ਸਰੀ ਤੋਂ ਲਾਪਤਾ ਸਿਮਰਨ ਖਟੜਾ ਦੀ ਸੂਹ ਦੇਣ ਵਾਲੇ ਨੂੰ ਮਿਲਣਗੇ 10 ਹਜ਼ਾਰ ਡਾਲਰ

ਸਰੀ, 20 ਮਈ (ਵਿਸ਼ੇਸ਼ ਪ੍ਰਤੀਨਿਧ) : ਸਰੀ ਤੋਂ ਲਾਪਤਾ ਸਿਮਰਨ ਕੌਰ ਖਟੜਾ ਬਾਰੇ 23 ਦਿਨ ਬਾਅਦ ਵੀ ਕੁਝ ਪਤਾ ਨਹੀਂ ਲੱਗ ਸਕਿਆ। ਦੂਜੇ ਪਾਸੇ ਸਿਮਰਨ ਕੌਰ ਖਟੜਾ ਦੇ ਪਤੇ-ਟਿਕਾਣੇ ਬਾਰੇ ਜਾਣਕਾਰੀ ਦੇਣ ਵਾਲੇ ਨੂੰ 10 ਹਜ਼ਾਰ ਡਾਲਰ ਇਨਾਮ ਵਾਲੇ ਪੋਸਟਰ ਵੱਖ ਵੱਖ ਥਾਵਾਂ ’ਤੇ ਲੱਗੇ ਨਜ਼ਰ ਆਏ। ਸਿਮਰਨ ਕੌਰ ਨੂੰ ਆਖਰੀ ਵਾਰ ਸਰੀ ਦੇ 88 ਐਵੇਨਿਊ ਦੇ 13,300 ਬਲਾਕ ਵਿਚ 27 ਅਪ੍ਰੈਲ ਨੂੰ ਸ਼ਾਮ ਤਕਰੀਬਨ 6.30 ਵਜੇ ਦੇਖਿਆ ਗਿਆ ਸੀ। ਆਰ.ਸੀ.ਐਮ.ਪੀ. ਵੱਲੋਂ ਜਾਰੀ ਹੁਲੀਏ ਮੁਤਾਬਕ ਸਿਮਰਨ ਕੌਰ ਖਟੜਾ ਦੀ ਉਮਰ 19 ਸਾਲ ਅਤੇ ਕੱਦ 5 ਫੁੱਟ 3 ਇੰਚ ਹੈ।

23 ਦਿਨ ਤੋਂ ਲਾਪਤਾ ਹੈ 19 ਸਾਲ ਦੀ ਪੰਜਾਬਣ

ਉਸ ਦਾ ਵਜ਼ਨ ਤਕਰੀਬਨ 72 ਕਿਲੋ, ਅੱਖਾਂ ਭੂਰੀਆਂ ਅਤੇ ਵਾਲ ਕਾਲੇ ਹਨ। ਉਹ ਪੈਦਲ ਹੀ ਆਪਣੇ ਘਰੋਂ ਬਾਹਰ ਗਈ ਅਤੇ ਆਖਰੀ ਵਾਰ ਦੇਖੇ ਜਾਣ ਮੌਕੇ ਉਸ ਨੇ ਕਾਲੀ ਹੂਡੀ ਅਤੇ ਗਰੇਅ ਸਵੈਟ ਪੈਂਟ ਪਹਿਨੀ ਹੋਈ ਸੀ। ਸਿਮਰਨ ਕੌਰ ਖਟੜਾ ਦਾ ਪਰਵਾਰ ਅਤੇ ਪੁਲਿਸ ਉਸ ਦੀ ਸੁੱਖ ਸਾਂਦ ਪ੍ਰਤੀ ਚਿੰਤਤ ਹਨ। ਸਿਮਰਨ ਕੌਰ ਦੀ ਸੂਹ ਦੇਣ ਵਾਲੇ ਨੂੰ 10 ਹਜ਼ਾਰ ਡਾਲਰ ਦੇ ਇਨਾਮ ਵਾਲੇ ਪੋਸਟਰਾਂ ਉਤੇ ਫੋਨ ਨੰਬਰ 778 889 5240 ਜਾਂ 778 858 5240 ’ਤੇ ਕਾਲ ਕਰਨ ਦਾ ਸੱਦਾ ਦਿਤਾ ਗਿਆ ਹੈ।

ਪਰਵਾਰ ਅਤੇ ਪੁਲਿਸ ਸੁੱਖ-ਸਾਂਦ ਪ੍ਰਤੀ ਚਿੰਤਤ

ਪੋਸਟਰ ਵਿਚ ਇਸ ਗੱਲ ਦਾ ਜ਼ਿਕਰ ਨਹੀਂ ਕਿ ਇਨਾਮ ਦਾ ਐਲਾਨ ਕਿਸ ਵੱਲੋਂ ਕੀਤਾ ਗਿਆ ਹੈ। ਐਤਵਾਰ ਨੂੰ ਕੁਝਲੋਕ ਵੈਨਕੂਵਰ ਦੇ ਡਾਊਨ ਟਾਊਨ ਵਿਖੇ ਪੋਸਟਰ ਵੰਡਦੇ ਨਜ਼ਰ ਆਏ। ਇਸੇ ਦੌਰਾਨ ਸਰੀ ਆਰ.ਸੀ.ਐਮ.ਪੀ. ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਜੇ ਕਿਸੇ ਕੋਲ ਸਿਮਰਨ ਕੌਰ ਖਟੜਾ ਬਾਰੇ ਕੋਈ ਜਾਣਕਾਰੀ ਹੋਵੇ ਤਾਂ 604 599 0502 ’ਤੇ ਸੰਪਰਕ ਕੀਤਾ ਜਾਵੇ। ਗੁਪਤ ਤਰੀਕੇ ਨਾਲ ਜਾਣਕਾਰੀ ਦੇਣ ਲਈ ਕ੍ਰਾਈਮ ਸਟੌਪਰਜ਼ ਨਾਲ 1-800-222 ਟਿਪਸ ’ਤੇ ਕਾਲ ਕੀਤੀ ਜਾ ਸਕਦੀ ਹੈ।