ਦਿੱਲੀ ਆਰਡੀਨੈਂਸ 'ਤੇ ਰਾਘਵ ਚੱਢਾ ਦਾ ਕਵਿਤਾ ਵਿਚ ਤੰਜ 'ਯੂਹੀਂ ਕੋਈ ਬੇਵਫ਼ਾ…'

ਨਵੀਂ ਦਿੱਲੀ : ਆਮ ਆਦਮੀ ਪਾਰਟੀ ਦੇ ਸਾਂਸਦ ਰਾਘਵ ਚੱਢਾ ਨੇ ਬੁੱਧਵਾਰ ਨੂੰ ਬੀਜੂ ਜਨਤਾ ਦਲ ਅਤੇ ਵਾਈਐਸਆਰ ਕਾਂਗਰਸ ਪਾਰਟੀ ਨੂੰ ਦਿੱਲੀ ਸੇਵਾਵਾਂ ਬਿੱਲ 'ਤੇ ਕੇਂਦਰ ਦਾ ਸਮਰਥਨ ਕਰਨ ਲਈ ਕਰੜੇ ਹੱਥੀਂ ਲਿਆ ਅਤੇ ਕਿਹਾ ਕਿ ਉਹ ਅਜਿਹਾ ਕਰਨ ਲਈ ਮਜ਼ਬੂਰ ਸਨ। ਚੱਢਾ ਨੇ ਕਵਿਤਾ ਦੇ ਰੂਪ ਵਿਚ ਤੰਜ ਕਰਦਿਆਂ ਕਿਹਾ ਕਿ " ਕੁਛ ਤੋ ਮਜਬੂਰੀਆ ਰਹੀ ਹੋਗੀ, ਯੂਹੀਂ ਨਹੀਂ ਕੋਈ ਬੇਵਫਾ ਹੋਤਾ, ਜੀ ਕਰਦਾ ਹੈ ਕਿ ਬਹੁਤ ਸੱਚ ਕਹੂ, ਕੀ ਕਰਾਂ ਹੌਸਲਾ ਨਹੀਂ ਹੁੰਦਾ…" (ਕੋਈ ਮਜਬੂਰੀ ਜ਼ਰੂਰ ਹੋਣੀ ਚਾਹੀਦੀ ਹੈ, ਲੋਕ ਬਿਨਾਂ ਵਜ੍ਹਾ ਬੇਵਫ਼ਾ ਨਹੀਂ ਹੁੰਦੇ)," ।

ਰਾਘਵ ਚੱਢਾ ਨੇ ਗੈਰ-ਭਾਜਪਾ ਪਾਰਟੀਆਂ ਨੂੰ ਵੀ ਸੁਚੇਤ ਕਰਦਿਆਂ ਕਿਹਾ ਕਿ ਜੇਕਰ ਇਹ ਤਜਰਬਾ (ਭਾਜਪਾ ਦਾ) ਦਿੱਲੀ ਵਿੱਚ ਸਫਲ ਹੁੰਦਾ ਹੈ, ਤਾਂ ਇਹ ਸਾਰੀਆਂ ਗੈਰ-ਭਾਜਪਾ ਸੱਤਾਧਾਰੀ ਸਰਕਾਰਾਂ ਵਿੱਚ ਦੁਹਰਾਇਆ ਜਾਵੇਗਾ।

ਅਸਲ ਵਿਚ ਦੋਵੇਂ ਗੈਰ-ਭਾਰਤੀ ਜਨਤਾ ਪਾਰਟੀਆਂ, ਜਿਨ੍ਹਾਂ ਦੀ ਓਡੀਸ਼ਾ ਅਤੇ ਆਂਧਰਾ ਪ੍ਰਦੇਸ਼ ਵਿੱਚ ਸੱਤਾਧਾਰੀ ਸਰਕਾਰ ਹੈ, ਨੇ ਵਿਵਾਦਪੂਰਨ ਬਿੱਲ ਨੂੰ ਆਪਣਾ ਸਮਰਥਨ ਦੇਣ ਦਾ ਫੈਸਲਾ ਕੀਤਾ, ਜਿਸਦਾ ਉਦੇਸ਼ ਕੇਂਦਰ ਨੂੰ ਦਿੱਲੀ ਵਿੱਚ ਨੌਕਰਸ਼ਾਹੀ 'ਤੇ ਕੰਟਰੋਲ ਬਰਕਰਾਰ ਰੱਖਣ ਦੀ ਆਗਿਆ ਦੇਣਾ ਹੈ। 'ਆਪ' ਨੇ ਇਸ ਬਿੱਲ ਨੂੰ 'ਅਸੰਵਿਧਾਨਕ' ਕਰਾਰ ਦਿੱਤਾ ਹੈ।