀ ਲਗਾਉਣੇ ਪਏ ਹਨ।
ਬਾਲੀਵੁੱਡ ਐਕਟਰ ਸੰਜੇ ਦੱਤ ਇਨ੍ਹਾਂ ਦਿਨੀ ਬੈਂਕਾਕ ਵਿੱਚ ਸ਼ੂਟਿੰਗ ਕਰ ਰਹੇ ਹਨ। ਜਿਥੇ ਸ਼ੂਟਿੰਗ ਦੌਰਾਨ ਹੀ ਇੱਕ ਐਕਸ਼ਨ ਸੀਨ ਨੂੰ ਫਿਲਮਾਉਂਦੇ ਹੋਏ ਉਹਨਾਂ ਦੇ ਸਿਰ ੳੱਪਰ ਸੱਟ ਲੱਗ ਗਈ ਜਿਸ ਤੋਂ ਬਾਅਦ ਸੰਜੇ ਦੱਤ ਨੂੰ ਤੁਰੰਤ ਹਸਪਤਾਲ ਵਿੱਚ ਭਰਤੀ ਕਰਵਾਇਆ ਹੈ। ਹਾਲਾਂਕਿ ਮਿਲੀ ਜਾਣਕਾਰੀ ਮੁਤਾਬਕ ਹੁਣ ਉਨ੍ਹਾਂ ਦੀ ਹਾਲਤ ਠੀਕ ਹੈ ਅਤੇ ਖਤਰੇ ਵਾਲੀ ਕੋਈ ਗੱਲ ਨਹੀਂ ਹੈ।
ਫਿਲਮ ਦੀ ਸ਼ੂਟਿੰਗ ਦੌਰਾਨ ਜ਼ਖਮੀ ਹੋਏ ਸੰਜੇ ਦੱਤ ਦੇ ਸਿਰ 'ਤੇ ਕੁਝ ਟਾਂਕੇ ਵੀ ਲੱਗੇ ਹਨ। ਤੁਹਾਨੂੰ ਦੱਸ ਦਈਏ ਕਿ ਸੰਜੇ ਦੱਤ ਬੈਂਕਾਕ 'ਚ ਫਿਲਮ 'ਡਬਲ ਆਈਸਮਾਰਟ' ਦੀ ਸ਼ੂਟਿੰਗ ਕਰ ਰਹੇ ਸਨ। ਇੱਕ ਸੀਨ ਦੌਰਾਨ ਉਹ ਜ਼ਖਮੀ ਹੋ ਗਿਆ। ਹਾਲਾਂਕਿ ਸੱਟ ਇੰਨੀ ਡੂੰਘੀ ਨਹੀਂ ਸੀ, ਫਿਰ ਵੀ ਉਸ ਨੂੰ ਟਾਂਕੇ ਲਾਉਣੇ ਪਏ। ਆਪਣੇ ਕੰਮ ਪ੍ਰਤੀ ਡੈਡਿਕੇਸ਼ਨ ਦੇ ਚੱਲਦੇ ਸੰਜੇ ਨੇ ਹਸਪਤਾਲ ਤੋਂ ਵਾਪਸ ਆਉਣ ਤੋਂ ਬਾਅਦ ਸ਼ੂਟ ਜਾਰੀ ਰੱਖਿਆ।
ਪਿੰਕਵਿਲਾ ਦੀ ਰਿਪੋਰਟ ਮੁਤਾਬਕ ਫਿਲਮ 'ਡਬਲ ਆਈਸਮਾਰਟ' ਦੇ ਇੱਕ ਐਕਸ਼ਨ ਸੀਨ ਨੂੰ ਫਿਲਮਾਉਂਦੇ ਹੋਏ ਸੰਜੇ ਦੱਤ ਤਲਵਾਰ ਨਾਲ ਲੜ ਰਹੇ ਸੀ। ਤਲਵਾਰ ਨਾਲ ਲੜਦੇ ਹੋਏ ਉਸ ਦੇ ਸਿਰ 'ਤੇ ਸੱਟ ਲੱਗ ਗਈ। ਜ਼ਖਮੀ ਹੋਣ ਤੋਂ ਬਾਅਦ ਉਸ ਨੂੰ ਉਥੋਂ ਤੁਰੰਤ ਹਸਪਤਾਲ ਲਿਜਾਇਆ ਗਿਆ।
ਇਸ ਤੋਂ ਪਹਿਲਾਂ ਵੀ ਸੰਜੇ ਦੱਤ ਨੂੰ ਅਪ੍ਰੈਲ ਮਹੀਨੇ 'ਚ ਕੰਨੜ ਫਿਲਮ ਕੇਡੀ ਦੀ ਸ਼ੂਟਿੰਗ ਦੌਰਾਨ ਸੱਟ ਲੱਗ ਗਈ ਸੀ। ਇਲਾਜ ਤੋਂ ਬਾਅਦ ਉਹ ਉੱਥੇ ਹੀ ਸ਼ੂਟਿੰਗ ਕਰਦੇ ਰਹੇ।
