ਦੁਨੀਆ ਦਾ ਸਭ ਤੋਂ ਘੱਟ ਸ਼ਾਂਤੀ ਵਾਲਾ ਮੁਲਕ ‘ਅਫ਼ਗਾਨਿਸਤਾਨ’

‘ਗਲੋਬਲ ਪੀਸ ਇੰਡੈਕਸ’ ਦੀ ਰਿਪੋਰਟ ’ਚ ਕੀਤਾ ਗਿਆ ਦਾਅਵਾ
ਕਾਬੁਲ, 2 ਜੁਲਾਈ (ਹਮਦਰਦ ਨਿਊਜ਼ ਸਰਵਿਸ) : ਅਫ਼ਗਾਨਿਸਤਾਨ ਨੂੰ ਲਗਾਤਾਰ ਪੰਜਵੇਂ ਸਾਲ ਦੁਨੀਆ ਦਾ ਸਭ ਤੋਂ ਘੱਟ ਸ਼ਾਂਤੀ ਵਾਲਾ ਦੇਸ਼ ਐਲਾਨਿਆ ਗਿਆ ਹੈ। ਇੰਸਟੀਚਿਊਟ ਫਾਰ ਇਕਨਾਮਿਕਸ ਐਂਡ ਪੀਸ ਨੇ ‘ਗਲੋਬਲ ਪੀਸ ਇੰਡੈਕਸ-2022’ ਦੀ ਰਿਪੋਰਟ ਵਿੱਚ ਇਹ ਦਾਅਵਾ ਕੀਤਾ।
ਅਫ਼ਗਾਨਿਸਤਾਨ ਤੋਂ ਬਾਅਦ ਇਸ ਸੂਚੀ ’ਚ ਯਮਨ, ਸੀਰੀਆ, ਰੂਸ ਅਤੇ ਦੱਖਣੀ ਸੂਡਾਨ ਸ਼ਾਮਲ ਹਨ। ਇਹ ਸਾਰੇ ਦੇਸ਼ ਪਿਛਲੇ ਤਿੰਨ ਸਾਲਾਂ ਤੋਂ 10 ਸਭ ਤੋਂ ਘੱਟ ਸ਼ਾਂਤੀ ਵਾਲੇ ਦੇਸ਼ਾਂ ਦੀ ਸੂਚੀ ਵਿੱਚ ਬਣੇ ਹੋਏ ਹਨ। ਤਾਲਿਬਾਨ ਨੇ ਹੁਣ ਇਸ ਸੂਚੀ ’ਤੇ ਆਪਣੀ ਪ੍ਰਤੀਕਿਰਿਆ ਦਿੱਤੀ ਹੈ। ਆਈਈਪੀ ਦੇ ਗਲੋਬਲ ਪੀਸ ਇੰਡੈਕਸ 2022 ਦੀ ਸੂਚੀ ਨੂੰ ਤਾਲਿਬਾਨ ਨੇ ਕਾਫ਼ੀ ਬੇਇਨਸਾਫ਼ੀ ਦੱਸਿਆ ਹੈ।
ਆਈਈਪੀ ਦੇ ਅਨੁਸਾਰ, ਅਫਗਾਨਿਸਤਾਨ 2022 ਵਿੱਚ ਹਥਿਆਰਬੰਦ ਸੰਘਰਸ਼ਾਂ ਵਿੱਚ ਹੋਈਆਂ ਮੌਤਾਂ ਵਿੱਚ ਸਭ ਤੋਂ ਵੱਡੀ ਕਮੀ ਨੂੰ ਰਿਕਾਰਡ ਕਰਨ ਲਈ ਤਿਆਰ ਹੈ, ਜਿਸ ਵਿੱਚ ਸੰਘਰਸ਼ ਮੌਤਾਂ ਲਗਭਗ 43,000 ਤੋਂ ਘਟ ਕੇ 4,000 ਤੋਂ ਵੱਧ ਹੋ ਗਈਆਂ ਹਨ।