ਜੇਕਰ ਪਿਛਲੇ ਕੁੱਝ ਸਮੇਂ ਵੱਲ ਝਾਤ ਮਾਰੀ ਜਾਵੇ ਤਾਂ ਸੰਜੇ ਦੱਤ ਪਿਛਲੇ ਕੁਝ ਸਾਲਾਂ ਤੋਂ ਕਿਸੇ ਨਾ ਕਿਸੇ ਮੁਸੀਬਤ ਵਿੱਚ ਫਸ ਰਹੇ ਹਨ। ਉਸ ਨੂੰ ਚਾਰ ਮਹੀਨਿਆਂ ਦੇ ਅੰਦਰ ਦੋ ਸੱਟਾਂ ਲੱਗੀਆਂ। 3 ਸਾਲ ਪਹਿਲਾਂ ਉਸ ਨੂੰ ਕੈਂਸਰ ਵਰਗੀ ਘਾਤਕ ਬੀਮਾਰੀ ਹੋ ਗਈ ਸੀ। ਹਾਲਾਂਕਿ ਉਸ ਨੇ ਮੌਤ ਨਾਲ ਇਹ ਲੜਾਈ ਜਿੱਤ ਲਈ ਸੀ।
ਅਗਸਤ 2020 ਵਿੱਚ ਉਸ ਨੂੰ ਕੈਂਸਰ ਬਾਰੇ ਪਤਾ ਲੱਗਾ। 8 ਅਗਸਤ, 2020 ਨੂੰ, ਉਸਨੂੰ ਸਾਹ ਲੈਣ ਵਿੱਚ ਮੁਸ਼ਕਲ ਹੋਣ ਤੋਂ ਬਾਅਦ ਮੁੰਬਈ ਦੇ ਲੀਲਾਵਤੀ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ, ਜਿੱਥੇ ਉਸਦੇ ਕੁਝ ਟੈਸਟ ਕੀਤੇ ਗਏ। ਤਿੰਨ ਦਿਨ ਬਾਅਦ 11 ਅਗਸਤ ਨੂੰ ਪਤਾ ਲੱਗਾ ਕਿ ਉਹ ਫੇਫੜਿਆਂ ਦੇ ਕੈਂਸਰ ਨਾਲ ਜੂਝ ਰਿਹਾ ਸੀ। ਹਾਲਾਂਕਿ, ਕੁਝ ਦਿਨਾਂ ਦੇ ਇਲਾਜ ਤੋਂ ਬਾਅਦ, ਉਸਨੇ ਇਸ ਗੰਭੀਰ ਬਿਮਾਰੀ ਨੂੰ ਹਰਾ ਦਿੱਤਾ।
ਪਰ ਸਾਲ 2023 ਸੰਜੇ ਦੱਤ ਲਈ ਖਾਸ ਰਿਹਾ। 2023 ਵਿੱਚ, ਉਸਦੀ ਬਲਾਕਬਸਟਰ ਫਿਲਮ ਖਲਨਾਇਕ ਨੇ 30 ਸਾਲ ਪੂਰੇ ਕੀਤੇ। ਇਹ ਫਿਲਮ 15 ਜੂਨ 1993 ਨੂੰ ਰਿਲੀਜ਼ ਹੋਈ ਸੀ। ਇਹ ਉਹ ਸਮਾਂ ਸੀ ਜਦੋਂ ਮੁੰਬਈ ਵਿੱਚ ਲੜੀਵਾਰ ਬੰਬ ਧਮਾਕੇ ਹੋਏ ਸਨ।
ਇਨ੍ਹਾਂ ਧਮਾਕਿਆਂ 'ਚ ਸੰਜੇ ਦੱਤ ਦਾ ਨਾਂ ਵੀ ਸ਼ਾਮਲ ਸੀ। ਜਿਵੇਂ ਫਿਲਮ ਦਾ ਟਾਈਟਲ ਸੀ, ਉਹ ਅਸਲ ਜ਼ਿੰਦਗੀ ਵਿੱਚ ਵੀ ਨਜ਼ਰ ਆ ਰਿਹਾ ਸੀ। ਸੰਜੇ 'ਤੇ ਖਤਰਨਾਕ ਹਥਿਆਰ ਰੱਖਣ ਦੇ ਦੋਸ਼ 'ਚ ਆਰਮਜ਼ ਐਕਟ ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਸੀ।
ਉਸ ਨੂੰ ਪਹਿਲਾਂ 6 ਸਾਲ ਦੀ ਸਜ਼ਾ ਸੁਣਾਈ ਗਈ ਸੀ ਜੋ ਬਾਅਦ ਵਿਚ ਘਟਾ ਕੇ 5 ਸਾਲ ਕਰ ਦਿੱਤੀ ਗਈ ਸੀ। ਸੰਜੇ ਪਹਿਲੀ ਵਾਰ 19 ਅਪ੍ਰੈਲ 1993 ਨੂੰ ਜੇਲ੍ਹ ਗਿਆ ਸੀ। ਇਸ ਤੋਂ ਬਾਅਦ 1993 ਤੋਂ 2016 ਤੱਕ ਉਹ ਕਈ ਵਾਰ ਜੇਲ੍ਹ ਗਿਆ। ਹਾਲਾਂਕਿ 2016 'ਚ ਉਸ ਨੇ 5 ਸਾਲ ਦੀ ਸਜ਼ਾ ਪੂਰੀ ਕਰ ਲਈ ਸੀ।
ਬਿਤੇ ਕੁੱਝ ਦਿਨ ਪਹਿਲਾਂ ਵੀ ਸੰਜੇ ਦੱਤ ਕਾਫੀ ਸੁਰਖੀਆਂ ਵਿੱਚ ਰਹੇ ਸੀ ਜਦੋਂ ਸੰਜੇ ਦੱਤ ਨੇ ਪੰਜਾਬੀ ਐਕਟਰ ਪ੍ਰੋਡਿਊਸ ਤੇ ਗਾਇਕ ਗਿੱਪੀ ਗਰੇਵਾਲ ਦੇ ਨਾਲ ਤਸਵੀਰ ਸਾਂਝੀ ਕਰਦੇ ਆਪਣੇ ਫੈਨਜ਼ ਨੂੰ ਇਹ ਜਾਣਕਾਰੀ ਦਿੱਤੀ ਸੀ ਕਿ ਉਹ ਪਹਿਲੀ ਵਾਰੀ ਪੰਜਾਬੀ ਫਿਲਮ ਵਿੱਚ ਅਦਾਕਾਰੀ ਕਰਦੇ ਦਿਖਾਈ ਦੇਣਗੇ। ਸੰਜੇ ਦੱਤ ਨੇ ਗਿੱਪੀ ਗਰੇਵਾਲ ਦੀ ਆਉਣ ਵਾਲੀ ਅਗਾਮੀ ਫਿਲਮ 'ਸ਼ੇਰਾ ਦੀ ਕੌਮ ਪੰਜਾਬੀ' ਸਾਈਨ ਕੀਤੀ ਹੈ। ਇਸ ਫਿਲਮ ਦੇ ਵਿੱਚ ਸੰਜੇ ਦੱਤ ਮੁੱਖ ਕਿਰਦਾਰ ਵਿੱਚ ਦਿਖਾਈ ਦੇਣ ਵਾਲੇ ਹਨ। ਇਹ ਸੰਜੇ ਦੱਤ ਦੇ ਫਿਲਮੀ ਕਰੀਅਰ ਦੀ ਪਹਿਲੀ ਫਿਲਮ ਹੋਣ ਵਾਲੀ ਹੈ। ਸੰਜੇ ਦੱਤ ਨੇ ਬਾਲੀਵੁੱਡ ਦੇ ਨਾਲ ਨਾਲ ਕਈ ਸਾਊਥ ਫਿਲਮਾਂ ਵਿੱਚ ਵੀ ਕੰਮ ਕੀਤਾ ਹੈ। ਸੰਜੇ ਦੱਤ ਦੇ ਪਿਛੋਕੜ ਦੀ ਗੱਲ ਕੀਤੀ ਜਾਵੇ ਤਾਂ ਉਨ੍ਹਾਂ ਦੇ ਪਿਤਾ ਸੁਨੀਲ ਦੱਤ ਵੰਡ ਤੋਂ ਪਹਿਲਾਂ ਦੇ ਪੰਜਾਬ ਦੇ ਹੀ ਜਮ ਪਲ ਸਨ। ਇਸੇ ਕਰਕੇ ਸੰਜੇ ਦੱਤ ਵੀ ਚੰਗੀ ਪੰਜਾਬੀ ਬੋਲ ਲੈਂਦੇ ਹਨ। ਸੁਨੀਲ ਦੱਤ ਨੇ ਵੀ ਕਈ ਪੰਜਾਬੀ ਫਿਲਮਾਂ ਵਿੱਚ ਬਤੌਰ ਹਿਰੋ ਕੰਮ ਕੀਤਾ ਹੈ ਅਤੇ ਹੁਣ ਆਪਣੇ ਪਿਤਾ ਵਾਂਗ ਸੰਜੇ ਦੱਤ ਵੀ ਵੀ ਪੰਜਾਬੀ ਫਿਲਮ ਵਿੱਚ ਦਿਖਾਈ ਦੇਣ ਵਾਲੇ ਹਨ। ਸੰਜੇ ਦੱਤ ਤੇ ਗਿੱਪੀ ਗਰੇਵਾਲ ਦੀ ਫਿਲਮ 'ਸ਼ੇਰਾ ਦੀ ਕੌਮ ਪੰਜਾਬੀ' ਅਗਲੇ ਸਾਲ ਯਾਨੀ ਕਿ ਅਪ੍ਰੈਲ 2024 ਨੂੰ ਵਿਸਾਖੀ ਮੌਕੇ ਰਿਲੀਜ਼ ਕੀਤੀ ਜਾਵੇਗੀ।